Anthony Obiagbaoso Enukeme 'Tonimas': Oke mmadụ efulahụla ndị Anambra - Gọvanọ Obiano
Ebe foto si, Anambra Broadcasting Service
Ọ kpọtụrụ akpọtụ n'akwamozu Anthony Obiagbaoso Enukeme bụ onye e ji 'Tonimas' mara dịka ndị nwere agba si ebe dị iche iche bịara Neni, dị n'Anambara steeti maka ịkwanyere ya ugwu ikpeazụ na nsonso a.
Anyịnya igwe nakwa ikpeozu oke ọnụ ahịa e ji buru ahụ Enukeme, onye nwe ọdọmmanu ụgbọala 'Tonimas' na mpaghara dị icheiche n'ala Igbo, ka bụ ihe ndị mmadụ ji adọrịta ụka na soshal midia.
Ebe foto si, ABS
Ọtụtụ ndi mmadụ gbara akaebe maka umeala, igba mbọ, inyere ndị ogbenye aka na ọrụ ọma ndị ọzọ ojiegoachuego ahụ biri n'Aba rụrụ oge ọ dị ndụ.
Ebe foto si, ABS
Aka na-achị Anambara steeti bụ Willie Obiano, akwaara arịrị ma ruo uju maka ọnwụ Anthony Enukeme.
Obiano gosiri mwute ya site n'ozi o zipuru site n'akara Facebook ya.
Ebe foto si, Facebook/Willie Obiano
O kwuru na ọnwụ Enukeme gbara ya ka akpị n'ihi na ọ bụ mmadụ udo ma bụrụkwa onye o ji ego achụ ego ma ihe ọ na-eme.
Obiano kọwakwara Enukeme dịka ide nke otu pati APGA.
Ọ gara n'ihu kwuo na ihe a ga-eji cheta ya bụ ihe ọma o meere obodo ya, ụka nakwa steeti Anambara.
Ebe foto si, ABSTV
Chi ji ụtụtụ jie mgbe akụkọ pụtara na Anthony Obiagboso Enukeme, onyeisi ụlọọrụ Tonimas Group nwụrụ n'ụbọchị Tuzde.
Akụkọ apụtabeghi maka ihe kpatara ọnwụ ya dịka ndị ezinaụla ekwubeghi ihe ọbụla.
Ihe ị kwesịrị ịma maka Anthony Obiagboso Enukeme (Tonimas)
- Anthony Obiagboso Enukeme bụ onye obodo Neni dị n'Anambra Steeti.
- Ọ bụ onye achụntaego na ngalaba mmanụ agbịdị a ma ama na Najirịa, ma bụrụ onyeisi ụlọọrụ Tonimas Group nke nwere ngalaba dị iche iche gụnyere Tonimas Oil, nke a mere e ji akpọ ya Tonimas.
- O nwere ụlọọrụ a na-esi mmadụ ụgbọala dị n'Aba nwekwaa ọdọ dị iche iche a na-ere mmanụ ụgbọala (Filling Station) na Naịjirịa.
- E chiri ya echichi dị iche iche nke gụnyere Onowu Neni pụtara 'onye aka nri nke Eze Neni.
- Ọ bụ onye otu Pati All Progressive Grand Alliance (APGA) nke o so n'otu n'ime ndị hiwere ya.
- Ndị maara ya sị na ọ bụ 'o mepuru onye ọ na-ara ahụ'. na ọ na-enyere ndị mmadụ aka nke ukwuu.
A sị na ọ rụọla ọtụtụ ụlọ gụnyere ụlọụka n'obodo ya bụ Neni dị n'Anambra Steetị.
Lee foto etu e si kwaa ma lie ya:
Ebe foto si, ABS
Ebe foto si, ABS
Akụkọ ndị ga-amasị gị:
- Mụta ihe na-ebute 'ọkọ Junction',mgbochi na ọgwụgwo ya
- Ihe nnyụsịta ọtụ nwaanyị na-ekwu maka ọmụmụ na 'ovulation' ya
- Ịta 'red meat' a dị gị mma n'ahụ? Lee ihe mere anyị ji ajụ
- Ihe mere e ji kwụsị Rev. Fada Oliver Ekene Nwosu ọrụ ụkọchukwu n'ụka Catholic
- Angela Nwosu sị ndị Pastor na-eyikwa 'waist beads'
