Michigan school shooting: Ọlọ́pàá fi ṣìkún òfin mú àwọn òbí ọmọ tó yìnbọn pa èèyàn mẹ́rin nílé ẹ̀kọ́
Oríṣun àwòrán, USmarshalsHQ
Awọn obi ọmọ to yinbọn pa eeyan mẹrin nile ẹkọ kan nilẹ Amẹrika, Ethan Crumbley, ti wa ni gbaga ọlọpaa bayii niluu Detroit, lẹyin ti wọn ti kọkọ gbiyanju lati fẹsẹ fẹ.
James ati Jennifer Crunbley kọ lati yọju sile ẹjọ lọjọ Ẹti lẹyin ti wọn fẹsun ipaniyan aimọ kan wọn.
Wọn fẹsun kan awọn tọkọ-taya naa pe wọn ko kọbi ara si awọn iwa ti ọmọ wọn n wu ṣaaju iṣẹlẹ ọhun, eyii to lew tọka si iwa ipa to lwe wu.
- Ṣé lóòtọ́ ni ajínigbé sọ àwọn akẹ́kọ̀ọ́ méjí di iṣu ní Ibadan?
- Bí mo ṣe dáná sun àlè ọkọ mi tí mo tún fẹ́ sá lọ nípinlẹ̀ Ogun - Ìyàwó ilé
- Ibi tí ọ̀rọ̀ dé dúró rèé lórí ikú akẹ́kọ̀ọ́ Sylvester Oromoni tí wọ́n ní àwọn akẹgbẹ́ rẹ̀ ẹlẹ́gbẹ́ òkùnkùn ní Dowen College lù pa
- Ìjọba Ìpínlẹ̀ Ondo sọ̀rọ̀ lórí ìdájọ́ tó dá Sotitobire láre pé kò jí ọmọ kankan gbé
- Akẹ́kọ̀ọ́ márùn-ún ló wọlé lu ọmọ mí tó fi kú, kìí ṣe bọ́ọ̀lù ló gbá - Baba akẹ́kòó Dowen fèsì
- Iléeṣẹ́ ọlọ́pàá kéde ìgbaniṣíṣẹ́ fáwọn àkàndá ẹ̀dá
- Àwọn ọ̀dọ́ Eruwa ṣe ìwọ́de lórí ikú Timothy Adegoke tó kú sílé ìtura ní Ife
- Òbí akẹ́kọ̀ọ́ girama da ìpàdé òbí rú, lu Tíṣà ní àlùkì l‘Oyo, ohun tó wáyé lẹ́yìn rẹ̀ rèé
- Òfo ni 'White Paper' Sanwo-Olu kò sí ǹkan tó n jẹ́ bẹ́ẹ̀ lábẹ́ òfin - Adegboruwa
- Ìjọ Redeem gbé ojú òpó olólùfẹ́ kalẹ̀ sórí ayélujára fáwọn ọ̀dọ́ láti pàdé ọkọ tàbí aya
Awọn ọlọpaa fi ṣikun ofin mu awọn obi ọmọ naa lẹyin ti awọn agbofinro ri ọkọ wọn laarin ilu.
Awọn agbofinro lati ilu Detroit atawọn agbofinro ijọba apapọ ri awọn obi afurasi naa lẹyin ti wọn wa agbegbe kan finifini niluu Detroit lẹyin ti wọn ti kọkọ kede $10,000 ẹbun owo fun ẹnikẹni to ba le ṣamọna bi ọwọ yoo ṣe tẹ wọn ṣaaju.
Ẹwẹ, agbẹjọro afurasi naa sọ fun BBC pe kii ṣe pe awọn obi rẹ mọọmọ fẹsẹ fẹ, ṣugbọn wọn fi ilu silẹ fun abo ara wọn lẹyin ti ọmọ wọn ṣe aṣemaṣe tan.
Afurasi naa, to jẹ ọmọ ọdun marundinlogun yinbọn lu awọn akẹkọọ ẹgbẹ rẹ ni ipinlẹ Michigan.
Iroyin ni o dana ibọn ya awọn akẹgbẹ rẹ, to fi mọ awọn olukọ rẹ lọjọ Iṣẹgun, ṣugbọn o ti sọ pe oun ko jẹbi ẹsun ti wọn fi kan oun.
Awọn mẹrin to ba iṣleẹ naa lọ ni Tate Myre, Madisyn Baldwin, Hana St Juliana, ati Justin Shilling ti ọjọ ori gbogbo wọn wa laarin ọdun mẹrinla si mẹtadinlogun, nigba ti awọn meje mii farapa nibi iṣẹlẹ ọhun.
Ijọba ilẹ Amẹrika n ṣe ẹjọ ọdọkunrin naa gẹgẹ bii ẹjọ agbalagba, wọn si fi ẹsun mẹrinlelogun kan an, eyii to rọ mọ lilo ibọn lai gba aṣẹ, ẹsun igbesunmọmi, ẹsun ipaniyan ati bẹẹ bẹẹ lọ.
