Miscarriage signs : Ụzọ isii ịga-esi gboo nsogbu ime ọpụpụ

Akpanwa — Nkọwa foto, Mgbe ụfọdụ, dọkịta na-ekechi akpankwa adịghị ike iji gbochie ime ọpụpụ

- Onye dere ya, Uche Akolisa
- Ndị mere akụkọ a, BBC Igbo, Lagos
24 Julaị 2021

Chinyere Mgbajiaka dị afọ iri atọ dị ime ọnwa ise oge ime pụrụ ya.

Ọ gaala ọnwa ise ya bụ ọdachi dakwasara ya mana obi ka na-agbarụ ya dịka ọ na-ata onwe ya ụta.

Ọ gwara BBC Igbo sị, "Abalị abụọ tupu o mee, nnyụsịtaahụ ahụ nwaanyị na-amị amị nọ na-apụta m n'ahụ."

"Ọ bụrụ na m mara gaa ụlọọgwụ n'oge, a kara azọta ndụ nwa m."

Ime ọpụpụ, dịka dọkịta ahụike ụmụnwaanyị n'ụlọọgwụ 'Chukwuemeka Ojukwu Teaching Hospital Amaku , Awka, bụ Dkta Chidiebere Chukwuka sịrị kọwaa ya bụ, "afọ ime ịpụ tupu ịzụụka iri abụọ na asatọ (28 weeks) nwaanyị ji tụrụ ime."

Ime ọpụpụ bụ nsogbu na-emetụta ọtụtụ ụmụnwaanyị. Dịka WHO siri kwuo, ime na-apụ ụmụnwaanyị dị nde abụọ kwa afọ.

Ihe ndị na-akpata ime ọpụpụ

Ihe dị iche iche nwere ike ibutere nwaanyị ime ọpụpụ.

Dịka Dkta Chukwuka siri kọwaa, ihe na-akpata afọ ime ọpụpụ na-agbado ụkwụ n'ọnwa ole afọ ime dị.

Skip Akachasị Gụọ and continue reading

Akachasị Gụọ

End of Akachasị Gụọ

E nwere ihe na-ebute ime ịpụ n'ọnwa atọ mbụ nke Bekee kpọrọ 'first trimester' nakwa n'ọnwa atọ nke abụọ nke a kpọrọ 'second trimester'.

Afọ ime karịrị izuụka iri abụọ na asatọ abụghị ime ọpụpụ, a na-akpọ ya ịmụkwo nwa - 'preterm baby'.

Ihe ndị na-eme ka nwa pụọ nwaanyị dị ime

Lee ụfọdụ ihe ndị Dkta Chukwuka kwuru nwere ike ibute ime ịpụ nwaanyị n'ọnwa atọ mbụ:

Ihe Bekee kpọrọ 'chromosonal abnormalities'
"O nwere ike site na ọgwụ nwaanyị ṅụrụ na-amaghị na ọ dịla ime.
Ọrịa nwere ike ibute ime ọpụpụ. Nje virus na bacteria
Ọbụladị ịba nwere ike ibute ọpụpụ nwa
Akpụ afọ nke Bekee kpọrọ 'fibroid' nọ ebe adịghị mma nwere ike ịkpatara nwaanyị ime ọpụpụ
'Luteal phase dysfunction'
Nsogbu uhie (Sperm defect) -Ọ bụghị ha niile na-esi nwaanyị n'aka, ụfọdụ n'esi n'aka uhie(sperm) nwere nsogbu nke nwere ike ime ka nwa dị n'afọ ghara ịkpụ ọfụma
Ndị kemikal maọbụ ọkụ 'radiation' banyere ahụ n'ihu ọrụ. Ịma atụ, ndị na-arụ n'ụlọ nnyocha Bekee kpọrọ 'lab' maọbụ ebe a na-arụ uhie (paint).
Ọnụ akpa nwa esighị ike nke Bekee kpọrọ 'incompetence cervix'

Ihe nwere ike ịkpata "cervical incompetence"

Osinachi
Ite ime ụdị nke Bekee kpọrọ D&C (Dilation and curettage)
Ibepu obele anụ n'akpanwa maka nnyocha nke Bekee kpọrọ 'cervix cone biospsy'.
Akpanwa ịgbawa oge nwaanyị na-amụ nwa maọbụ nkwachi mgbawa akpanwa

Kedụ etu nwaanyị dị ime ga-esi ama n'ime na-achọ ipụ ya?

Oge nsogbu chọrọ ịda, Chinyere Mgbajiaka amaghị n'agwọ nọ n'akịrịka.

"N'abalị tupu o mee, arahụghị m ụra. Oke azụ mgbu jidere m."

A nwụchiela nwoke maka inyo otele ụmụnwaanyị 550

"Agwara m di m na nwa anaghị agagharịkwa, ahụ ụfụ ekweghị m rahụ ụra."

"Ọ dịkwa m ka nnukwu nsị ọ na-akpa, ya bụ n'ụzọ ụtụtụ m gara mposi, nnọrọ n'oche mposi sị na m ga-anọ ebe ahụ rue ma nsị ahụ apụta."

"O rughị nkeji 30, ihe dịka mmiri hupụtawa, ọ bụrụ akpa mmiri gbawara."

"Akpọrọ m di m, ọ kpọọ dọkịta, e buru m gbagawa ụlọgwụ n'ime nnukwu ụfụ dịka onye ime na-eme, ọbara na-agbakwa m."

"Dọkịta nyochara m ahụ were sị na nwa adaala, ha gbara m ọgwụ ka m ghara ịmata onwe m mana amatara m oge nwa ahụ pụrụ n'ahụ.

Nkọwa foto, Dkta Chidiebere Chukwuka sị na

"Ọ bụ n'izu ahụ ka anyị marata na ọ bụ nwa nwoke. Ha fichara m akpanwa."

E wezụga ihe ndị a, Mgbajiaka gabigara, Dkta Chukwuka kọwara na njirimara ndị ọzọ nwaanyị ime na-achọ ipụ gụnyere ;

Okpuru afọ gbuwe nwaanyị dị ime mgbu
Kpọmkpọm ọbara pụtawa nwaanyị n'ahụ maọbụ ọbara ihe dịka anụ so ya na-apụ nwaanyị n'ahụ
Mmiri nwa itiwa
Nwa na-emegharị n'afọ kwụsị imegharị
Ihu, aka na ụkwụ nwaanyị zawa etu ekwesịghị

Nsogbu ebighịrị Mgbajiaka ka e wepụchara ihe so nwa n'ụlọọgwụ.

"A sị m lawa n'ụlọọgwụ ka otu abalị gachara mana ọ bụ oge ahụ ka nke bụ nsogbu malitere."

"Mmiriara malitere gbawa m. Ara zaa m mana o nweghị nwa na-aṅụ ara."

"Ịrahụ ụra bụụrụ m nsogbu. N'abalị anaghị m arahụnwu ụra n'ihi egwu na m nwere ike idinagbu nwa m."

"Di m na-agabigakwa nke ya n'ihi na ọ hụrụ nwa anyị oge ọ pụtara.

"Ha nyere anyị ozu ya ka anyị ga lie ya. Anyị bunyere ndị mụrụ anyị ozu ahụ."

Ụzọ mgbapụ isii na nsogbu ime ọpụpụ

Aha onyonyo, Fertility Boosters: Ihe 5 nwaanyị kwesịrị ịme iji tụrụ afọ ime

Dkta Chukwuka kọwara na e nwere ike ịzọta ndụ nwa dị n'afọ dịka nke Mgbajiaka maọbụrụ na nwaanyị dị ime gbara ọsọ gaa ụlọọgwụ ma ọ hụ ihe ekwesịghị.

E nwere ike ikechi akpanwa nke a kpọrọ "emergency cerclage" ma nsogbu buru 'cervical incompetence'.
Ụfọdụ a na-enye ha ezumike elu akwa' bed rest'.
Ọ ka mma nwanyị igbochi ịtụrụ ime kama ite ime.
Ọ dị mkpa nwaanyị ịmata ahụ ya iji mata oge ọ dịrị ime iji gbalahụ ịṅụ ọgwụ maọbụ mee ihe nwere ike ime ka ime pụọ ya.
Nwaanyị kwesịrị ịma oge o ji ahụ nsọ ya ka ọ ga-abụ ọ dị ime, ọ ghara ịṅụ ọgwụ maọbụ itinye onwe ya ebe 'radiation' maọbụ kemikal ga-emebinwu afọ ime dị.
"Gaa ụlọọgwụ n'oge. Ekpere dị mma mana i nwee nsogbu gaa ụlọọgwụ kama ụlọ ekpere."