Ihe niile i kwesịrị ịma maka etu ị ga-esi nweta PVC gị

- Onye dere ya, Chukwunaeme Obiejesi
- Ndị mere akụkọ a, Senior Journalist
- Ebeg o si, Lagos
10 Jenụwarị 2023

Dịka ntuliaka 2023 na-akpudebe nso na Naịjirịa, ngalaba na-ahazi ya bụ ntuliaka bụ 'Independent National Electoral Commission' (Inec) amalitela ikesa akwụkwọ ikike ịtụ vootu nke a na-akpọ 'Permanent Voter Card' maọbụ PVC n'ịchafụ.

Nkesa a bụ maka ndị debanyere aha ha ọhụrụ n'akwụkwọ ntuliaka maọbụ ndị debanyere ochie mana ha agabeghị nata PVC ha, maọbụkwanụ ndị bugharịrị ebe ha nọbụ atụ vootu si otu ebe gafee ebe ọzọ.

Ndị ọzọkwa bụ ndị PVC ha gbajiri agbaji, maọbụ ndị ihu PVC ha kpụchara akpụcha, maọbụkwanụ ndị nke ha furu efu.

Dịka Inec si kwuo, ụbọchị a malitere ikesa ndị mmadụ PVC ha bụ n'ụbọchị 12 nke ọnwa Disemba 2022, ọ ga-akwụsị n'ụbọchị 22 nke ọnwa Jenụwarị 2023.

Lee ọtụtụ ajụjụ ndị mmadụ na-ajụ maka nkesa PVC nakwa ọsịs ha:

Skip content and continue reading

Ụlọọrụ anyị dị icheiche amalitela ikesa PVC ugbua - Inec Anambra13 Disemba 2022
Voter registeration: Inec ekwuola nke bụ eziokwu n’okwu mmalite ndebanye aha ọzọ 23 Nọvemba 2022
Inec asaala ebubo aghụghọ n'usoro ndebanye aha 16 Septemba 2022

End of content

Ọ bụ naanị ndị debanyere aha ọhụrụ a ga-enweta PVC?

Mba. Inec kwuru na ọ bụrụ nd i debanyere aha gị tupu ntuliaka nke afọ 2019, mana ị nataghị PVC gị n'oge ahụ, ohere dịịrị gị ugbua ịga were ya maka na mpaghara ị nọ debanye aha gị.

Kedụ ebe m ga-aga nata PVC m?

Oge Inec malitere ikesa PVC n'ụbọchị 12 nke ọnwa Disemba, ọ bụ n'isi ụlọọrụ okpuruọchịchị dị icheiche ka mmadụ ga-aga nata nke ya.

Mana malite n'ụbọchị isii ruo ụbọchị 15 nke ọnwa Jenụwarị 2023, i nwere ike ịga na wọọdụ (ward) gị ga nara PVC nke gị.

Skip Akachasị Gụọ and continue reading

Akachasị Gụọ

End of Akachasị Gụọ

Ọ gachaa ụbọchị 15 nke Jenụwarị, a ga-ebughachikwa PVC n'isi ụlọọrụ okpuru ọchịchị dị icheiche ruo ụbọchị 22 nke Jenụwarị oge a ga-akwụsị nkesa PVC kpamkpam.

Kedu etu m ga-esi mata wọọdụ (ward) m?

Na wọọdụ dị icheiche, Inec wepụtara otu ebe ndị mmadụ ga-aga ịnara PVC ha.

Ọnụọgụgụ wọọdụ maọbụ ogige ndebanye aha (Registration areas/wards) Inec nwere dị 8,809.

Ị chọọ ịmate kpọmkwem ebe a na-ekesa PVC kacha nso na wọọdụ gị, pịa aka ebe a.

Ọzọkwa, Inec wepụtara akara ekwentị ebe mmadụ ga-eziga aha steeti ya, okupuru ọchịchị ya nakwa wọọdụ ya.

Dịka Inec si kwuo, ọ bụrụ na iziga ihe ndị a site n'akara ekwentị i ji debanye aha n'akwụkwọ ntuliaka, Inec ga-ezitere gị ebe ị ga-aga were PVC gị.

Atụfuola m akwụkwọ ndebanye aha m, gịnị ka m ga-eme?

Cheta na Inec na-enye ndị mmadụ akwụkwọ njirimara n'ụbọchị onye ahụ debanyere aha ya n'akwụkwọ ntuliaka.

Akwụkwọ njirimara a ka onye ahụ kwesịrị iji bịa narazie PVC ya nke ga-enye ya ikike ịtụ vootu.

Ọ bụrụ na ịtụfuola ya bụ akwụkwọ njirimara, ọ gaghị adịrị gị mfe ịnata PVC gị, maka na ọ bụ akwụkwọ ahụ ga-eme ka onyeọrụ Inec mara ebe ọ ga-achọ PVC gị ka ọ dị mfe ịchọta ya.

Lee ihe ị ga-eme:

Were ekwentị maọbụ kọmputa gị chọọ www.cvr.inecnigeria.org/vvs
Ọ ga-ebute gị n'ebe a kpọrọ 'Voter Verification Service'
Tinye steeti ebe ị nọ debanye aha
Tinye aha gị na aha nna gị
Tinye ụbọchị ọmụmụ gị
Pịa aka ebe e dere 'check status'
Ọ bụrụ na aha gị dị n'akwụkwọ ntuliaka, ọ ga-ebupụtara gị ozi gbasara ndebanye aha gị.

Chetakwa na ọ bụrụ na i bugharịrị ebe ị ga-anọ tụọ vootu, steeti ị ga-etinye bụ steeti ebe ị nọ ugbua, ọ bụghị steeti ebe ị nọ debanye aha na mbụ.

I ji maa atụ, ọ bụrụ na i debanyere aha ma tụọ vootu na Abuja n'afọ 2019, mana ugbua ị nọzị na Legọs ma bugharịa ebe ị ga-anọ atụ vootu na 2023 ka ọ bụrụzie Legọs, ebe ị ga-ede n'ọba ozi Inec VVS bụ Legọs, ọbụghị Abuja.