Inec asaala ebubo aghụghọ n'usoro ndebanye aha

Nkọwa foto, Festus Okoye bụ ọnụ na-ekwuru Inec

16 Septemba 2022

Ngalaba na-ahazị ntuliaka na Naịjirịa bụ Independent National Electoral Commission (Inec) apụtala ịgọrọ isi ha n'ebubo otu Coalition of United Political Parties (Cupp) boro ha nke kwuru e nwere ndị abụghị ndị Naịjirịa aha ha dị na ndekọ Inec.

Cupp kwuru na ndị mmadụ gara n'ihu na-edebanye ha ịtụ vootu n'akụkụ Naịjirịa dị iche iche agbanyeghị na Inec mechịrị atụmatụ a na Julaị.

N'ime ozi ọhụrụ nke Festus Okoye bụ ọnụ na-ekwuru Inec binyere aka, ọ sara ebubo a ma kọwa na ndenye aha na ndekọ Inec kwụsịrị kpam kpam na ngwụcha ọnwa Julai.

O kwukwara ma rue ugbua, o nweghizi onye ọhụru ọzọ e debara aha ya na ndekọ ha.

"Anyị na-elebanye anya n'aha ndị edebara ịma ma ndị mmaọdụ edebanyere aha nke ọma, o nwee ndị etozughi dịka enweghi foto maọbụ afọ, maọbụ njirimara ya, a ga-ewepu aha ha na ya bụ ndekọ" ka o kwuru.

Ihe ọzọ o kwuru bụ na a ga-enwe abalị asaa a ga-ewepụtara ndị ọha mmadụ ndekọ Inec ka ha nweike lee aha ndị edebanyere ma kwupụta ma o nwee nsogbu ọbụla ha nwere.

Ọ rịọrọ ndị mmadụ ka ha nwee ndidi ka ngalaba Inec jiri aka ha wepụta aha Ndị mmadụ ka ha nwee ike kwuputa maọbụrụ na ọ masịghị ha.

Skip content and continue reading

Ihe mere Inec jiri kagbuo aha mmadụ otu nde debanyere aha ha ịtụ vootu 14 Septemba 2022
Ọ bụ eziokwu na INEC na-enye ndị bi na Niger Republic PVC?25 Juun 2022
Inec PVC: Ndị mmadụ na-achọ ịnata nke ha arịwala elu n'Anambra Steeti - Festus Okoye 6 Juun 2022

End of content

Nkọwa foto, Ndị mmadụ na-ebo Inec ebubo na agụghọ abanyela usoro ndebanye aha ha.

Occupy Inec: Kedu etu nsogbu Inec si bido?

Inec voter registration — Nkọwa foto, Aha nde 1.1 bụ ndị akachapụrụ na ndeko Inec

Cheta na ọ bụ n'ụbọchị Tuzde 13 Sepụtemba ka Inec wepụtara ozi gbasara aha mmadụ nde 1.1 akagburu.

Skip Akachasị Gụọ and continue reading

Akachasị Gụọ

End of Akachasị Gụọ

Nke a mere ka ndị mmadụ malite ịkatọ Inec ma na-ebo ha ebubo nrụrụaka.

Inec mechara kọọrọ BBC Igbo ihe mere ha ji wepụ aha ndị ahụ.

“Ndị a anyị kagburu aha ha bụ ndị debanyere aha ha ugboro abụọ nke bụ na ndị a edebanyebuola aha ha n’akwụkwọ anyị n’oge gara aga”.

Ọ kọwara na iji gbochie nghọtate na Inec anaghị anabata ndebanye aha ugboro abụọ.

Mgbe nkọwa nke a pụtachara, ihe onyonyo malitekwara ifesa ebe otu CUPP na-ebo Inec ebubo idenye aha ndị abụghị ndị Naịjirịa n'ime ndekọ ha.

Ebubo mmehie a ndị mmadụ kwuru na Inec mere akpalitela akara mgbasa ozi na soshal midia ọkachasị na Twitter nke isi okwu ya bụ 'Occupy Inec' dịka ndị mmadụ na-adọ Inec na-akwa ma na-ekwu na ha ga-ekwuriri etu mmehee ndị a a na-ebo ha siri dapụta.

Ọ bụ ebubo ahụ ka Inec na-agbagha ugbua.