సుప్రీంకోర్టు: ‘‘ఆ 65 లక్షలమంది ఓటర్లను జాబితాలో ఎందుకు చేర్చలేదో కూడా చెప్పాలి’’ అంటూ ఈసీకి మధ్యంతర ఆదేశాలు...

బిహార్‌లో ఓటర్ల జాబితా ముసాయిదా తయారీకి భారత ఎన్నికల సంఘం (ఎలక్షన్ కమిషన్) చేపట్టిన స్పెషల్ ఇంటెన్సివ్ రివిజన్ (ఎస్ఐఆర్)పై సుప్రీంకోర్టు ఆగస్టు 14వ తేదీన మధ్యంతర ఉత్తర్వులు జారీ చేసింది.

ఈ ముసాయిదాలో చేర్చని 65 లక్షల మంది పేర్లతో జాబితా సిద్ధం చేయాలని ఈసీని ఆదేశించింది. ఆ జాబితాను ప్రచురించడానికి ఆగస్టు 19వ తేదీ సాయంత్రం 5 గంటల వరకూ గడువు ఇచ్చింది.

ఓటర్ల అర్హతను నిర్ణయించడానికి సంబంధించి ఎస్‌ఐఆర్ ప్రక్రియలో అవసరమైన తప్పనిసరి గుర్తింపుపత్రాల్లో ఆధార్ కార్డును కూడా చేర్చాలని సూచించింది.

ఎస్ఐఆర్ చట్టవిరుద్ధమని సవాలు చేస్తూ దాఖలైన పలు పిటిషన్లపై న్యాయమూర్తులు జస్టిస్ సూర్యకాంత్, జస్టిస్ జాయ్‌మాల్యలతో కూడిన ధర్మాసనం విచారణ చేపట్టింది.

పిటిషనర్లతో పాటు ఈసీ తరఫు న్యాయవాదులు తమ వాదనలను వినిపించారు. ఈ సందర్భంగా ధర్మాసనం ఓపెన్ కోర్టులోనే కొన్ని ఆదేశాలు ఇచ్చింది.

తదుపరి విచారణను ఆగస్టు 22వ తేదీకి వాయిదా వేసింది.

సుప్రీంకోర్టు ఆదేశాల ప్రకారం ఈసీ ఏంచేయాలంటే....

'ఇదొక పెద్ద తొలి అడుగు...'

సుప్రీంకోర్టు ఇచ్చిన మధ్యంతర ఆదేశాలను ప్రతిపక్ష పార్టీలు స్వాగతించాయి.

ఇదొక పెద్ద తొలి అడుగు అని కాంగ్రెస్ పార్టీ సీనియర్ నాయకుడు జైరాం రమేష్ పేర్కొన్నారు.

''సుప్రీంకోర్టు నేడు భారత రాజ్యాంగాన్ని స్పష్టంగా, దృఢంగా, ధైర్యంగా సమర్థించింది. ప్రధాన మంత్రి, ఆయన మద్దతుదారుల కుతంత్రాల నుంచి మన గణతంత్ర దేశాన్ని కాపాడుకోవడానికి దీర్ఘకాల పోరాటం సాగుతోంది. బిహార్ ఎస్‌ఐఆర్‌ కేసులో ఈరోజు సుప్రీంకోర్టు ఇచ్చిన ఆదేశాలు ఆశాకిరణం. ఇదొక పెద్ద తొలి అడుగు'' అని జైరాం రమేష్ వ్యాఖ్యానించారు.

(బీబీసీ కోసం కలెక్టివ్ న్యూస్‌రూమ్ ప్రచురణ)

(బీబీసీ తెలుగును వాట్సాప్‌,ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)