Anambra election 2021: Tupu ị tụọ vootu lee njirimara pati ndị so na ntuliaka gọvanọ Anambara steeti

Ụlọọrụ na-ahụ maka ntuliaka na Naịjiria bụ Independent National Electoral Commission (Inec) pịakọtara pati niile nọ na Naịjiria ọnụ, nke bụ na ha dịzị naanị iri na asatọ (18) ugbua.

N'ime ya bụ 18, ha niile wepụtara ndị ga-efere ha ọkọlọtọ dịka a na-azọ onye ga-abụ gọvanọ Anambara steeti site n'ọnwa Maachị 2022.

Maka ndị ga-atụ vootu, ọkachasị ndị ọ bụ mbụ ha na-apụta ịtụ vootu, ị ga-ahụ njirimara pati ndị aha ha dị n'akwụkwọ ntuliaka Inec.

Lee pati ndị ahụ, njirimara ha nakwa ndị na-azọ oche gọvanọ n'okpuru ha.

Pati ndị na-azọ oche gọvanọ Anambara steeti

1) Accord (A)

Onye na-efe ọkọlọtọ ha - Godwin Maduka

Njirimara ha - E sere aka na-eme 'turu ugo' n'etiti ọkọlọtọ ha.

Onyeisi ha - Hon. Mohammad Lawal Nalado

2) Action Alliance (AA)

Onye na-efe ọkọlọtọ ha - Etiaba Bennet Chukwuogo

Njirimara ha - E sere nnụnụ ọcha n'etiti kpakpando na-acha anụnụ anụnụ n'etiti ọkọlọtọ ha.

Onyeisi ha - Hon. Adekunle Rufai Omoaje

3) African Action Congress (AAC)

Onye na-efe ọkọlọtọ ha - Chidozie Wilson Nwankwo

Njirimara ha - E sere aka abụọ na-acha akwụkwọ ndụ na oji n'etiti ọkọlọtọ ha.

Onyeisi ha - Dkt. Leonard Nzenwa

4) African Democratic Congress (ADC)

Onye na-efe ọkọlọtọ ha - Nze Akachukwu Sullivan Nwankpo

Njirimara ha - E sere aka abụọ na-ekwe onwe ha n'etiti ọkọlọtọ ha.

Onyeisi ha - Ralphs Okey Nwosu

5) Action Democratic Party (ADP)

Onye na-efe ọkọlọtọ ha - Prince Ume-Ezeoke Afam Luke Douglas

Njirimara ha - E sere aka ji akwụkwọ a sapere asape n'etiti ọkọlọtọ ha.

Onyeisi ha - Engr. Yabagi Yusuf Sani

6) All Progressives Congress (APC)

Onye na-efe ọkọlọtọ ha - Emmanuel Nnamdi Andy Uba

Njirimara ha - E sere aka ji azịza n'etiti ọkọlọtọ ha.

Onyeisi ha - H.E Mai Mala Buni (onyeisi na-elekọta ya ruo mgbe a họpụtara onye ọzọ)

7) All Progressives Grand Alliance (APGA)

Onye na-efe ọkọlọtọ ha - Ọkammụta Charles Chukwuma Soludo

Njirimara ha - E sere ọkụkọ n'etiti ọkọlọtọ ha.

Onyeisi ha - Dkt. Victor Ikechukwu Oye

8) Allied Peoples Movement (APM)

Onye na-efe ọkọlọtọ ha - Onyejegbu Geoffrey Okwudili

Njirimara ha - E sere akpụ a bọpụtara n'ala n'etiti ọkọlọtọ ha.

Onyeisi ha - Yusuf Mamman Dantalle

9) Action Peoples Party (APP)

Onye na-efe ọkọlọtọ ha - Azubuike Philip Echetebu

Njirimara ha - E sere enyi n'etiti ọkọlọtọ ha.

Onyeisi ha - Ikenga Imo Ogochinyere

10) Boot Party (BP)

Onye na-efe ọkọlọtọ ha - Chika Jerry Okeke

Njirimara ha - E sere akpụkpọụkwụ n'ọkọlọtọ ha

Onyeisi ha - Adenuga Sunday

11) Labour Party (LP)

Onye na-efe ọkọlọtọ ha - Agbasimalo Obiora Emmanuel

Njirimara ha - E sere ezinaụlọ nna, nne na nwa n'etiti ọkọlọtọ ha.

Onyeisi ha - Ọkaiwu Julius Abure

12) National Rescue Movement (NRM)

Onye na-efe ọkọlọtọ ha - Ezenwafor Afamefuna Victor

Njirimara ha - E sere aṅụ n'etiti ọkọlọtọ ha.

Onyeisi ha - Sinetọ Saidu Muhammed Dansadau

13) New Nigeria Peoples Party (NNPP)

Onye na-efe ọkọlọtọ ha - Ohajimkpo Leonard Emeka

Njirimara ha - E sere nkata mkpụrụosisi juru n'ime ya n'etiti maapụ Naịjiria n'ọkọlọtọ ha.

Onyeisi ha - Ambassador Agbo Gilbert Major

14) Peoples Democratic Party (PDP)

Onye na-efe ọkọlọtọ ha - Valentine Chineto Ozigbo

Njirimara ha - e sere nche mmiri/anwụ n'etiti ọkọlọtọ ha.

Onyeisi ha - Sinetọ Iyorchia Ayu

15) Peoples Redemption Party (PRP)

Onye na-efe ọkọlọtọ ha - Nnamdi Nwawuo

Njirimara ha - ọkọlọtọ pati a nwere agwa atọ; nke na-acha uhie uhie, nke dị oji na nke ọcha. E sere ntụghe igodo dị oji n'etiti ya bụ ọkọlọtọ.

Onyeisi ha - Mallam Falalu Bello, OFR

16) Social Democratic Party (SDP)

Onye na-efe ọkọlọtọ ha - Obinna Chukwudum Godwin Uzoh

Njirimara ha - E sere ịnyịnya ọcha n'ọkọlọtọ pati ha.

Onyeisi ha - Dkt. Olu Agunloye

17) Young Progressive Party (YPP)

Onye na-efe ọkọlọtọ ha - Ifeanyi Patrick Ubah

Njirimara ha - Ọkọlọtọ ha na-egosi aka ji ahịhịa ndụ, n'ime ọnụụzọ dị n'ime eserese maapụ Naịjiria.

Onyeisi ha - Cmrd. Bishop Amakiri

18) Zenith Labour Party (ZLP)

Onye na-efe ọkọlọtọ ha - Okonkwo Obiora Francis

Njirimara ha - E sere ndị na-arịgo n'elu ubube.

Onyeisi ha - Ichie Dan Nwanyanwu