South West Governors: Akeredolu ní Tinubu kájúẹ̀ láti ṣe àkóso Nàìjíría
Oríṣun àwòrán, Seyi Makinde
Alaga ẹgbẹ awọn Gomina fun ilẹ Yoruba, Rotimi Akeredolu ti sọ pe Asiwaju Bola Tinubu to jẹ agba ọjẹ fẹgbẹ APC koju osunwọn lati dari Naijiria.
Lasiko ti awọn Gomina naa sabẹwo si ile Tinubu to wa ni Bourdillon lo ti sọrọ naa.
Bakan naa lo fi kun pe Tinubu n gbiyanju gẹgẹ bi olori fun ẹkun iwọ oorun guusu Naijiria.
- Ọlọ́run nìkan ló ni ẹ̀mí mi, ara mi ti le koko - Bola Tinubu
- Kò yẹ kí àwọn òjíṣẹ́ Ọlọ́run máa kiri ilé ìjọba, kí ni wọ́n ń wá? - Timi Osukoya
- A kìlọ̀ fún Sunday Igboho pé kó dákẹ́ àmọ́ kò gbọ́, èébú ló ń bú wa - Ooni Ife
- Bí ìgbẹ́jọ́ Naira Marley ṣe lọ lọ́jọ́ Iṣẹ́gun rèé
- Boko Haram fi tipa fẹ́ mi fún ọkọ àmọ́ ìfẹ́ rẹ̀ gbóná lọ́kàn mi ni ń kò fi sá kúrò
- Ìbúgbàmù míì ti wáyé lọ́gbà ẹ̀wọ̀n Abolongo l'Oyo
- Wo àbọ̀ ìgbìmọ̀ olùwádìí lórí ilé Kéú tó lu àwọn akẹ́kọ̀ọ́ bí aṣọ òfì ní Kwara
- Saraki sọ̀rọ̀ lórí bó yá òun lè darapọ̀ APC láti dupò ààrẹ
Lẹnu ọjọ mẹta yii ni awọn oloselu kan jakejado Naijiria ti n kan si Bola Tinubu ti ọpọ n woye pe o fẹ dije dupo aarẹ Naijiria lọdun 2023.
Amọ titi di ba se n sọrọ yii, Tinubu ko ti fi erongba rẹ han sita lori boya yoo du ipo aarẹ abi bẹẹ kọ.
Awọn Gomina Ekiti, Ogun, Oyo, Eko si lo peju sile Tinubu lasiko abẹwo yii.
Amọ Gomina ipinlẹ Ekiti Kayode Fayemi ko si laarin wọn.
Oríṣun àwòrán, Seyi Makinde
Iroyin kan ni Fayemi wa ni Eko lasiko abẹwo yii sugbọn a ko le sọ pato idi ti ko se ba awọn gomina naa lọ sile Tinubu.
Akeredolu, lasiko to n ba awọn akọroyin sọrọ ni awọn kan si Tinubu to sẹsẹ dari irinajo pada sile lati London ni.
"Ọpọ awa eeyan ẹkun guusu Naijiria la ri asaaju ẹgbẹ APC naa bi ara wa, ta si ni igbagbọ ninu ilana to fi n ṣe asaaju, eyi to fihan pe o n sa ipa rẹ lati dari wa.
Tinubu kii se asaaju fun ilẹ Kaarọ Oojire nikan amọ o tun jẹ asaaju fun ẹgbẹ to n dari Naijiria, APC.
Sugbọn awa eeyan ẹkun iwọ oorun guusu ri gẹgẹ bi asaaju wa."
Bi a ko ba gbagbe awọn Gomina yii, to fi mọ awọn oloselu miran ni Naijiria se abẹwo si Tinubu nigba to wa ni London lẹyin isẹ abẹ lori orunkun rẹ to se nilu ọba.
Akeredolu ko sẹṣẹ maa sọ pe gbọingbọin lawọn Gomina wa lẹyin Tinubu to loun ri gẹgẹ bi ''Kapọ'' ẹgbẹ awọn.
