Sylvester Oromoni Death: Ibi tí ọ̀rọ̀ dé dúró rèé lórí ikú akẹ́kọ̀ọ́ Dowen College tí wọ́n fẹ̀sùn kan akẹgbẹ́ rẹ̀ pé wọ́n lù ú pa.
Oríṣun àwòrán, Perrie/Twitter
Ileese olopaa nipinlẹ Eko ti ṣalaye ibi ti ọrọ de duro lori iṣẹlẹ iku akẹkọkunrin, Sylvester Oromoni ti ileẹkọ Dowen College ni ipinlẹ Eko.
Ninu ifọrọwerọ pẹlu BBC ni kọmiṣọnna ọlọpaa nipinlẹ Eko, Hakeem Odumosu ti sọ igbeṣẹ ti ileeṣẹ ọlọpaa n gbe lori iṣẹlẹ naa
Ninu ọrọ rẹ, ọga ọlọpaa Odumosu ni awọn ti bẹrẹ iwadii pẹrẹwu lori iṣẹlẹ naa ti awọn ko si ni fi akoko ṣofo.
- Bí mo ṣe dáná sun àlè ọkọ mi tí mo tún fẹ́ sá lọ nípinlẹ̀ Ogun - Ìyàwó ilé
- Ìjọba Ìpínlẹ̀ Ondo sọ̀rọ̀ lórí ìdájọ́ tó dá Sotitobire láre pé kò jí ọmọ kankan gbé
- Iléeṣẹ́ ọlọ́pàá kéde ìgbaniṣíṣẹ́ fáwọn àkàndá ẹ̀dá
- Akẹ́kọ̀ọ́ márùn-ún ló wọlé lu ọmọ mí tó fi kú, kìí ṣe bọ́ọ̀lù ló gbá - Baba akẹ́kòó Dowen fèsì
- Òbí akẹ́kọ̀ọ́ girama da ìpàdé òbí rú, lu Tíṣà ní àlùkì l‘Oyo, ohun tó wáyé lẹ́yìn rẹ̀ rèé
- Òfo ni 'White Paper' Sanwo-Olu kò sí ǹkan tó n jẹ́ bẹ́ẹ̀ lábẹ́ òfin - Adegboruwa
Odumosu ni awọn ti n gbe igbeṣẹ lori gbogbo awọn to ni ọwọ lori iṣẹlẹ iku ọmọ ọdun mejila naa to waye ni ileẹkọ Dowen College, Lekki.
Eleyii ko ṣẹyin bi ijọba ipinlẹ Eko ṣe ti ileẹkọ naa pa nitori iṣẹlẹ iku ọmọ naa.
Baba Sylvester ni ọmọ oun sọ fun oun ko to ku pe awọn akẹgbẹ ohun lu oun nitori oun kọ lati darapọ mọ ẹgbẹ okunkun.
Oríṣun àwòrán, Perreri/Twitter
Lẹyin ti ileewe sọ wi pe bọọlu ni ọmọ naa n gba to fi farapa.
Baba ọmọ naa sọ pe ọmọ rẹ ni awọn ọmọkunrin marun un kan lo wọ inu iyara rẹ, ti wọn si bẹ́rẹ si ni lu nitori pe ko bawọn ṣe ẹgbẹ okunkun.
- Àwọn ọ̀dọ́ Eruwa ṣe ìwọ́de lórí ikú Timothy Adegoke tó kú sílé ìtura ní Ife
- Ìjọ Redeem gbé ojú òpó olólùfẹ́ kalẹ̀ sórí ayélujára fáwọn ọ̀dọ́ láti pàdé ọkọ tàbí aya
- Wo orílẹ̀èdè tí ẹ̀dà Covid-19 tuntun Omicron rápálá wọ̀ l‘Áfíríkà
- N kò fara mọ́ ẹ̀rí Princess, ẹ yọ́ dànú torí kò bá òfin mu - Baba Ijesha yarí nílé ẹjọ́
Arakunrin Sylvester Onoromi Snr ni eleyi kii ṣe igba akọkọ ti wọn yoo dẹyẹ si ọmọ oun ati pe awọn ti fẹjọ sun alaṣẹ ile ẹkọ naa lọpọ igba.
Amọ, Ileeṣẹ ọlọpaa ni wẹrẹ ti awọn ba ti pari iwadii iṣẹlẹ naa, ni awọn yoo fi panpẹ ọba mu gbogbo awọn ti ade ọrọ naa ṣi mọ lori.
Ọga ọlọpaa Odumosu ni to fi mọ gbogbo awọn ti ọmọ naa fi ẹsun kan pe wọn na oun ni awọn yoo fi panpẹ ọba mu.
