Guru Maharaji: Oluwo, kò sọ òótọ́ rí, jìbìtì ló fi ń lògbà
Oríṣun àwòrán, Oluwo of iwo
Asaaju ẹsin One Love Family, Sat Guru Maharaji ti ransẹ ikilọ si Oluwo tilu Iwo, Ọba Abdulrasheed Adewale Akanbi, Telu Kinni.
Guru Maharaji, lasiko to n bawọn akọroyin sọrọ nibudo rẹ to wa nilu Ibadan, fi oju abuku wo awọn igbesẹ ti Oluwo n gbe eyi to ni o fi n tapa si ilẹ Yoruba.
Lara awọn igbesẹ bẹẹ, gẹgẹ bi Guru Maharaji ti wi ni fifi ara rẹ pe Emir, sisọ awọn ede alufansa si iran Yoruba, bo se fẹ iyawo lapa oke ọya ati titabuku asa Yorua lapapọ.
- Mo tọrọ àforíjì lórí fídíò tí mo gbé jáde, tó ń mú àwọn èèyàn pè mí - Bukunmi Oluwashina
- 'Ó dá mi lójú pé kò ní sí ìdìbò sípò gómìnà ní Osun, Ekiti láíláí ní ọdun 2022!'
- Wo ìjìyà tó wà fún pínpín fọ́rán ìbálòpọ̀ ọmọdé lórí ayélujára
- Ọ̀rọ̀ Ayo Adebanjo pé kí Tinubu, Osinbajo yọwọ́ ní dídu ipò ààrẹ, ṣé gbogbo ẹgbẹ́ Afenifere lọ́wọ́ síi báyìí?
- Irọ́ tó jìnà sí òótọ́ ni gbogbo ẹ̀sùn rẹ Oluwo - Ohanaeze Ndigbo fèsì
- Bíb'ojú àánú wo àwọn gómìnà tó sẹ̀wọ̀n-ọ́n lòdì sí gbígbógun tí ìwà àjẹbánu - Soyinka sí Buhari
- Àwọn ọ̀dọ́ ló leè gba Naijiria là kúrò ní oko ẹrú –Imam Akeugbagold
- Àdó olóró búgbaàmù nílú Iware, èèyàn márùn-ún ti kú
- Ọwọ́ tẹ àwọn afurasí ajínigbé méjì ní ìlú Ife
- Iṣẹ́ ilé kíkọ́ bẹ̀rẹ̀ lórí ilẹ̀ Dejo Tunfulu lẹ́yìn tó jáde láyé
Asaaju ijọ One Love Family naa ni ko sẹni to le tapa si ilẹ Yoruba to le mu jẹ, nitori ọjọ ẹsan n bọ.
A fẹ ki Oluwo ranti pe baba kan lo bi awọn, ẹni ti ko de ipo tawọn de loni yii.
Nitori naa, a fẹ ki wọn ye fi orisirisi abuku lọ wa, mo gbọ nigba kan ti wọn ni awọn fẹ joye Emir nitori ifẹ ti n bẹ laarin awọn ati Arewa.
Irọ ni, jibiti ni wọn fi n rin, wọn ko sọ otitọ ri, baba wa naa ni wọn amọ wọn fẹ fi eru gba ibukun ni wọn tun se gba ibi ẹsin wọle.
Ẹ ba wa bẹ Oluwo pe ko ma fi aye silẹ bayii lati ipasẹ iwakiwa to n hu, a si nilo wọn lasiko yi
O wa yẹ ki Oluwo maa ranti pe ewe n bẹ o, ẹ sọ fun wọn ki wọn tete yipada nitori asa ati ise Yoruba lo wa nipo kinni jake jado agbaye.
Ẹni to ba ni ko rii bẹẹ, ko wa sọ jade, ko wa koju mi."
Bakan naa ni Guru Maharaji fikun pe ohun to n ba ni ninujẹ, ti ko si bojumu ni awọn iwa Oluwo naa.
O wa fikun pe ẹnikan kii tapa si ẹya Yoruba, ẹni to ba tapa si Yoruba, Iya yoo jẹ.
Nigba to n sọrọ lori bi Oluwo se lọ mu iyawo wa nilẹ Hausa, Guru Maraji ni ti eeyan ba pẹ lori imi, esinkesin yoo bo.
O ni Naijiria ti goke agba, ọlaju si ti de amọ ohun to se pataki fun Oluwo ni pe ko ma gbagbe asa.
"O seese ki Oluwo mọ ohun to ri lara obinrin yẹ, emi o gbọ iru rẹ ri, kii si se Kabiyesi wa lo yẹ ko se bẹẹ́."
