Omicron Covid 19: Kíni ìdí tí Nàìjíríà ṣe wà lára àwọn orílẹ̀-èdè tó léwu láti rírínàjò lágbàyé?
Oríṣun àwòrán, Getty Images
Orilẹ-èdè UK ti fi Naijiria sinu atọka pupa irin-ajo UK laipẹ
Igbese yii ni ijọba UK sọ pe yoo ṣe iranlọwọ láti mu adinku ba itankalẹ ẹya aarun Covid 19 tuntun Omicron.
Asoju Naijiria ni ilẹ Gẹ̀ẹ́sì ti sọ pe àwọn ofin mimu adinku ba irinajo fun orilede kan jẹ "irin-ajo eleyameya".
Ki lo wa de ti a fi orukọ Naijiria si atọka pupa, ati pe ṣe aiṣe deede wa ninu odiwọn ti wọn gbe Naijiria lè?
- 'Omicron ti wọ Nàìjíríà o', ìjọba àpapọ̀ kéde; Canada bẹ́gi dínà àwọn ọmọ Nàìjíríà tó bá fẹ́ wọlé
- Ṣé o mọ̀ pé o leè kó Covid pẹ̀lú ọmọ ìka ẹ̀sẹ̀ rẹ̀ láì mọ̀?
- Ṣé ẹ ti gbọ́ nípa òògùn ìbílẹ̀ Coronavirus tí Ooni filọ́lẹ̀? Ó ní ẹgbẹẹgbẹ̀rún èèyàn tó ní Covid-19 ló ti gbádùn
- Màmá Guardiola d'olóògbé lẹ́yìn tó lùgbàdì Coronavirus
- Baba Obasanjọ kò ní àrùn Coronavirus- NCDC
Kini atọka pupa tumọ si fun Naijiria?
Nàìjíríà jẹ́ orílẹ̀-èdè Áfíríkà tuntun láti darapọ̀ mọ́ àtọka pupa ìrìn àjò UK - pẹ̀lú South Africa, Namibia, Zimbabwe, Botswana, Lesotho, Eswatini, Angola, Mozambique, Malawi àti Zambia.
Awọn eniyan ti aaye gba lati wọ UK lati awọn orilẹ-ede wọnyi jẹ awọn ọmọ ilu UK tabi Irish, tabi awọn olugbe United Kingdom.
Awọn ti o de lati awọn orilẹ-ede atọka pupa ni yoo nilo lati se iyasọtọ ni hotẹẹli lati apo wọn ti wọn yoo si wa ni iyasọtọ fun ọjọ mẹwaa.
Awọn orilẹ-ede wọnyi ti ni idojukọ nitori ẹya aarun Covid-19 tuntun Omicron tí South Africa kọkọ damọ tí wọn si kede.
Ṣugbọn bi gbogbo awọn orilẹ-ede to wá lori àtọkà pupa yìí ṣe jẹ àwọn ile Afirika àwọn ènìyàn sapejuwe rẹ gẹgẹ bi " ìwà buburu ati aiṣododo".
Oríṣun àwòrán, Getty Images
Kini awọn idi ti wọn kéde fun atoka pupa?
Ipinnu lati gbe orilẹ-ede kan si atọka pupa da lori awọn igbelewọn eewu lati Ile-iṣẹ Ajọpọ Biosecurity (JBC), pẹlu Didara awọn ẹya idanwo orile-ede kọ̀ọ̀kan, pẹlu iṣayẹwo fun awọn iyatọ awọn ẹya Covid tí wọn tí ṣe alabapade kaakiri.
Ero mii tun ni pe:
-boya awọn eniyan ti n mu awọn iyatọ tuntun nibẹ tabi awọn ẹya yii wa lati òkè okun
-boya wọn ti ṣe àgbéjade awọn ẹya mìíràn ti awọn iyatọ tuntun si awọn orilẹ-ede miiran, to fi mọ UK
- didara awọn ọna asopọ irin-ajo pẹlu UK
Kini idi ti Nigeria fi kun un?
Ijọba UK sọ pe Naijiria ni a fi kun un si atoka nitori:
-itupalẹ rẹ ṣe afihan itọkasi to lagbara nípa eya Omicron ni Naijiria
- ọpọlọpọ awọn ti a mọ ni UK ni asopọ mọ irin-ajo lati Naijiria
-Naijiria ni awọn ọna asopọ irin-ajo to lagbara pẹlu South Africa, nibiti a ti rii Omicron akọkọ
