BBC News, پښتو - کور پاڼه

د افغانستان او وېسټ انډيز لوبه؛ راشد خان د نوي ریکارډ په درشل کې

د افغانستان او وېسټ انډيز تر منځ د دريو شل اوريزو لوبو لړۍ د افغانستان په کوربتوب د متحده عرب اماراتو په دوبۍ کې نن دوشنبې (۱۹ جنوري) د افغانستان پر مهال د ماښام پر اوو بجو پیلېږي. د افغانستان او وېسټ انډيز تر منځ دا لوبلړۍ په هند او شري لنکا کې له کېدونکي شل اوريز نړيوال جام نژدې دری اوونۍ مخکې ترسره کېږي. د هند شرايطو ته په کتو چې د دوبۍ له هغو سره يو څه ورته دي دا سیالۍ د راتلونکي نړيوال جام د تيارۍ لپاره مهمې بلل کېږي.

د کراچۍ د ګل‌پلازا په اورلګېدنه کې د وژل شویو شمېر ۱۴ ته لوړ شوی؛ لسګونه کسان بې‌درکه دي

چارواکي وايي، د پاکستان د کراچۍ د صدر سیمې یوه ستر پلورنځي (ګل‌پلازا) کې اوړمه شپه لګېدلی اور بالاخره کنټرول شوی دی. خو دوی زیاته کړې چې په دې پېښه کې د وژل شویو کسانو تایید شوی شمېر ۱۴ ته ختلی او لسګونه نور بې‌درکه دي. په وژل شویو کې یو تن د کراچۍ میټروپولیټن کارپورېشن (کې‌اېم‌سي) اور وژونکی دی.

د طالبانو د حکومت سوداګریز پلاوی بنګله‌دېش ته ولاړ؛ کابل له ډاکې سره د اړیکو پراخولو هڅه کوي

د طالبانو حکومت وایي، د صنعت او سوداګرۍ وزارت یو پلاوی د شاوخوا ۵۰ سوداګرو په ملتیا بنګله‌دېش ته تللی. د دې سفر موخه د دواړو لورو ترمنځ د سوداګریزو اړیکو پیاوړتیا بلل شوې ده. د راپورونو له مخې، د ۲۰۲۵ کال په سپټمبر میاشت کې د بنګله‌دېش د دیني عالمانو د مشرانو اوه کسیز پلاوي افغانستان ته سفر کړی و. همداراز، د ۲۰۲۵ کال د ډسمبر په وروستیو کې نور احمد نور، چې د طالبانو د بهرنیو چارو وزارت لومړی سکرتر او دا مهال په نوي ډیلي کې د طالبانو د حکومت سفیر دی، ډاکې ته تللی و.

د ټرمپ د غزې 'سولې بورډ' کې څوک څوک شامل دي؟

سپینې ماڼۍ د غزې لپاره د ولسمشر ډونلډ ټرمپ د ادارې د 'سولې بورډ' د غړو نومونه خپاره کړي دي. د دغه بورډ مشري پخپله ډونلډ ټرمپ کوي او د هغو فلسطیني تیکنوکراتانو کار به څاري چې د غزې بیارغونې او په لنډمهاله توګه د مدیریت دنده پر غاړه لري. د سپینې ماڼۍ په وینا، د سولې د دغه بورډ هر غړی به د یو لړ چارو مسوولیت ولري چې "په غزه کې د ثبات ټینکښت لپاره خورا مهمې دي."

د طالبانو حکومت مشرتابه کې اختلاف؛ بي بي سي د انټرنېټ پرې کېدو تر شا د نظرونو له ټکره پرده پورته کوي

بي بي سي د طالبانو د حکومت د مشر هبت الله اخوندزاده یو غږیز کلیپ ترلاسه کړ، چې په ډاګه یې کړه، د ده تر ټولو لویه اندېښنه څه ده، دا کوم بهرنی ګواښ نه دی، بلکې د افغانستان له دننه یو خطر دی. دی د "خپلمنځي تقابل" په تړاو خبرداری ورکوي چې د "اسلامي امارت" په اډانه کې به'ځینې' کسان یو د بل پر وړاندې ودروي.

درس