బడ్జెట్ 2024 : ఇన్‌కం ట్యాక్స్‌లో ఎలాంటి మార్పులు ఉండవు: నిర్మల సీతారామన్

Nirmala Sitharaman — ఫొటో క్యాప్షన్, నిర్మలా సీతారామన్

1 ఫిబ్రవరి 2024

2023-24 ఆర్థిక సంవత్సరానికి 47.66 లక్షల కోట్ల రూపాయలతో పార్లమెంట్‌లో మధ్యంతర బడ్జెట్ ప్రవేశపెట్టారు నిర్మల సీతారామన్.

ఈ సందర్భంగా ఆమె సభలో మొదట మోదీ ప్రభుత్వ విజయాలు చెప్పుకొచ్చారు.

పేదలు, మహిళలు, యువత, రైతుల అభివృద్ధి, సంక్షేమం ప్రథమ ప్రాధామ్యం కావాలన్న ప్రధాని మోదీ సూచన మేరకే బడ్జెట్ రూపొందించామన్నారు.

మోదీ నేతృత్వంలో గత పదేళ్లలో అమలు చేసిన సంస్కరణలు, విధానాలు దేశ ఆర్థిక వ్యవస్థను ముందుకు నడిపిస్తున్నాయన్నారు నిర్మల సీతారామన్.

‘సబ్ కా సాత్ సబ్ కా వికాస్’ అనే నినాదం భారత ఆర్థిక వ్యవస్థను బలోపేతం చేసిందని మంత్రి అన్నారు.

25 కోట్ల మందిని పేదరికం నుంచి బయటకు తీసుకొచ్చామన్నారు.

అనంతరం 2024-25 మధ్యంతర బడ్జెట్‌లోని అంశాలను చదివి వినిపించి, సభ ఆమోదం తీసుకున్నారు.

బడ్జెట్ సమర్పణ అనంతరం సభను శుక్రవారానికి వాయిదా వేశారు.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

కేంద్ర బడ్జెట్ — ఫొటో క్యాప్షన్, ఆదాయం వివరాలు..

బడ్జెట్ హైలైట్స్ ఇవీ..

40 వేల రైలు బోగీలను వందేభారత్ ప్రమాణాలతో మార్పులు
విమానాశ్రయాల అభివృద్ధి
‘డీప్ టెక్’ టెక్నాలజీస్ కోసం కొత్త పథకం
దేశంలోని అంగన్‌వాడీ కార్యకర్తలు, సహాయకులు.. ఆశా కార్యకర్తలు అందరికీ ఆయుష్మాన్ భారత్ పథకంలో హెల్త్ కవర్ వర్తింపు
సంస్కరణల అమలు కోసం రాష్ట్రాలకు 50 ఏళ్ల కాలానికి వడ్డీ లేని రుణాలు రూ. 75 వేల కోట్ల మేర ఇస్తాం.
దేశంలో కొత్తగా ఐదు సమీకృత ఆక్వా పార్కుల ఏర్పాటు
రానున్న ఐదేళ్లలో పీఎం ఆవాస్ యోజన కింద రెండు కోట్ల ఇళ్ల నిర్మాణం
దేశవ్యాప్తంగా మెడికల్ కాలేజీల సంఖ్యను పెంచేందుకు కమిటీ ఏర్పాటు
రూఫ్ టాప్ సోలార్ వ్యవస్థ ద్వారా కోటి కుటుంబాలకు 300 యూనిట్ల మేర ఉచిత విద్యుత్ సరఫరా.