Ekiti 2022: Wo ǹkan méje tí ó kò mọ́ nípa Oyebanji (APC); Kolawole (PDP), Oni (SDP) àti Ajayi (YPP)
Wo ǹkan méje tí ó kò mọ́ nípa Oyebanji (APC); Kolawole (PDP), Oni (SDP) àti Ajayi (YPP)
Eto Ididbo Ekiti gbera sọ lọjọ Abamẹta, ọjọ kejidinlogun, Oṣu kẹfa, ọdun 2022.
Enikẹni to ba bori ninu eto idibo yii ni yoo gbegba oroke. ti yoo si di gomina kẹjọ ti yoo ṣakoso ipinlẹ naa.
Ajọ eleto idibo Naijiria, Independent Electoral Commission, INEC ni yoo ṣeto idibo naa.
Lati igba ti iṣejọba awa ara wa ti bẹrẹ ni Ekiti, ko tii si ẹgbẹ oṣelu kan naa to gbe ijọba kalẹ fun ọmọ ẹgbẹ wọn kan naa ri.
- PDP ṣetán láti kéde olùdíje igbákejì ààrẹ fún Atiku
- Ariwo kò yẹ kóo máa gbé Kùránì dání pẹ̀lú iṣẹ́ aṣẹ́wó tí ò ń se ní wọ́n pa kí wọ́n tó dáná sun òkú náà
- Nkan tó yẹ kí o mọ̀ nípa Olaniyi Ben Agboola, olúdíje ẹgbẹ́ PRP nínú ìdìbò gómìnà ipinlẹ Ekiti
- Ajagunigbala Moses Olajide, pásítọ̀ tó fẹ́ di gómìnà ipinlẹ Ekiti lábẹ́ àsìá ẹgbẹ́ AAC
- Ǹjẹ́ o mó Oladosu, ọmọ Peter Fatomilola tó jẹ́ olùdíje ẹgbẹ́ òṣèlú NNPP-
- Adájọ́ da ẹjọ́ Ilana Omo Oodua nu, tó ní kí wọn wọ́gilé ìbò gómìnà Ekiti àti Osun
Awọn oludije sipo gomina l'Ekiti
- Iṣẹ: Oṣiṣẹ ijọba
- Ọjọ ori: Ẹni ọdun marundinlọgọta
- Ọmọ bibi ilu Ikogosi-Ekiti ni Biodun Abayomi Oyebanji
- Oun ni amugbalẹgbẹ pataki nipa ọrọ ile asofin si gomina ipinlẹ Ekiti laarin ọjọ kẹjọ, oṣu Kẹfa, ọdun 1999 si 2000, ati laarin ọjọ kinni, oṣu Kẹjọ, ọdun 2000 si oṣu Kẹsan an, ọdun 2001.
- Bakan naa lo tun jẹ olori osisẹ ni ọọfisi gomina nipinlẹ Ekiti laarin oṣu Kẹsan an, ọdun 2001 si ọjọ kọkandinlọgbọn, oṣu Karun un, ọdun 2003.
- Oyebanji tun jẹ Kọmiṣọna fun eto isuna ati aato ọrọ aje nipinlẹ Ekiti laarin ọjọ kẹwaa, oṣu Kinni, ọdun 2013, si ọjọ kẹrindinlogun, oṣu Kẹwaa, ọdun 2014. O tun jẹ akọwe ijọba ipinlẹ Ekiti laarin ọjọ kẹrindinlogun, oṣu Kẹwaa, ọdun 2018, si ọjọ keje, oṣu Kejila, ọdun 2021.
- Iṣẹ: Oṣiṣẹ ijọba
- Ọjọ ori: Ẹni ọdun mẹrinlelọgọta
- Kolawole ni alaga ẹgbẹ oselu PDP nipinlẹ Ekiti ko to kọwe fipo silẹ ninu osu Kẹsan an, ọdun 2021, lati dije du ipo gomina nipinlẹ naa.
- Oun ni Kọmiṣọna fọrọ ayika laarin ọdun 2015 si 2018 lasiko ijọba gomina Ayodele Fayose.
- Bisi Kolawole lo soju ẹkun idibo Efon nile aṣofin ipinlẹ Ekiti laarin ọdun 2007 si 2011.
- Ọmọ bibi ilu Efon Alaaye, nipinlẹ Ekiti ni Kolawole.
- Iṣẹ: Gomina ipinlẹ Ekiti tẹlẹ
- Ọjọ ori: Ẹni ọdun mẹtadinlaadọrin
- Segun Oni ni gomina tẹlẹ ri nipinlẹ Ekiti laarin ọjọ kọkandinlọgbọn, oṣu Karun un, ọdun 2007 si ọjọ kẹrinla, oṣu Kẹwaa, ọdun 2010.
- O wa lara awọn to da ẹgbẹ oṣelu United Nigeria Congress Party (UNCP) silẹ l’Ekiti nibi to ti fi ọkan sin ẹgbẹ naa.
- Amọ lọdun 2014 lo kuro ninu ẹgbẹ oselu PDP lọ sinu ẹgbẹ oselu APC. Lọdun 2019, wọn jawe lọ rọkun nile fun ninu ẹgbẹ oṣelu naa ni Ifaki Ekiti, to wa labẹ ẹkun ijọba ibilẹ Ido/Osi, lori ẹsun pe o n ṣe awọn nnkan to tako ilọsiwaju ẹgbẹ naa, lẹyin naa lo tẹkọ leti lọ si PDP. Ninu oṣu Keji ọdun 2022, Oni tun fi PDP silẹ lọ sinu ẹgbẹ oṣelu SDP lẹyin to fidi rẹmi ninu eto idibo abẹle ẹgbẹ ọhun.
- Iṣẹ: Oṣiṣẹ ijọba
- Ọjọ ori: Ẹni ọdun mejilelọgọta
- Ọmọ bibi ilu Emure Ekiti, to wa ni ẹkun idibo guusu Ekiti ni Adebowale Ranti Ajayi.
- Ajayi ni Kọmisọna akọkọ feto isuna ati aato ọrọ aje nipinlẹ Ekiti, to si tun ti jẹ Kọmiṣọna ri fun eto katakara, idokowo ati agbekalẹ ohun ọtun labẹ isejọba Kayode Fayemi.
- Ọmọ ẹgbẹ oselu APC ni Adebowale Ranti Ajayi ko to lọ darapọ mọ ẹgbẹ oselu YPP nibi to ti n dije du ipo gomina.
