Coronavirus Vaccine: Ẹ̀ wo bàbá àgbàlagbà tó lo ayédèrú apá nitorí kò fẹ́ gba abẹrẹ́ àjẹsára Covid-19
Oríṣun àwòrán, Reuters
Ọwọ ti tẹ arakunrin kan lorilẹede Italy to lo ayederu apa ko le e gba sabukẹ pe o ti gba abẹrẹ ajẹsara Covid-19.
Oṣiṣẹ ijọba to fi ọrọ naa lede ni nọọsi to fẹ fun baba ẹni aadọta ọdun naa ni abẹrẹ ajẹsara naa lo ri pe ayederu apa ni o lo, ni ireti pe ko si ẹni ti yoo mọ
Amọ nọọsi naa to ri pe apa naa ko ri bo ṣe yẹ ni apa ''silicone'' lo fi bo oju apa rẹ, ti o si fi ẹjọ baba naa sun awọn ọlọpaa.
- Lórí ọ̀rọ̀ Sylvester Oromoni, a kò ní dáké títí ìdájọ́ òtító yóò fi jọba - Gómínà Ifeanyi Okowa
- Aṣọ ń pe aṣọ rán níṣẹ́ ni lónìí nílé ìjọsìn Wolii Sotitobire lẹ́yìn tí ilé ẹjọ́ tú olùdásílẹ̀ wọn sílẹ̀
- Ka ẹ̀kúnrẹ́rẹ́ ohun tó ṣẹlẹ̀ sí Itunu Babalola kó tó di olóògbé tí wọ́n ń fi òkú rẹ̀ ránṣẹ́ sílé...
- Awọn gbajumọ akọrin ati oṣere tiata obinrin Naijiria sọ nipa idẹyẹsi lọwọ awọn ọkunrin
- Nàìjíríà ko ni lè wọ ilẹ̀ Gẹ̀ẹ̀sì nítori ẹ̀ya Covid-19 Omicron
Nọọsi naa ni lasiko ti oun ṣi apa ọkunrin naa lati fun ni abẹrẹ ajẹsara naa ni o ri pe ko si ẹmi ni ọwọ naa , to si dabi rọba to tutu, ti isan rẹ ko tun yọ bo ṣe to.
Lẹyin ti aṣiri baba naa tu ni o sọ fun nọọsi naa ko gbagbe nkan ti o ri, amọ nọọsi naa fi ẹjọ rẹ sun fun iwa ayederu.
Ileeṣẹ ọlọpaa wa fikun un pe awọn ti bẹrẹ iwadii iṣẹlẹ naa ni agbegbe Biella, ni Italy.
''Ohun to ba wa ninu jẹ ni pe ọpọlọpọ eniyan ni ẹmi rẹ ti ṣọnu lori iṣẹlẹ ajakalẹ arun Coronavirus ni orilẹede naa, nitori naa ko yẹ ki ẹnikẹni hu iwa ti baba naa hu nipa lilo ayederu apa.''
''Ki n se ohun to bojumu ni baba yii ṣe pẹlu iye eniyan ti aarun naa ti mu ẹmi wọn lọ to fi mọ ọrọ aje to ti dẹnukọlẹ.''
- Ọ̀rọ̀ ìkẹyìn tí ọmọ mi, Sylvester Oromoni sọ fún wa nìyí nínú ìrọra kí ó tó kú, òní ni ọjọ́ ìbí rẹ̀!
- Wo ohun tí àwọn ọmọ Naijiria sọ lórí ikú akẹ́kọ̀ọ́ Dowen College, Sylvester Onoromi
- Ṣé lóòtọ́ ni ajínigbé sọ àwọn akẹ́kọ̀ọ́ méjí di iṣu ní Ibadan?
- Ọwọ́ ọlọ́pàá tẹ àwọn òbí ọmọ ọdún 15 tó yìnbọn pa èèyàn mẹ́rin nílé ẹ̀kọ́
- Bí mo ṣe dáná sun àlè ọkọ mi tí mo tún fẹ́ sá lọ nípinlẹ̀ Ogun - Ìyàwó ilé
- Ibi tí ọ̀rọ̀ dé dúró rèé lórí ikú akẹ́kọ̀ọ́ Sylvester Oromoni tí wọ́n ní àwọn akẹgbẹ́ rẹ̀ ẹlẹ́gbẹ́ òkùnkùn ní Dowen College lù pa
Bakan naa ni iroyin fikun un pe oṣiṣẹ eto ilera ni baba agbalagba naa, ti wọn si ti le kuro lẹnu iṣẹ nitori ko tii gba abẹrẹ ajẹsara, to si pọn dandan fun awọn oṣiṣẹ eto ilera ni Italy.
Eleyii ko ṣẹyin igbesẹ ijọba orilẹede Italy lati ri pe o pọn dandan fun awọn eniyan lati gba abẹrẹ ajẹsara naa fun idẹkun itankalẹ aarun Covid-19.
