NA EME UGBU A, A malitela ime ngagharịiwe na Minneapolis dịka onye ọrụ ICE gbagburu otu nwaanyị

Mkpuchi Na Eme Ozugbo

Michael Ngene, Chinonso Ugorji, Uzoamaka Ewuzie, Ikechukwu Kalu, Michael Ilediagu, Adline Okere, Marvelous Obomanu, Uche Akolisa

1. elekere 8 gara agaPati APC na Riva Steeti ajụla ma katọọ nkata a na-akpa iji ịchụpụ Fubara dịka Gọvanọ

   

   Ebe foto si, Siminalayi Fubara/X

   Pati All Progressives Congress (APC) mpaghara Riva Steeti ekwuola na ha anabataghị atụmatụ ahụ ụlọomeiwu steeti ahụ malitere iji chụpụ Gọvanọ Siminalayi Fubara na osote ya bụ Ngozi Odu n’ọkwa ọchịchị ma kọwaa ya dịka ihe enweghị na ihe adịghị mkpa.

   Ozi ọnụ na-ekwuru pati ahụ bụ Darlington Nwauju wepụtara mere ka o doo anya na ọ bụ eziokwu na ụlọomeiwu ahụ nwere ikike iwu obodo nyere ya ma kwuo na ha agaghị akwado atụmatụ ịchụpụ Gọvanọ ahụ bụ onye otu APC n’ọkwa.

   APC gara n’ihu dọọ ndị omeiwu ahụ aka na ntị ma gwa ha ka ha sepụ aka onwe n’ofe ma ghara ime ihe ga-etinye maọbụ bute nsogbu na steeti ahụ.

2. 8 Jenụwarị 2026Renee Nicole Good: Ngaghariiwe adaala na Minneapolis dika onye ọrụ 'ICE gbagburu nwaanyị

   

   Ebe foto si, Renee Nicole Good

   A matala aha nwaanyị ndị ọrụ na-ahụ maka ọpụpụ na mbata na Amerịka a kpọrọI'mmigration and Customs Enforcement'(ICE) gbagburu na Minepolis dị na mba Amerịka ụbọchị Tozde

   Renee Nicole Good, gbara afọ 37 ma jide ụmụ atọ na-anyapụ ụgbọala ya iji gbalahụ ndị ọrụ ICE na-akwụsị ya oge otu n'ime ha gbara ya egbe , ọ nwụ na-egbufgị oge.

   Ọnwụ Good akpalitela ngagharịiwe na mpaghara ahụ na ndị gọọmentị Trump boro nwaanyị ahụ ebubo ị bụ "onye oyi ndụ egwu ụlọ"

   Good kwatara ọhụrụ na mpaghatra ahụ bụ onye nwere ikike ile ihe ICE na -eme n'ogbe ahụ.

   Ọnwụ Renee n'aka ndị ọrụnchekwa na-abịa otu afọ, George Floyd nwụrụ n'aka ndị uweojii ji ikpere pịgbuo ya n'otu mpaghara ahụ.

3. 8 Jenụwarị 2026Trump ewepụla Amerịka n'otu mbaụwa karịrị 12

   

   Ebe foto si, Getty Images

   Onyeisiala mba Amerịka bụ Donald Trump ewepụla aha Amerịka n'ọtụtụ otu mbaụwa nke gụnyere otu na-agba mbọ maka nchekwa ihu igwe(climate change.)

   N'ime otu a ruru 66, nke ọkara ya bụ otu 'United Nations' nke gụnyere otu nwere nkwekọrịta etu a ga-esi akwụsị oge ekpomọkụ nke mbaụwa (global warming.)

   Ụlọọrụ Onyeisiala bụ 'White House' kwuru na e mere nzọpụụkwụ a n'ihi na otu " enweghị kwa uru ọ bara Amerịka kama ha na-akwado atụmatụ mmegide ya.".

   Trump agalarị n'ihu napụ ụfọdụ otu jikọrọ Amerịka na mba ndị ọzọ ihe ha anaghị amasị ya ego nkwado ma sị na nkwekọrịta e nwere maka mgbanwe ihuigwe nke sayensi kwadoro bụ ajambele.

4. 8 Jenụwarị 2026Onye ọrụ ụlọọrụ na-ahụ maka mbata na ọpụpụ na mba Amerịka agbagbuola nwaanyị na Minneapolis

   

   Ebe foto si, Getty Images

   Otu onye ọrụ ụlọọrụ na-ahụ maka mbata na ọpụpụ na mba Amerịka agbagbuola otu nwaanyị dị afọ iri atọ na asaa n'obodo Minneapolis, nke kpalitere esemokwu mgbe ndị ọrụ obodo jụrụ ihe ọchịchị Trump kwuru na ọ bụ nchekwa onwe ya.

   Ka ọ dị ugbua, ngalaba nchekwa obodo kwuru na nwaanyị ahụ bụ Renee Nicole Good, bụ "onye na-eme ngagharịiwe ike" nke gbara mbọ ịgbanarị ndị ọrụ Immigration and Customs (ICE) ọsọ.

   Mana aka na-achị obodo Minneapolis bụ Jacob Frey kwuru sị, "Nke a bụ onye nnọchi anya ji ike eme ihe n'echeghị echiche na nke a ga-ebute ọnwụ mmadụ," na-agwa ndị ọrụ ICE ka ha si n'obodo ahụ pụọ.

   E tinyela ọtụtụ narị ndị ọrụ ICE na Minneapolis, na steeti Minnesota, dịka ọrụ obi ọchịchị mba Amerịka bụ White House na-emegide mbata na ọpụpụ n’ụzọ iwu na-akwadoghị.

5. 8 Jenụwarị 2026Igbo ndị ọma, ụtụtụ ọma unu.

   Anyị ji obi aṅụrị na-anabata gị n'ọgbakọ BBC News Igbo taa bụ Tọzde 8 Jenụwarị 2026.

   Ekpere anyị n’isi gị bụ ka ụbọchị taa mịtara anyị niile mkpụrụ ọma.

   Biko, sonyekwara anyị na Facebook, Instagram nakwa Whatsapp Chanelụ, maka akụkọ gbasara ihe niile na-eme n'ụwa.

   Ya gazie!

6. 7 Jenụwarị 2026Ndị omekome agbagbuola mmadụ anọ n'Oyo steeti

   

   Ebe foto si, Getty Images

   Ndị bu egbe a mabeghị ndị ha bụ agbagbuola o pekata mpe mmadụ anọ n'ọhịa 'National Park Service' (NPS) dị n'obodo Oloka dị n'Okpuru Ọchịchị Orire n'Oyo steeti n'abalị Tuzde.

   Ọnụ na-ekwuru ndị Uweojii steeti ahụ bụ Ayanlade Olayinka kwuru na mwakpo ahụ bụ eziokwu n'ozi o wepụtara.

   Olayinka kwuru na ndị uweojii na ndị ọrụ nchekwa ndi ọzọ awụbaala ọhịa ịchọ ndị kpara mkpamkpa ahụ.

   O kwukwara na Komishọna ndị uweojii steeti ahụ bụ Femi Haruna na ndị ọrụ nchekwa ndị ọzọ azọpụla ije ịga ebe ihe mere.

7. 7 Jenụwarị 2026E gbochiela atụmatụ igbu onye ndu mba Bọkịna Faso bụ Ọchịagha Ibrahim Traore

   

   Ebe foto si, Getty Images

   Atụmatụ igbu onye ndu mba Bọkịna Faso bụ Ọchịagha Ibrahim Traoré akpụọla afọ n’ala.

   Ozi gọọmenti mịnịsta na-ahụ maka nchekwa mba ahụ bụ Mahamadou Sana wepụtara kwuru na ọ bụ Kọnel Paul Henri Damiba bụ onye Ọchịagha Traoré wepụrụ na Septemba 2022, kpara nkata ahụ.

   Sana kwuru na gọọmenti mba Bokịna Faso nwetere kepu kepu banyere nkata ahụ a na-akpa iji gbuo onye ndu ha ma wakpo ụfọdụ ụlọọrụ gọọmenti dị iche iche. O kwuru na nkata ahụ nwetara nkwado n’aka mba Aịvri Kost.

   Mana ka ọ dị ugbua, Damiba nakwa mba Aịvri Kost ekwubeghị ihe ọbụla banyere ebubo a.

   E nweela nkata abụọ a kpara iji wepụ Ọchịagha Traoré n’ọchịchị kemgbe ọ napụrụ ọchịchị n’ike na mba ahụ dịka mkpamkpa ndịagha nnupuisi na-akpa mkpamkpa na mba ahụ emeela ka ọtụtụ ndị obodo gbapụ n’ụlọ ha dị cihe iche.

   N’agbanyeghị ihe aka mgba ndị a, nwaamadị ahụ gbara afọ 37 kwụrụ chịm ma bụrụkwa onye ọtụtụ mba n’Afrịka na-akwado.

8. 7 Jenụwarị 2026Ameríka na-akpa nkata iweghara mba Greenland, ụlọọrụ Onyeisiala

   

   Ebe foto si, Getty Images

   Onyeisiala mba Amerịka bụ Donald Trump na-enwe mkparịtaụka ụzọ mba ahụ ga-esi weghara mba Greenland nke gụnyere iji ike ndịagha mee otu a, dịka ụlọọrụ onyeisiala Amerịka a kpọrọ 'White House' na Bekee si kwuo.

   White House gwara BBC na iweghara Greenland - bụ mpaghara kwụụrụtụ onwe ya nke nọ n'okpuru mba Denmark bụkwa mba so na NATO bụ ụzọ ichekwa mba Amerịka.

   Ozi a na-abịa dịka ndị ndu Yurop wepụtara ozi nkwado nye Denmark, bụ nke na-gba mbọ ịhụ na ebunombi Trump emejupụtaghị.

   Trump kwuru ugboro ugboro na ngwụcha izuụka na Greenland dị Amerịka mkpa maka nchekwa nke mere ka Praim Minista Denmark Mette Frederiksen ji kwuo sị na Amerịka wakpoo Greenland, ị mara na ọgwụgwụ NATỌ abịala.

   Greenland bụ obodo mmiri gbara okiri kachasị buo ibu n'ụwa nke mba Denmark chiburu.

9. 7 Jenụwarị 2026Trump ekwuola na Venezuela 'ga-enyefe' Amerịka ihe ruru barelụ mmanụ agbidi ruru nde iri ise

   

   Ebe foto si, screenshot

   Onyeisiala mba Amerịka bụ Donald Trump ekwuola na Venezuela 'ga-enyefe' Amerịka ihe ruru barelụ mmanụ agbidi ruru nde iri ise (50m) nke ọnụ ego ya ruru ijeri dọla abụọ na nde asatọ $2.8bn (£2.1bn) dịka ndịagha mba Amerịka wakporo Venezuela ma wepụ Nicolás Maduro n’ọchịchị.

   N’ozi Trump wepụtara na soshal midịa ya, a ga-ere mmanụ ụgbọala n'ọnụ ahịa ya ma jiri ego pụtara na ya mee ihe bara uru nye ndị Venezuela na Amerịka.

   Nke a na-abịa dịka Trump kwupụtara na Ụlọọrụ mmanụ Amerịka ‘ga-adị njikere ịmalite ọrụ’ na Venezuela n’ime ọnwa iri na asatọ n’abịa.

   

   Ebe foto si, screenshot

10. 7 Jenụwarị 2026Ndị Igbo, unu asaala chi?

    Ka chi fotere taa nwetere anyị na unu niile ihe ọma na obi anụrị dịka anyị na-anabata unu n'ọgbakọ BBC News Igbo taa.

    Anyị ji ọtụtụ akụkọ gbara ọkpụrụkpụ bịa taa bụ Wenezde 7 Jenụwarị, 2026.

    Cheta sonyere anyị na Facebook, Instagram nakwa Whatsapp Chanelụ, iji nweta akụkọ gbasara ihe niile na-eme n'ụwa.

    Nnọọ!

11. 6 Jenụwarị 2026Mmadụ isii anwụọla na Yurop, dịka a kagburu ọtụtụ njem ụgbọelu n’ihi nsogbu snoo

    

    Ebe foto si, Getty Images

    Nnukwu snoo na-ada na Yurop, nakwa oke oyi emeela ka a kagbuo ọtụtụ njem ụgbọelu na mpaghara ahụ.

    Ka ọ dị, e kwupụtala mmadụ isii dịka ndị nwụrụ n’ihi ọdachi ndị sitere n’ọnọdụ ihu igwe na mpaghara Yurop.

    Ndị ọchịchị kwuru na mmadụ ise anwụọla na mpaghara abụọ dị iche iche na mba Fransị n’ihi ọnọdụ ịkwọ ụgbọala dị njọ.

    Ha kwukwara na otu nwaanyị nwụrụ n’isi obodo Bosnịa bụ Sarajevo oge nnukwu snoo dị 16in (40cm) dara n’obodo ahụ.

    A kagbuola ọtụtụ njem ụgbọelu gburugburu Yurop, dịka puku kwuru puku mmadụ tọrọ n’ọdọụgbọelu ndị e nwere na Paris nakwa Amsterdam.

    A tụrụ anya na ọnọdụ a ga-aga n’ihu ruo n’ụbọchị Wenezde.

12. 6 Jenụwarị 2026Mmadụ 22 si mba Itiopịa akwaaga mba ọzọ anwụọla n'ihe mberede okporoụzọ 'dị egwu'

    

    Ebe foto si, Afar Communication Bureau/Facebook

    Ndị ọchịchị kwuru na ihe dịka mmadụ iri abụọ na abụọ si mba Itiopịa akwaga mba ọzọ anwụọla, ebe mmadụ iri isii na ise merụrụ ahụ mgbe otu gwongworo ha nọ na ya gbapụrụ n'akụkụ ugwu ọwụwa anyanwụ nke Itiopịa.

    Ihe dịka mmadụ iri asatọ na ise na-eme njem n'ụzọ njem ọwụwa anyanwụ mgbe gwongworo ahụ dakpọsịrị n'obodo Semera n'ụtụtụ Tuzde, dịka otu onye ọrụ gọọmenti dị elu nke ndị Afar bụ Mohammed Ali Biedo si kwuo n'okwu ya.

    E kwuru na amaghị ebe ndị ahụ na-aga mgbe ihe mberede ahụ mere mana ụzọ ahụ bụ ebe esikarịrị na Itiopịa agafee Djibouti, gafee Oke Osimiri Uhie ruo Yemen, wee gawa Saudi Arabia na mba ndị ọzọ dị na mpaghara Middle East.

    Ọzọ, Yemen bụ ụzọ dị mkpa maka ndị si mba Afrịka akwaga mba ndị nọ na Gulf ịchọ ọrụ.

13. 6 Jenụwarị 2026Onyendu otu na-agba gọọmenti ụkwụ na Venezuela etoola ihe mba Amerịka mere megide Maduro

    

    Ebe foto si, Bloomberg via Getty Images

    Onyendu otu na-agba gọọmenti ụkwụ na Venezuela bụ María Corina Machado ekwuola na nwụchi mba Amerịka nwụchiri Nicolás Maduro bụ nnukwu ihe nyere “ụmụ mmadụ, nnwere onwe na ugwu mmadụ”.

    Cheta na a kpọọrọ Maduro na nwunye ya Cilia Flores n'ogige ha dị na Caracas n'ụbọchị Satọde wee buru ha gaa Amerịka maka ọrụ ndịagha pụrụ iche.

    Mgbe ọ na-agwa Fox News okwu, awa ole na ole ka Maduro pụtara n'ụlọikpe dị na New York, Machado kwuru na o "nwere obi ụtọ" maka ihe onyeisiala mba Amerịka bụ Donald Trump mere.

    Cheta na Machado hapụrụ Venezuela n'ọnwa gara aga iji nara ihe nrite Nobel Peace maka ọgụ ya megide ihe Kọmitii Nobel nke Norway kpọrọ ọchịchị aka ike - mana ọ lọtabeghị kemgbe ahụ.

    Chetakwa na mgbe Maduro na nwunye ya pụtara n'ụlọikpe n’ụbọchị Mọnde 5 Jenụwarị 2026, ọ gwara onye ọkaikpe na ya "ka bụ onyeisiala" dịka o kwuru na ikpe amaghị ya maka ịzụ ahịa ọgwụ ike na ebubo ndị ọzọ e boro ya.

14. 6 Jenụwarị 2026Ndị Igbo, unu asaala chi?

    Ka chi fotere taa nwetere anyị na unu niile ihe ọma na obi anụrị dịka anyị na-anabata unu n'ọgbakọ BBC News Igbo taa.

    Anyị ji ọtụtụ akụkọ gbara ọkpụrụkpụ bịa taa bụ Tuzde 6 Jenụwarị, 2026.

    Cheta sonyere anyị na Facebook, Instagram nakwa Whatsapp Chanelụ, iji nweta akụkọ gbasara ihe niile na-eme n'ụwa.

    Nnọọ!

15. 5 Jenụwarị 2026Ọtụtụ mmadụ anwụọla oge ụgbọmmiri kpuru na Yobe Steeti

    

    Ebe foto si, Audu ABBA KURAMA / AFPTV / AFP via Getty Images

    Ndị ọchịchị na Yobe Steeti ekwuola na ọtụtụ mmadụ nwụrụ ka ụgbọmmiri kpuru n'oge mgbede ụbọchị Satọde 3 Jenụwarị, 2026 dịka a ka na-achọ ihe ruru mmadụ iri na anọ.

    Ụgbọmmiri ahụ kpuru oge o si obodo Adiyani dị na Jigawa steeti na-erute nso na mpaghara Garbi dị na Yobe Steeti.

    Ọnụ na-ekwuchitere ndị uweojji na Yobe Steeti bụ Dungus Abdulkarim gwara BBC na ndị ọrụ gbatagbata ebupụtala ozu mmadụ iri na ise nwụrụ anwụ, mana ndị ntaakụkọ sị na ndị nwụrụ ga-eru iri abụọ na ise.

    E zigaala ndị ọrụ gbatagbata ka ha nweeike chọta ndị ka dị ndụ ebe ahụ dịka gọọmenti malitere ime nnyocha iji chọpụta ihe kpatara ọdachi ahụ.

    Ihe gbasara ụgbọmmiri ikpu na Naịjirịa bụ nke na-arị elu mana ndị ọkachammara si na ihe na-akpata ya bụ na ndị na-akwọ ụgbọmmiri na-etinye ọtụtụ ndị mmadụ n’ime ya, ebe ụfọdụ ụgbọmmiri e ji eme njem emeela ochie.

    

    Ebe foto si, Audu ABBA KURAMA / AFPTV / AFP via Getty Images

16. 5 Jenụwarị 2026Ndị Igbo, unu asaala chi?

    Ka chi fotere taa nwetere anyị na unu niile ihe ọma na obi anụrị dịka anyị na-anabata unu n'ọgbakọ BBC News Igbo taa.

    Anyị ji ọtụtụ akụkọ gbara ọkpụrụkpụ bịa taa bụ Mọnde 5 Jenụwarị, 2026 ma bụrụkwa ahịa Orie.

    Cheta sonyere anyị na Facebook, Instagram nakwa Whatsapp Chanelụ, iji nweta akụkọ gbasara ihe niile na-eme n'ụwa.

    Nnọọ!

17. 4 Jenụwarị 2026Ndị ojiegbe gburu ọtụtụ mmadụ ka anụ ọhịa na Naịja steeti – Onye hụrụ ha

    

    Ebe foto si, Zakaria Kontagora

    Ndị uweojii na Naịja steeti ekwuola na ọ bụ eziokwu na ndị ojiegbe mwakporo ma gbuo igwe mmadụ n’obodo a na-akpọ Demo dị na mpaghara Kabe na steeti ahụ.

    Ọnụ na-ekwuru ndịuweojii bụ Wasiu Abiodun sị na ihe ahụ mere n’ụbọchị Satọde n’ebe mgbede.

    Ọ sị na ndị ojiegbe ahụ “zukwara ndị mmadụ ohi, zuru ngwaahịa ha nwere n’ime ahịa nakwa ihe ọbụla aka ha ruru".

    Ndị ọrụ nchekwa na-ekwu na ndị e gburu ruru mmadụ 30, ebe ha tọọrọ ọtụtụ mmadụ amabeghị ọnụ ọgụgụ ha.

    

    Ebe foto si, Zakaria Kontagora

    Mana otu onye akaebe sị na ya hụrụ mgbe mkpamkpa a kpara kwuru na “ha na-abịa achụpụ ha n’ụlọ ma na-egbu mmadụ ka ọkụkọ”.

    Ọ gara n’ihu jụọ ajụjụ sị “gọọmenti amakwa na anyị nọ nchancha?”

    Onye ọzọ sị na “ndị ojiegbe ahụ na-ejide mmadụ, kechie ya anya, nwere eriri kee ya dịka ewu tupu ha egbujasịa onye ahụ ka anụ ewu maọbụ ọkụkọ”.

    Ha sị na ọtụtụ ndị mmadụ ka e gburu n’ime ọhịa, na ndị obodo na-aga ebulata ozu ha ma kwuo na ugbua na ha enwetala ozu mmadụ iri anọ na abụọ e gburu egbu.

18. 4 Jenụwarị 2026Ndị uweojii ahụla ozu mmadụ 16 ọzọ nwụrụ n’ọkụ ahụ gbara ụlọ orriri na ọṅụṅụ na Switzerland

    

    Ebe foto si, Getty Images

    Akụkọ kwuru na ndị uweojii ahụla ozu mmadụ 16 ọzọ nwụrụ n’ọkụ ahụ gbara ụlọ oriri Swiss ski resort dị na Crans-Montana.

    Ozi ndị uweojii wepụtara kwuru na ozu ndị ah gụnyere nwatakịrị nwaanyị gbara afọ 14 nakwa mmadụ 9 ọzọ na-erubeghị afọ 18. E kwuru na ndị ahụ nwụrụ si mba dị iche iche gụnyere Switzerland, Itali, Romenịa, Tọki nakwa Frans.

    Ka ọ dị ugbua, ọ bụ ozu mmadụ 24 ka a hụrụ ozu ha n’ọkụ ahụ. Mmadụ asatọ n’ime ha bụ ndị mba Switzerland.

    Nnyocha kwuru na ihe kpatara ọkụ ahụ bụ ihe ‘knockout’ dị na bọtụl nke e bugara nso na gbamgbam ụlọ oriri na ọṅụṅụ Le Constellation bar.

19. 4 Jenụwarị 2026Anyị ekwubeghị oge a ga-eme ntuliaka afọ 2027 - Ụlọọrụ Inec

    

    Ebe foto si, INEC/X

    Ụlọọrụ Independent National Electoral Commission (Inec) ekwuola na akụkọ ahụ na-efegharị banyere usoro nakwa ụbọchị a ga-eme ntuliaka ọkwa Gọvanọ na ntuliaka ọkwa Onyeisiala afọ 2027 abụghị eziokwu.

    Nke a na-abịa dịka ozi malitere ifesa nke kwuru na a ga-eme ntuliaka ọkwa Onyeisiala na ụlọomeiwu Sineti na Febụwarị 20, 2027 ma mee nke ọkwa Gọvanọ na ụlọomeiwu steeti na Maachị 6, 2027.

    Akwụkwọ ozi ụlọọrụ onyeisioche Inec wepụtara nke Adebayo Oketola binyere aka na ya, mere ka o doo anya na ozi ahụ na-efegharị abụghị eziokwu ma kọwaa na ọ bụ ndị chọrọ itinye ọgbaaghara wepụtara ozi ahụ.

    O gara n’ihu kwuo na ụlọọrụ Inec na-erube isi nye iwu obodo kwuru na ha ga-ewepụta usoro ma kwuo ụbọchị a ga-eme ntuliaka otu afọ tupu oge ntuliaka ahụ eruo.

    Inec kwuru na ha ga-eme ka ọhanaeze mara maka usoro ntuliaka afọ 2027 ngwangwa ha wepụtara ya ma kwuo na ha ga-ebipụta ozi ahụ na websaịt nakwa soshal midia ha dị iche iche.

20. 4 Jenụwarị 2026Ụtụtụ ọma ndị be anyị

    Nnọ n'ọgbakọ BBC News Igbo taa bụ Sọnde mbụ n'ọnwa Jenụwarị, 2026.

    Ọ bụ obi aṅụrị ka anyị ji anabata gị dịka anyị na-ewetara gị akụkọ ndị ahụ gbara ọkpụrụkpụ si Naịjirịa, Afrịka nakwa mbaụwa niile taa.

    Sonyere anyi n'aka Soshal midia anyị niile maka akụkọ foto na vidio anyị ji bịa taa.