Daeth y Prif Weinidog, Mr Rhodri Morgan, i agor yr ysgol yn swyddogol. Braf oedd gweld nifer fawr o ymwelwyr ynghyd a chynghorwyr o'r Sir. Croesawyd Mr Morgan y tu allan i'r brif fynedfa gan y grwp dawnsio gwerin dan ddeg oed. Cafodd gyfle i fynd o amgylch y dosbarthiadau yng nghwmni Mrs Wendy Jones a Mrs Sarah Lewis, cadeirydd y Ilywodraethwyr. Bu'n gwrando ar blant yn chwarae offerynnau yn yr ystafell gerdd ac ar y merched yn chwarae'r Delyn i'r ymwelwyr yn y neuadd. Bu'n gwylio'r plant hynaf yn yr ystafell gyfrifraduron ac yn sgwrsio am y gwaith 'rydym yn ei wneud fel ysgol Eco. Uchafbwynt y diwrnod oedd dadorchuddio'r llechen yn y neuadd gan y Prif Weinidog a chafodd pawb eu swyno gan ganu plant yr ysgol a'r parti unsain. L
Cafwyd gair o ddiolch gan Mrs Sarah Lewis cyn i - bawb ymadael ar ôl diwrnod i'w gofio.
 | 
