Timothy Adegoke: Ṣé lóòtọ́ ni àbájáde ìwádìí òkú 'autopsy' Timothy Adegoke tí wọ́n pa sílé ìtura Hilton hotel nílé Ife ti jáde?

Ṣe ẹ ko gbagbe ọrọ iku Timothy Adegoke, akẹkọọ gboye imọ kun imọ Masters degree ni ileẹ̀kọ́ giga fasiti OAU nilu ile ifẹ ti awọn apanijaye kan pa sile igbafẹ Hilton Hotel nilu Ile ifẹ?

Nigba ti BBC News Yoruba gbiyanju lati fi idi ọrọ yii mulẹ lọdọ awọn ọlọpaa, alukoro ileeṣẹ ọlọpaa ni ipinlẹ Ọṣun, ọga ọlọpaa Yẹmisi Ọpalọla ṣalaye pe awọn ko mọ ohunkohun nipa iwadii naa mọ.

Gẹgẹ bi ọrọ ti ẹgbọn oloogbe naa, Adegbade Adegoke sọ fun BBC News Yoruba, abajade ayẹwo oku naa ti wa lọdọ awọn ọlọpaa.

Amọsa, o ṣalaye pe wọn ko tii fun ẹbi oloogbe naa ni ẹda rẹ, tabi bun awọn gbọ lori bo ṣe lọ si.

Ṣé lóòtọ́ ni àbájáde ìwádìí òkú 'autopsy' Timothy Adegoke tí wọ́n pa sílé ìtura Hilton hotel nílé Ife ti jáde?

Iroyin ti a n gbọ bayii ni pe iwe ayẹwo oku 'Autopsy' ti awọn akọṣẹmṣẹ iṣegun oyinbo ṣe lori oku Timothy Adegoke ti jade, o si ti wa lọdọ awọn ọlọpaa.

O ni nitori wọn ti gbe e lọ si ọdọ ikọ amuṣẹya ọga agba ọlọpaa lorilẹ-ede Naijiria, awn lo si lee sọ ibi ti nnkan de duro lori rẹ.

O ti to ọjọ mẹta ti BBC Yoruba ti n jabọ lori iṣẹlẹ iku arakunrin Timothy Adegoke, ti wọn rí oku rẹ ninu igbo ni Ile Ife.

Akẹkoo OAU Ife ni Timothy, ile itura Hilton to de si ni wọn ti ri gbẹyin, ko to di pe wọn ba oku rẹ ninu igbo.

Orisirisi alaye lo ti gbòde kan lori bi o ti ṣe ku ṣugbọn ileesẹ ọlọpaa ni eyi tó lè jẹ atọna si isẹlẹ ni ki awọn mọ nkan ti ayẹwo oku, 'autopsy' ba gbe jade.