EFCC N80bn Ahmed Idris: Òhun táa mọ̀ rèé nípa ìròyìn oluṣirò owó àgbà tí EFCC ń wọ́ ìdí ẹ̀
Oríṣun àwòrán, Google
Ajọ to n gbogun ti iwa ajẹbanu lorileede Naijiria EFCC ti kede pe awọn ti mu oluṣiro owo agba ilẹ naa Ahmed Idris lori ẹsun pe o ṣe owo ọba kumọkumọ.
Iye owo ti wọn ni o lu ni ponpo gẹgẹ bi atẹjade ti wọn fi sita loju opo wọn jẹ ọgọrin biliọnu Naira.
Lọjọ Aje tii ṣe ọjọ Kẹrindinlogun oṣu Karun ni wọn lawọn mu pe ki o wa sọ tẹnu rẹ nipa ibi ti wọn dari owo yi si.
- Wo àwọn èèkàn ìjọba márùn ùn tí wọ́n fẹ̀sùn àjẹbánu kàn lábẹ́ ààrẹ Buhari
- EFCC gba ọ̀pọ̀ owó àti dúkìá, ó tún fọwọ́ òfin mú afurasí 865 lọ́dún 2020
- Ṣé lóòtọ́ ni EFCC gbé Cubana Chief Priest?
- Adájọ́ pàṣẹ kí wọ́n ó gbé Abba Kyari lọ sí ọgbà ẹ̀wọ̀n Kuje ní Abuja
- Adájọ́ fi ọ̀sẹ̀ méjì kún àkòkò tí Abba Kyari yóò lò ní àhámọ́ NDLEA
Atẹjade naa tẹsiwaju pe awọn ni ẹri to daju pe arakunrin Ahmed ṣe makaruru owo yi nipa didari owo iṣẹ agbase ati awọn owo miran gba akoto owo awọn ileeṣẹ ayederu.
Bẹẹ wọn sọ pe o lo awọn ọrẹ,mọlẹbi ati alabaṣe miran lati dari owo yi sibo mii.
Lara ọna ti ajọ naa sọ pe o gba ko owo yi pamọ ni rira awọn ile ni ilu Abuja ati Kaduna.
- Ìdajì ilé mi ni mo tà láti rán ọmọ mi nílé ẹ̀kọ́ àmọ́ wọ́n gbẹ̀mì rẹ̀ láìtọ́jọ́ - Bàbá Deborah Samuel
- Osun 2022: Kò sí ìjà mọ́, Adeleke àti Babayemi ṣetán láti jọ ṣiṣẹ́ papọ̀
- A ò sọ pé ọmọ orílẹ̀ èdè Niger ni àwọn afurasí ta mú ní Sokoto - Iléeṣẹ́ Ọlọ́pàá
- Yorùbá ẹ fúnra, àwọn tó ṣekú pa Deborah fẹ́ dá ògún sílẹ̀ ni, wọn kò gbọdọ̀ lọ láì jìyà -Gani Adams
Ninu atẹjade naa EFCC salaye pe awọn ni lati mu ọgbẹni Ahmed nitori o kọ lọpọ igba lati yọju sawọn lẹyin ti awọn fi iwe ipe ranṣẹ si.
Labẹ ijọba aarẹ a ko fẹ ẹ ri oṣiṣẹ ijọba ti wọn fẹsun owo to to iye yi kan lẹnu lọọlọ yi.
Ajọ naa ko ṣalaye igba ti wọn yoo gbe arakunrin Ahmed lọ si ile ẹjọ
Bawo ni ipo oluṣiro owo agba ṣe pataki labẹ ijọba?
Ẹni to di ipo oluṣiro owo agba orileede Naijriia mu labẹ ofin ni aarẹ gbe aṣẹ le lọwọ lati maa ṣọ akoto owo orileede Naijiria.
Ọdun mẹrin ni iru eeyan bẹ a maa fi di ipo yi mu to si jẹ pe o gbọdo maa ṣe isiro gbogbo owo ti ijọba ba na sita ati eleyi to ba wọle fun ijọba.
Oṣu Kẹfa ọdun 2015 ni aarẹ Buhari yan Ahmed Idris si ipo oluṣiro owo agba orileede naa.
Ṣaaju iyansipo rẹ, Idris jẹ ọga agba ni ileeṣẹ to n risi ọrọ idagbasoke irin ati iwakusa.
Ọmọ bibi ilu Kano ni Ahmed Idris jẹ ti wọn si bi ni ọdun 1960.
Aarẹ Buhari tun fontẹ lu ko ṣe saa keji lọdun 2019 eleyi to ṣe pe ẹẹkan naa ni anfaani yi wa fun ẹni ba di ipo yi mu.
