ఇండోనేసియా: మునిగిపోయిన జలాంతర్గామి.. అందులో ఆక్సిజన్ మూడు రోజులకు మాత్రమే సరిపోతుంది

ఇండోనేసియాలోని బాలి తీరంలో బుధవారం నుంచి కనిపించకుండా పోయిన సబ్‌మెరైన్ ‘కేఆర్‌ఐ నంగల’ సముద్రగర్భంలో మునిగిపోయినట్లు ఇండోనేసియా నావికా దళం శనివారం తెలిపింది. మునిగిపోయిన ఈ సబ్‌మెరైన్‌లో 53 మంది ఉన్నారు.

సబ్‌మెరైన్‌‌ మునిగిపోయిన ప్రాంతంలో దానికి సంబంధించిన కొన్ని భాగాలతో పాటు, అందులో ఉన్న తివాచీలు కూడా పైకి తేలాయని నావికాదళ ప్రధానాధికారి చెప్పారు.

సముద్రంలో 2800 అడుగుల లోతున మునిగిపోయినట్లు తెలిపారు.

సముద్రంలోకి వెళ్లినప్పటికి అందులో 3 రోజులకు సరిపోయేంత ఆక్సిజన్ మాత్రమే ఉంది.

సముద్ర గర్భంలో క్షిపణి ప్రయోగం డ్రిల్ కోసం వెళ్లేందుకు అనుమతి తీసుకుని బయలుదేరిన ఈ జలాంతర్గామి 40 సంవత్సరాల పాతది. దీనిని జర్మనీ తయారుచేసింది.

ఈ సబ్‌మెరైన్ కండిషన్‌లోనే ఉందని ఇండోనేసియా నేవీ తెలిపింది. కానీ, ఇది మునిగిన తీరు చూస్తే ఇందులో ఉన్న ఇంధన ట్యాంకు దెబ్బ తిన్నదేమోననే అనుమానాలు వ్యక్తమవుతున్నాయి.

సబ్‌మెరైన్ కి సంబంధించిన అనేక భాగాలు లభించినట్లు చెప్పారు. అయితే, ఈ క్షిపణిని ప్రయోగించే లాంచర్ లో బీటలు వాటిల్లడం వల్ల గాని, లేదా వెలుపల నుంచి ఒత్తిడి వస్తే తప్ప ఈ భాగాలు సబ్ మెరైన్ ని వీడి బయటకు రావని నేవీ చీఫ్ ఆఫ్ స్టాఫ్ యుడో మార్గోనో చెబుతున్నారు.

ఈ జలాంతర్గామి మునిగిపోయిన ప్రదేశానికి 16 కిలోమీటర్ల రేడియస్‌లో కొన్ని వస్తువులు దొరికాయి. అందులో పెరిస్కోప్ ను లూబ్రికేట్ చేయడానికి వాడే ఒక గ్రీజు సీసా కూడా ఉంది. సబ్‌మెరైన్ మునిగిన ప్రాంతం మీదుగా ఇతర నౌకలు ఏవీ వెళ్లలేదు.

ఈ నేవీ నౌకను బయటకు వెలికి తీయడానికి అంతర్జాతీయంగా ప్రయత్నాలు చేస్తున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)