Maen nhw'n dweud bod coed derw mawr yn tyfu o fes bach, ac er nad oedd y fenter hon yn ymwneud â choed derw, roedd yn enghraifft dda o rywun â syniad, a bod rhywun arall wedi ychwanegu ato i'w wneud yn syniad hyn yn oed gwell.

I ddechrau, awgrymodd rhywun yng Nghyngor yr Eglwys ein bod yn plannu ychydig o goed yn y rhan o'r Fynwent nad yw'n Gael ei defnyddio, hyd yma, i'w wneud yn Ile mwy deniadol i bobl eistedd wrth ymweld â beddau.

Dywedodd rhywun arall 'Beth am ofyn i'r ysgol a hoffent gynnwys y plant?' Ymateb yr ysgol oedd 'Hoffem plis, bydd yn gweddu'n dda i'n prosiect ôl troed carbon'.

Yna cynigwyd y syniad y gallai rhai o'r coed fod yn goed ffrwythau y gallai'r ysgol eu defnyddio ar gyfer prosiectau yn y dyfodol.

Ac felly cychwynnodd syniad Berllan yr Eglwys.

Gwirfoddolodd nifer o aelodau a chyfeillion yr Eglwys i brynu coed, mae Sefydliad y Merched wedi prynu un arall, a phrynwyd y gweddill gan ddefnyddio arian yr Eglwys.

Ar ddyd Gwener 23ain Ebrill, cychwynnodd disgyblion o flwyddyn 4 a 5 yn Ysgol Pennant, Penybontfawr ynghyd â'u Pennaett Mrs Annwen Watkins waith gyda rhawiau a chaniau dyfrio a chyfarfod ag aelodau'r Eglwys a Sefydliad y Merched (ac un gŵr â chaib - defnyddiol iawn) i blannu 2 bren afal 'Bramley' ac afal bwyta 'Ynys Enlli', pren gellyg `Conference', pren Eirin Du, pren afal sur bach, a Chriafolen.

Rydym yn gobeithio y byddant i gyd yn dwyn ffrwyth ymhen 18 mis, ynghyd a draenen binc, a bedwen a phren ceirios sy'n blodeuo fel coed addurniadol.

Roedd yn waith anodd oherwydd nid oedd y pridd wedi cael ei aflonyddu ers Ilawer o flynyddoedd ond cymerodd bawl rhan a mwynhau eu hunain.

Mae Ysgrifennydd yr Eglwys wedi gwneud plant i nodi'r digwyddiad a'r cwbl y mae angen i ni wneud nawr yw aros i natur wneud y gweddill.

Diolch yn fawr i Deborah sydd â stondin farchnad yn Llanfyllin ac aelod o staff benywaidd yng Nghanolfar Arddio'r Dderwen, mae'r ddau ohonynt wedi bod yn gynorthwyol a brwdfrydig iawn o ran y prosiect ac rydym yn edrych ymlaen at Wanwyn flwyddyn nesaf pan ddylai'r coed fod yn eu blodau gan greu ardal atyniadol.