Asari Dokubo : Nnamdi Kanu zọọrọ okwu Biafra ka ọ bụ nke naanị Igbo

28 Julaị 2021

Asari Dokubo bụ onye ama dịka onye ndu otu ndị agha nnupuisi ndị Niger-Delta akatọọla onye ndu otu Ipob bụ Nnamdi Kanu maka etu o si achụ nnwereonwe biafra.

Dokubo, onye kpọrọ Nnamdị Kanu 'okpokoro isi', katọrọ ya maka ihe ọ kpọrọ ime okwu Biafra okwu ndị Igbo ma gụpụ ndị Ijaw.

Ọ sịrị na a chọwa achọwa na ọ bụ ala Ijaw bụ ebe 'Bight of Biafra' bụ ebe ya bụ aha 'Biafra' siri pụta, na ọ bụ ndị Ijaw bụ ha nwe Biafra n'ezie.

Dokubo, onye ndu otu 'Biafra de facto Customary Government' kwuru nke a na mkparịtaụka ya na ụlọntakụkọ Arise TV nwere ụbọchị Wenezde.

Asari bụ onye gbadoro ụkwụ n'akwụkwọ Isaac Boro dere ọ kpọrọ 12-Day Revolution', sịrị "Nnamdi bụ okpokoro isi. Ọ chọrọ ime okwu Biafra okwu ndị Igbo."

"Ijaw bụ Biafra. E kere Ijaw ụzọ abụọ; 'Bight of Benin' na 'Bight of Biafra.'"

Aha onyonyo, Nnamdi Kanu anaghị achụ maka nnwereonwe Biafra - Asari Dokubo

"Biafra bụ aha Ijaw. Ọ bụ Anyị bụ ndị nwe Biafra. Ebe a na-akpọ Biafra bụ ndị Ijaw na obere ndị Ibibio na ndị Ọrọn nwe ya."

"N'afọ 1967, ndị Eastern Ijaw nọbụ n'Mpagara Ọwụwa Anyanwụ ochie (old Eastern Region)."

Skip Akachasị Gụọ and continue reading

Akachasị Gụọ

End of Akachasị Gụọ

" Oge a kpọrọ Ọgbakọ 'Eastern Consultative Forum' n'Enugwu ebe Francis Opigo, nwoke Ijaw kporo oku ka e weghara aha Biafra dịka aha a ga- akpọ mba ọhụrụ"( a na-achọ ikewapụta na Naijiria), e were okwu ya."

Aha onyonyo, 'Asari Dokubo enweghị ike imegheri anyị anya n'inweta Biafra'- Ipob

"N'abalị 30 nke ọnwa Mee afọ 1967, a kwupụtara mpaghara Ọwụwa Anyanwụ ochie (old Eastern Region) aghọọla Biafra nke gụnyere Ọwụwa Anyanwụ Ijaw."

Ọ gara n'ihu kwuo na "Biafra enweghị ihe jịkọrọ ya na Igbo. Biafra bụ obodo niile dịbu n'ebe ndị ọchịchị Briten kewapụtaburu kpọ ha 'Eastern Region nke Naijiria.'"