Prophet TB Joshua: Ẹ̀gbọ́n tí TB Joshua fi sílẹ̀ lọ àti gbogbo ìlú kọ̀ láti jáde nílé torí ìsìnkú rẹ̀

"Alaanu ni TB Joshua jẹ fun wa ni gbogbo ilu Akoko, TB Joshua lo wa tan imọlẹ fun wa nilu Akoko".

Ni agbo ile oloogbe Temitope Joshua ni ilu Arigidi Akoko, lasiko ti wọn n ṣe isinku rẹ ni Eko, BBC Yoruba lọ ṣebẹwo lati mọ bi àwọn mọlẹbi ṣe ń daro ọmọ wọn, baba wọn, ẹgbọn wọn, aburo wn ati ẹni ti wọn pe ni "oludari aye wọn".

Gẹgẹ bi Akọbi baba rẹ ṣe sọ, o ni idi ti oun ṣe padanu pupọ tori pe TB Joshua ku ni pe o jẹ aburo si oun.

"Àbúrò kẹta mi ni TB Joshua àmọ́ Àrólé ẹbí wa ni, oun lo n tọju wa, oun lo n dari aye wa". O ni mọ lo jẹ fun awọn bẹẹ naa lo si tun jẹ baba fun awọn.

Ẹgbọn rẹ yii ko lee jade sita rara tori ko gbudọ foju gaani bi wọn ṣe n gbee bọ inu saare tori ẹgbọn lo jẹ si oloogbe, aṣa Yoruba si ni pe wọn o ki n sin ọmọde loju agbalagba.

Yatọ fun awọn mọlẹbi rẹ, awọn ara ilu kun fọfọ nilee wọn, gbogbo ọja si ni wọn ti pa.

Iyalọja ilu Arigidi ni oloore ati alaanu ni TB Joshua to fọwọ kan aye gbogbo awọn to wa ni ilu rẹ.

Bakan naa, Kabiyesi ilu Arigidi, Ọba Isa Olanipeku to jẹ Zaki ti ilu Arigidi-Akoko bu ẹnu atẹ lu gbogbo awọn Pasitọ Naijiria to n foju aidaa wo TB Joshua ko lee ṣe to nkan to n ṣe. Kabiyesi ni oun le fi gbogbo ẹnu sọ ọ wipe ko si ọrọ afẹ aye lọrọ rẹ ju ko maa ronu bo ṣe le ran awọn eeyan lọwọ.