Os yw dwy bererindod i Dŷ Ddewi yn gyfystyr ag un bererindod i Rufain, yna'n sicr mae pererinion Gweinidogaeth Bro Dyffrynnoedd Tanat, Cain, Efyrnwy a Llanarmon wedi teithio digon i fod yn gyfystyr a phererindod i Jerwsalem sawl gwaith drosodd os cyfrir yr holl bererindodau dros y blynyddoedd diwethaf. Sir y Fflint a'r Wyddgrug oedd y gyrchfan eleni a chafwyd taith lwyddiannus iawn yng nghwmni Dr Aled Lloyd Davies. Teithiwyd o amgylch tref Yr Wyddgrug ac o amgylch Sir y Fflint gan ymweld a nifer o lefydd o ddiddordeb hanesyddol a chrefyddol, ac roedd ein Gweinidog y Parch Gwyndaf Richards wedi'n paratoi'n dda wrth gynhyrchu taflen o wybodaeth gynhwysfawr, ac ar ben hyn i gyd roedd y stor o wybodaeth a ddaeth allan o enau Aled a hynny'n rhyfeddol a gwych iawn. Cyn cychwyn ar ein taith o amgylch tref Yr Wyddgrug ymunwyd mewn oedfa Sul y Tadau yng Nghapel Bethesda yng ngofal y Parch Huw Lloyd Powell-Davies, ac yn dilyn mwynhawyd cwmni'r aelodau yn y Festri lle cafwyd croeso mawr a phaned o de gyda'n brechdanau.
Ar ddiwedd y prynhawn mwynhawyd pryd o fwyd ardderchog yn y Springfield Pentre Helygain. Talwyd y diolchiadau ar y bws gan Thomas Morris, yn arbennig i Dr Aled Lloyd Davies, Parch Gwyndaf Richards, Peter Williams a Robin Hughes oedd wedi gwneud y
Paratoadau, ac yn olaf ond lleiaf i Geraint y gyrrwr bws hynod ofalus a medrus
 | 
