Timothy Adegoke: Ramon Adedoyin t'ọ́lọ́pàá mú nítorí ikú Timothy Adegoke gba ilé ẹjọ́ lọ, Ó ní ara òun kò yá
Oríṣun àwòrán, Rahmon Adedoyin and Timothy Adegoke
Oloye Ramon Adegoke Adedoyin to jẹ ọkan lara awọn afurasi ti ọlpaa mu si ahamọ lori iku akẹkọọ fasiti Obafẹmi Awolowọ, OAU ni ile Ifẹ tawọn eeyan kan pa si ileetura Hilton nilu Ile ifẹ ti gba ile ẹjọ giga apapọ kan lọ nilu Abuja lati beere fun beeli.
- Wọ́n bá òkú ọmọ ọdún méje tó di àwátì nínú 'cooler' nílé 'pásítọ̀' ní Ado-Ekiti
- Òṣìṣẹ́ ìjọba ìbílẹ̀ ló sin Timothy Adegoke, akẹ́kọ̀ọ́ OAU tó kú sílé ìtura - Agbẹjọ́rò
- Ọ̀rọ̀ ìkẹyìn tí ọmọ mi, Sylvester Oromoni sọ fún wa nìyí nínú ìrọra kí ó tó kú, òní ni ọjọ́ ìbí rẹ̀!
- Ṣé lóòtọ́ ni ajínigbé sọ àwọn akẹ́kọ̀ọ́ méjí di iṣu ní Ibadan?
Ninu ẹjọ ti oloye Adedoyin pe labẹ ẹtọ ọmọniyan, agba oye ilu ile Ifẹ naa rọ ile ẹjọ giga apap naa lati paṣẹ ki ọlọpaa tu oun silẹ kuro ni ahamọ wọn naa titi di igba ti wọn yoo fi pari iwadii ti wọn n ṣe.
Oloye Adedoyin tun beere fun anfani lati ri itọju iwosan to wu u titi di igba ti awọn lọpaa yoo fi pari iwadii wọn lori iṣẹlẹ naa. Gẹgẹ bi ara awọn ohun to fi han ile ẹjọ, o ni oun ni aisan ẹjọ riru ati itọ ṣuga.
Oloye Adedoyin ti wa lahamọ awọn agbofinro fun ọsẹ diẹ bayii, lati ọjọ karundinlogun oṣu kọkanla ọdun 2021 lẹyin ti iroyi lu si igboye aye pe arakunrin Timothy Adegoke ko agbako awọn apanijaye kan lasiko to fi wa nileetura Hilton to jẹ ti oloye Adedoyin.
