Afurasí 4,000 la fi ṣìkùn òfin mú láàrín ọṣù márùn ún- Adetunji Adeleye adarí Amotekun Ondo
Oríṣun àwòrán, @Amotekun
Amotekun mú afurasí 4,000 lórí onírúrú ẹ̀sùn l'Ondo
Ikọ alabo Amotekun ipinlẹ Ondo ti ni o kere tan, awọn ti fi ṣikun ofin mu nnkan bii ẹgbẹrun mẹrin awọn afurasi laarin oṣu Kinni si oṣu Karun un ọdun 2022 lori oniruru iwa ọdaran.
O ni awọn fi panpẹ ofin mu awọn eeyan ọhun lori oniruru awọn ẹsun bii ijinigbe, idigunjale, nini ohun ija oloro lai gba aṣẹ lọwọ ijọba, atawọn ẹsun mii.
Adeleye ṣalaye pe iwa ọdaran ti dinku si pẹlu ida aadọrin l'Ondo nitori akitiyan ikọ Amotekun lati ti ọwọ iwa ọdaran bọlẹ.
- Ta ni Anamekwe Nwabuoku tí ìjọba yàn láti delé sí ipò olùṣirò owó àgbà ní Nàìjíríà (AGF)?
- Ẹgbé òṣèlú PDP kédé èsÌ ètò ìdìbò abẹ́lé tó wáyé ni ìpínlè Ọ̀yọ́
- Wo ohun tó yẹ kóò mọ̀ nípa aàrùn 'Monkeypox' tó gbòde kàn ní àgbáyé
- Kò sí ààyè fawọn ọdaràn tó ń ṣiṣẹ́ ibi mọ́ ní ìpínlẹ̀ Anambra- Gómìnà Soludo
- Ẹgbé òsèlú méje darapọ̀ mọ́ ẹgbé òṣèlú Labour Party fún Ètò ìdìbò Ààrẹ
- Wo nkan tó yẹ kí o mọ̀ nípa 'BBC Yoruba Ekiti Governorship Debate' tí yóò wáyé lọ̀sẹ̀ yìí
- Àwọn ọmọ bíbí Arewa ní àwọn ọlọ́kada láti orílẹ̀-èdè míràn ló ń dáràn nípínlẹ̀ Eko
- A kò ní sinmi títí tí àlááfíà yóò fi padà sí Naìjíríà- Buhari
- Àwọn Jàǹdùkú kọlù alága àjọ tó ń ṣètò eré ìdárayá ní ìpínlẹ̀ Oyo
Nibe ni Adeleye ti salaye pe: "Laarin oṣu Kinni si oṣu Karun un ọdun 2022, a ti fi ṣikun ofin mu nnkan bii ẹgbẹrun mẹrin afurasi, awọn kan ninu wọn ti wa lọgba ẹwọn, nigba ti iwadii ṣi n lọ lọwọ lori awọn mii."
"Laarin oṣu marun un to kẹyin ọdun to kọja, ati oṣu marun un to bẹrẹ ọdun yii, awọn ti a fi ṣikun ofin dinku si."
"Lọdun to kọja, awọn ti a mu lori ẹsun pe wọn tapa si ofin ma fi ẹranjẹko laarin igboro to ẹgbẹrun mẹrin, amọ lọdun yii, awọn ti a ti mu lori ẹsun kan naa ko tii ju ẹgbẹrun kan."
Ona wo ni awọn ajinigbe n gba ṣiṣẹ bi Adeleye ṣe ṣalaye?
Adeleye sọ siwaju si pe ṣaaju akoko yii, ni ṣe ni awọn ajinigbe maa n ṣọṣẹ bo ṣe wu wọn amọ ikọ Amotekun ti ti ọwọ wọn bọ aṣọ.
Gẹgẹ bii ohun to sọ, aṣeyọri naa kii ṣe igbiyanju Amotekun nikan, amọ awọn ṣe aṣeyọri naa pẹlu ifọwọsowọpọ ajọ NSCDC, DSS ati ileeṣẹ ọmọ ogun.
A ko ni da si eto oṣelu tabi idibo
Adari ikọ Amotekun ọhun tun sọ pe awọn oṣiṣẹ ikọ naa ko ni lọwọ ninu eto idibo Aarẹ ọdun to n bọ.
O ni "Ti ijọba ipinlẹ Ondo ko ba lo ikọ Amotekun fun idibo tirẹ, o yẹ ki ẹ mọ pe a ko ni fi sẹgbẹ kan to ba di akoko eto idibo gbogbogbo ọdun to n bọ.
"Ohun to kan wa ninu eto idibo naa ni pe ki awọn araalu ma ṣe tẹ ofin loju mọlẹ lasiko eto idibo naa, awa yoo si ṣe iṣẹ wa bo ṣe tọ ati bo ṣe yẹ."
Lẹyin naa lo rọ awọn araalu lati tete bun awọn gbọ ti wọn ba kofiri iwa ọdaran kankan lagbegbe wọn.
