Tanzania bans babies from classrooms: Ìjọba Tanzania fòfin de gbígbé ọmọ wá sí kíláàsì ìkẹ́kọ̀ọ́
Oríṣun àwòrán, Getty Images
Minisita eto ẹkọ lorilẹ-ede Tanzania, Adolf Mkenda, sọ pe bi ijọ̀ba ṣe faaye gba awọn akẹkọọbinrin lati tẹsiwaju pẹlu ẹkọ wọn lẹyin ti wọn ba bimọ, ko tumọ si pe wọn le gbe ọmọ wa si kilaasi.
Ọrọ to sọ yii jẹyọ lẹyin ti BBC ṣe ifọrọwanilẹnuwo pẹlu ọdọmọbinrin kan to gbe ọmọ rẹ oṣu mẹrin wọ kilaasi ni ẹkun Mbeya.Akẹ́kọ̀ọ́bìnrin kan padà sẹ́nu ẹ̀kọ́ pẹ̀lú ọmọ lọ́wọ́
BBC yaworan Esnath Gideon, ẹni ọdun mọkandinlogun naa pẹlu ọmọ rẹ to gbe le ori itan nibi to joko si ni kilaasi.
O sọ fun BBC pe oun ko ni ẹni to le ba oun tọju ọmọ tuntun naa nile, lo mu ki oun gbe wa si kilaasi.
- Agbára ṣì wà lọ́wọ́ Boris Johnson bo tilẹ̀ jẹ́ pé àwọn òṣìṣẹ́ rẹ̀ n fi iṣẹ́ sílẹ̀
- Òògùn ìbílẹ̀ nílò ìrànwọ́ owó láti gbèrú síi, àjọ NAFDAC ké gbàjarè
- ''Àwa ẹgbẹ́ Agbekoya ṣetán láti tú Sunday Igboho sílẹ̀ lẹ́wọ̀n pẹ̀lú agbára àwọn àgba''
- Wo ìdí tí ilé ẹjọ́ ilẹ̀ America fi sún ọjọ́ ìdájọ́ Hushpuppi síwájú
- Ètò Ìsìnkú olóògbé Ernest Shonekan ti ń wáyé báyìí
- Àwọn 33 afurasí ajínigbé tó ń ṣọṣẹ́ ní òpópónà Eko sí Ibadan ti wà ní àhàmọ́ àjọ ọlọ́pàá
Ṣugbọn, Ọjọgbọn Mkenda sọ pe gbigbe ọmọ tuntun wa si kilaasi yoo ma a ṣe idiwọ fun awọn akẹkọọ yoku.
Ṣaaju asiko yii ni Tanzania, ijọba ma n le awọn akẹkọọbinrin to ba loyun kuro nile ẹkọ ni. Wọn kii si gba wọn laaye ki wọn o pada.
Oṣu Kejila, ọdun to kọja ni ijọba ṣe atunsẹ si ofin naa lẹyin ọdun mọkandinlogun.
Igbesẹ naa si ti mu ki ọpọlọpọ awọn akẹkọọbinrin to bimọ pada sile ẹkọ lati pari.
Lara ọna abayọ ti awọn onimọ fun ijọba fun iru awọn eeyan bi Arabinrin Gideon ni pe ko ṣe ibudo kan ti awọn akẹkọọ ti ko ba ri ẹni ti yoo ba wọn tọju ọmọ, le gbe ọmọ si fun amojuto.
Kini o ti kọkọ ṣẹlẹ tẹlẹ?
Akẹ́kọ̀ọ́bìnrin kan padà sẹ́nu ẹ̀kọ́ pẹ̀lú ọmọ lọ́wọ́
Akẹ́kọ̀ọ́bìnrin kan ní orílẹ̀ èdè Tanzania ti padà sẹ́nu ẹ̀kọ́ pẹ̀lú ọmọ rẹ̀ lọ́wọ́ lẹ́yìn tí ìjọba mú àyípadà bá òfin tó de àwọn obìnrin tó bá lóyún ní orílẹ̀ èdè náà.
Akẹ́kọ̀ọ́bìnrin kan padà sẹ́nu ẹ̀kọ́ pẹ̀lú ọmọ lọ́wọ́ lẹ́yìn tí ìjọba mú àyípadà bá òfin ilẹ̀ Tanzania.
Esnath Gideon sọ fún ikọ̀ ìròyìn BBC pé òun kò ní ẹni tí òun yóò gbé ọmọ oṣù mẹ́rin òun fún ṣùgbọ́n inú òun dùn pé àwọn olùkọ́ gbà kí òun gbé ọmọ náà wọ yàrá ìkẹ́kọ̀ọ́.
Ọmọ ọdún mọ́kàndínlógún náà ni ó ti kọ́kọ́ sọ ìrètí nù lórí píparí ẹ̀kọ́ rẹ̀ nígbà tí ó lóyún ní ipele ẹ̀kọ́ kẹrin ṣùgbọ́n tó fi ìdùnú hàn pé òun le padà sẹnú ẹ̀kọ́ lẹ́yìn tí òun bí ọmọ náà tán.
- Wo ìdí tí ilé ẹjọ́ ilẹ̀ America fi sún ọjọ́ ìdájọ́ Hushpuppi síwájú
- Agbára ṣì wà lọ́wọ́ Boris Johnson bo tilẹ̀ jẹ́ pé àwọn òṣìṣẹ́ rẹ̀ n fi iṣẹ́ sílẹ̀
- Ẹ̀mí mọ́kànlá ló sọnù sí ìdìtẹ̀gbàjọba tó foríṣánpọ́n ní Guinea-Bissau
- Àwọn ọmọ ogun America pa olórí ISIS, Ibrahim al-Qurayshi ní Syria
- U.S. yóò máa fún àwọn ọmo Nàìjíríà kan ní físà ìwé ìrìnnà láì ṣe ìfọ̀rọ̀wánilẹ́nuwò
- Àjọ ìṣọ̀kan ilẹ̀ Àdúláwọ̀ fòfin de Burkina Faso lórí ìdìtẹ̀gbàjọba
Bawo ni Esnarth ṣe bẹrẹ irinajo rẹ?
Esnath Gideon ní iṣẹ́ agbẹjọ́rò ló wu òun láti ṣe tí òun yóò sì fojú sí ẹ̀kọ́ òun dáadáa.
"Ọmọ mi máa ń'ṣe ìdíwọ́ fún mi ní kílàsì ṣùgbọ́n mò ń fetí sílẹ̀".
- Kìnìún méjì ṣekùpa olùṣọ́gbà ẹranko, wọ́n sì sálọ
- Àwọn ọlọ́pàá méjì ṣe kòńgẹ́ ọlọ́jọ́ wọn níbi tí wọ́n ti ń ṣe àyẹ̀wò ọkọ̀
- Ìdìtẹ̀gbàjọba tó fẹ́ wáyé ní orílẹ̀-èdè Guinea Bissau, wo ohun tí a lè fìdíẹ̀ múlẹ̀ nípa rẹ̀
- Àwọn agbébọn pa ọgọ́ta èèyàn ní ibùdó ìfiniwọ̀ ní DR Congo
- Ṣé lóòtọ́ ni abẹ́ Venus Williams ẹni ọdún 41 ṣì dí pa, tí kò tíì bá ọkùnrin kankan lájọṣepọ̀ rí?
Ní ọ̀dọ̀ ìyá àgbà tó ń ta samosa lọ́jà ní Esnath Gideon ń gbé tí inú rẹ̀ sì dùn pé ó padà sẹ́nu ẹ̀kọ́ rẹ̀ nítorí ó jẹ́ ohun ìbànújẹ́ fún un nígbà tí ó lóyún.
Aare wo lo yi ofin naa pada?
Ààrẹ àná, John Magufuli ló fòfin dè é pé akẹ́kọ̀ọ́ tó bá lóyún àti àwọn tó bá ń tọ́mọ kò gbọdọ̀ lọ sílé ẹ̀kọ́ ṣùgbọ́n tí Ààrẹ Samia Suluhu ti mú àyípadà bá òfin náà.
Kò dín ní àwọn akẹ́kọ̀ọ́bìnrin olóyún 1,500 tí wọ́n lé kúrò ní ilé ẹ̀kọ́ ẹkùn Mbeya.
Àmọ́ ní báyìí àwọn 240 ló ti padà sẹ́nu ẹ̀kọ́, tí wọ́n sì ti ṣètò láti kọ́ wọn ní àwọn ohun tí wọ́n pàdánù lásìkò náà láàárín ìgbà péréte.
