Int'l Day for Persons with Disability: Iléeṣẹ́ ọlọ́pàá ṣetán láti máa gbàwọn àkàndá ẹ̀dá ṣíṣẹ́
Oríṣun àwòrán, NPF
Ọga agba orilẹ ede Naijiria, Usman Alkali Baba ti kede pe ileeṣẹ ọlọpaa ti ṣetan lati maa gba awọn to ni ipenija ara ṣiṣẹ.
Ninu atẹjade kan ti ileeṣẹ ọlọpaa fi sita lati ọwọ alukoro rẹ, CP Frank Mba, loni to jẹ ayajọ awọn to ni ipenija ara, ni ọrọ yii ti suyọ.
IGP Baba ṣalaye pe igbesẹ naa wa ni ibamu pẹlu ṣiṣe iṣẹ ọlọpaa lọna igbalode gẹgẹ bo ṣe ri kari aye.
Àwọn iròyin tì ẹ leè ní ìfẹ̀ síí:
- Wo àwọn ìdí tí Adájọ́ fi dá Wòlìí Sotitobire láre, tó sì da ẹ̀wọ̀n gbére nù
- Ìjọ Redeem gbé ojú òpó olólùfẹ́ kalẹ̀ sórí ayélujára fáwọn ọ̀dọ́ láti pàdé ọkọ tàbí aya
- Òfo ni 'White Paper' Sanwo-Olu kò sí ǹkan tó n jẹ́ bẹ́ẹ̀ lábẹ́ òfin - Adegboruwa
- Àwọn ọ̀dọ́ Eruwa ṣe ìwọ́de lórí ikú Timothy Adegoke tó kú sílé ìtura ní Ife
- Wo orílẹ̀èdè tí ẹ̀dà Covid-19 tuntun Omicron rápálá wọ̀ l‘Áfíríkà
- Èsì iléẹ̀kọ́ Dowen rèé sí ìkú akẹ́kọ̀ọ́ tí àwọn òbí rẹ̀ ní àwọn ẹlẹ́gbẹ́ òkùnkùn pa nítorí kò darapọ̀ mọ́ wọn!
Ọga ọlọpaa Naijiria ni igbesẹ yii waye lẹyin ọpọ ijiroro pẹlu akọwe agba ajọ to n ri sí ọrọ awọn to ni ipenija ara, Ọgbẹni James David Lalu eyi to ṣabewo sí ọga ọlọpaa ni ọfiisi rẹ niluu Abuja.
Gẹgẹ bi o ti ṣalaye ninu atẹjade ọhun, ọfiisi alukoro ileeṣẹ ọlọpaa ni olu ilu ipinlẹ mẹrindinlogoji to wa ni Naijiria to fi mọ Abuja l'awọn eeyn naa yoo ti maa ṣiṣẹ.
O ni eyi yoo fáwọn to n ba n ṣiṣẹ ni ọfiisi yii lanfaani lati ri pe awọn eeyan to ni ipenija ara jẹ anfaani ọlọpaa.
Ọga ọlọpaa tun ṣalaye pe Igbanisiṣẹ awọn akanda ẹda yoo tun dẹkun idẹyẹsi wọn lawujọ.
Bakan naa ni ọga ọlọpaa Naijiria tun buwọ lu akanṣe idanilẹkọ ati igbaradi fawọn eeyan ti ileeṣẹ ọlọpaa ba gba ṣiṣẹ ọhun.
Ileeṣẹ ọlọpaa gbe idanilẹkọ yii silẹ pẹlu ifọwọsowọpọ ajọ NCPWD to n ri sí ọrọ awọn to n gbe pẹlu ipenija ara.
Ọga agba ọlọpaa ti wa pàṣẹ fun gbogbo awọn kọmiṣọnna ọlọpaa l'awọn ipinlẹ at'awọn ọga wọn, AIG lati ṣakoso igbaniwọle awọn to ni ipenija ara ṣiṣẹ ọlọpaa kaakiri Naijiria.
O tun fidi rẹ mulẹ pe ileeṣẹ ọlọpaa yoo maa gbiyanju lati ri pe ẹnikan kàn ko fi ẹtọ awọn to ni ipenija ara dun wọn.
Ẹwẹ, akọwe agba ajọ NCPWD to n ri sí ọrọ awọn to ni ipenija ara, Lalu dupẹ lọwọ ọga ọlọpaa Naijiria.
O ni eto yii mu adinku ba ipenija t'awọn eeyan to ni ipenija ara n koju ni Naijiria.
