2021 Year end: Sunday Igboho Yoruba Nation, Ikú TB Joshua, Oniduro Mi, fídíò ìbálòpọ̀ Tiwa Savage àti ìgbẹ́jọ́ Nnamdi Kanu

Manigbagbe ọdun ni 2021 jẹ fun ọpọ kaakiri agbaye ṣugbọn ni Naijiria ara ọtọ ni ọdun yi jẹ.

Ni ibẹrẹ ọdun ni ọpọ n ṣadura pe ki wahala ati iporuru ọkan to ba 2020 wa ma ṣe tẹsiwaju ni 2021.

Ni bayi ti ọdun 2021 ti wa n de opin lọ diẹdiẹ, a ni ka gbiyanju lati ṣe agbeyẹwo awọn iṣẹlẹ manigbagbe to waye ni Naijiria lapapọ ati ilẹ Kaarọ jiire ni pato.

Apa kini ree ninu awọn iṣẹlẹ manigbagbe taa n ko jọ. Ẹ tẹti lekolati maa fi ọkan ba wa lọ lori eyi to ku.

Iku mu TB Joshua lọ

Ikede iku gbajugbaja oniwaasu yi da bi ala fun ọpọ awọn ọmọlẹyin rẹ.

Oludasilẹ ati wolii agba Synagogue Church of All Nations (SCOAN), Temitope Balogun Joshua jẹ ọkan lara awọn oniwaasu Naijiria to lokiki.

Lọjọ karun un oṣu kẹfa ni ile ijọsin rẹ kede iku rẹ loju opo ayelujara ni bo ṣe ku ọjọ diẹ ko ṣe ọjọ ibi rẹ.

Kaakiri agbaye ni iranṣẹ ibanikẹdun ti wa lẹyin to jade laye lẹni ọdun mẹtadinlaadọrin

Wo àwọn òjíṣẹ́ Ọlọrun jàǹkàn ní Naijiria tí kò yọjú síbi ayẹyẹ ètò ìsìnkú TB Joshua

"Ìpè iṣẹ́ ìránṣẹ́ TB Joshua ló mú mi bí ọmọ mi wẹ́rẹ́ lẹ́yìn ikú rẹ̀"

Ijọba Naijiria fofin de lilo Twitter

Loṣu Kẹfa ọdun 2021 ni ijọba Naijiria sọ pe o to gẹ. Awọn ti gbegi dina oju opo ibaraẹnisọrọ Twitter.

Minisista feto aṣa ati iroyin Lai Mohammed lo kede igbegidina Twitter ninu atẹjade kan nilu Abuja.

Mohammed sọ pe awọn gbe igbesẹ yi nitori pe igbesẹ ileeṣ naa n tapa si igbe aye orileede Naijiria

Titi di baa ṣe n sọrọ yi, agadagodo ṣi wa lẹnu Twitter, ko ribi fọhun ni Naijiria.

Yoruba Nation di orin apilẹkọ nilẹ kaarọ o jiire

Sunday Igboho Igboho ooṣa baba Dami di ilumọọka ni Naijiria lọdun 2021.

Kaakiri ilẹ Yoruba ni ipolongo rẹ lori idande ẹya Yoruba ti gbalẹ bi oṣumare.

Ọrọ yi kan ara ile o kan ara oko titi de bi pe awọn ajọ ọtẹlmuyẹ Naijiria DSS ṣe ikọlu si ile rẹ.

Àwa ọmọ ìlú Igboho kò gbàbọ̀dè fún Sheikh Gumi o, gbọin-gbọin ni à wà lẹ́yìn Sunday Igboho

"Ẹ̀yìn ọba Yorùbá, ẹ dìde láti gbe Sunday Igboho níjà kó le jàré nílẹ̀ Benin"

Kí ló dé tí DSS kó bàńtẹ́ òògùn, ba ilé Sunday Igboho jẹ́ lái fara pa?

Abalọ ababọ, ijọba Naijiria lawọn gbegi dina akoto owo Igboho ti Sunday Igboho si sa kuro nilu l si Benin Republic.

Cotonou ni ọwọ awọn agbofinro ilẹ naa ti tẹ Igboho ti wọn si ti i mọle pe o tapa si ofin ilẹ naa.

Ni ilẹ oni to mọ yi, Sunday Igboho ṣi wa ni ahamọ ni Benin Republic ti ọpọ si n kesi ijọba ilẹ naa lati tu silẹ

Ba ṣe n wi ti Igboho nilẹ Yoruba ni awọn eeyan ẹya Igbo naa n ke pe ki ijọba tu ajijagbara ti wọn naa Nnamdi Kanu silẹ.

Lẹyin nkan bi ọdun meji ti ijọba Naijiria lawọn ti n wa Kanu ni wọn ṣadede kede pe ọwọ awọn ti tẹ.

Minisista feto idajọ Abubakar Malami lo fi ikede yi sita pe awọn pawọpọ pẹlu agbofinro mii lagbaye lati le mu Kanu ni.

Wọn da Kanu pada si Naijiria to si ti n jẹjọ lori sun igbesunmọmi ti ijọba fi kan an.

Ile alaja pupọ to da wo ni Ikoyi

Lọjọ Kini oṣu Kọkanla ọdun 2021 ni iroyin kan pe ile alaja mọkanlelogun kan da wo lagbegbe Gerard ni Ikoyi da wo.

Ile naa ti wọn si n kọ lọwọ da wo lulẹ nigba tawọn eeyan kan to fi mọ ẹni to ni ile naa ha si abẹ rẹ.

Kókó méjìlá nípa ìgbé ayé Femi Osibona

"Pásítọ̀ onímọ̀ ẹ̀rọ kan àti lébìrà 18 tó kó wá láti Ibafo sì wà lábẹ́ ilé Ikoyi "

Iṣẹl yi fọwọ kan ọpọ eeyan lẹmi ti ijọba si gbe igbimọ kal lati wadii ohun to ṣokunfa ti ile yi fi wo.

Ọpọ eeyan lo padanu ẹmi wọn ninu iṣẹlẹ naa ti o si mu iriwisi ọtọọtọ wa lati ọdọ awọn eeyan Naijiria ati awọn mii lagbaye.

Fọnran fidio ibalopọ Tiwa Savage to lu sita

Ọrọ naa dabi ere ṣugbọn nigba ti fọnran fidio naa yoo fi lu sita, awọn eeyan mọ pe lootọ ni.

Gbajugbaja akọrin takasufe Tiwa Savage ni eeyan kan n dunkoko mọ pe oun yoo lu fidio ibalopọ rẹ sita ti ko ba fun oun lowo.

Tiwa ni ko ṣe oun to ba wu afi bi ẹni naa si ṣe fi fidio ibalopọ Tiwa ati ọrẹkunrin rẹ sita.

Ọrọ yi da awuyewuye silẹ ti awọn kan si ni o da bi ko ṣe san owo fun ẹni naa.

Awọn to n ba Tiwa da owo pọ kan taa mọ si sponsors yọwọ kuro ninu ibaṣepọ pẹlu akọrin yi nitori fọnran fidio naa.

Fídíò ìbálòpọ̀ tó lu jáde nípa olórin Tiwa Savage, èsì ọlọ́rọ̀ gangan rèé

Igbẹjọ Baba Ijesha ati Princess lori ẹsun ifipabọmọde lo pọ

O loju igbẹjọ to mu iriwisi wa bi ti eleyi to ni ṣe pẹlu ẹsun ti wọn fi kan oṣere tiata Yoruba nii Baba Ijesha.

Laarin igba ti wọn fi bẹrẹ ẹjọ yi, ko fẹẹ si nkan tawọn eeyan ko sọ tan lori ẹjọ yi.

Bẹrẹ lati ọrọ lori beeli titi dori agbẹjọro ti Ijesha gbe wa si ile ẹjọ to fi mọ awọn oṣere to gbaruku ti Ijesha ati awn to gbe lẹyin Princess, ẹjọ yi mu awuyewuye wa to pọ.

Titi di baa ṣe n sọr yi wọn ko ti yanju ọrọ naa.

Ẹkunrẹrẹ bo ṣe n lọ wa loju opo wa.

Ṣé lóòtọ́ọ́ ni Baba Ijesha ti jáde ní àhámọ́ ọlọ́pàá?

Wọ́n lù mí bíi ẹní máa kú, wọ́n ya aṣọ mọ́ mi lọ́rùn nílé Princess kí n tó dé àgọ́ ọlọ́pàá - Baba Ijesha

Ẹ̀sùn gbígbìyànjú láti wọ́lé sí ojú ara ọmọdé pẹ̀lú ìpá àtàwọn ẹ̀sùn mìí tí Baba Ijesha yóò jẹ́ rèé

Àwọn ọlọ́pàá máa ń yọ Baba Ijesha jáde látimọ́lé lálaalẹ́ - Princess

Orí yọ ẹ́ o Baba Ijesha tí mi ò rí fídíò èpè tí wọ́n ní ò ń ṣẹ́, ǹkan tí mi ò bá ṣe fún ẹ... - Iyabo Ojo

Ẹgbẹ́ òṣèré tíátà TAMPAN sọ̀rọ̀ sókè lórí ẹ̀ṣùn bíbá ọmọdé lòpọ̀ tí wọn fi kan Baba Ijesha

Adeyinka Alaseyori di ilumọọka tori itasi (Oniduro Mi)

Gbajugbaja olorin ẹmi ni a n pe Adeyinka Alaseyori bayii tori ni ibẹrẹ ọdun yii, oun funra rẹ lee fọwọ sọya pe "ko sẹni to mọ mi" amọ ni ipari ọdun yii ko lee ka ore ati iyi to ti ri gba.

Bi ẹ ko ba gbagbe, ni oṣu melo kan sẹyin ni agba olorin ẹmi ti agbaye mọ, Tope Alabi sọ jade ni ibi kan to ti n kọrin pe ko yẹ ki ẹni to kọ orin Oniduro mi pe Ọlọrun Ọba ni Oniduro tori o ti foju kere Ọlọrun ju.

Afi bi igba ti ina ran ni ọrọ yii ṣe bẹrẹ si ni ran lori ayelujara Naijiria to fi ta ka de agbaye leyi ti awọn eeyan gbe e sori gidi gan ti wọn n sọ oniruuru ero wọn ati fifi ọrọ ranṣẹ si awọn mejeji ti ọrọ kan.

BBC Yoruba tan ina wa kulẹ kulẹ ọrọ yii, loju ọna hun gan la tun ti ri i pe ẹni ti Ọlọrun fun ni orin "Oniduro Mi" ọhun gan yatọ amọ oju ẹni to kọ ọ jade ti aye fi mọ ọ ni awọn eeyan bẹrẹ si ni gbe gẹẹ gẹ a si ṣe ifọrwanilẹnuwo pẹlu arabinrin naa.

Tope Alabi fẹ́ tọ́ Olórin "Oniduro mi e ṣe" sọ́nà, bí ọ̀rọ̀ ṣe laná nìyìí

Alaseyori kọ́ ló ni orin "Oniduro Mi", àmọ́ ìdí tí mi ò ṣe bá a jà pé ó jí orin mi kọ nìyìí - Tolu Adelegan

Ẹ jọ̀wọ́ ẹ jẹ́ kí àláfíà jọba lórí orin "Oniduro Mi", ìyá ni Tope Alabi jẹ́ sí mi - Adeyinka Alaṣeyori

Kí ló ṣẹlẹ̀ láàrin Yinka Alaseyori àti Sola Allyson tí Alaseyori ń bẹ̀bẹ̀?

Bo tilẹ jẹ pe ọrọ ti di ọrọ iya ati ọmọ ninu orin ẹmi bayii tori Adeyinka Alaseyori ti ni iya oun ni Tope Alabi torinaa ko si ọrọ ija kankan mọ laarin awọn to ti pa awọn eeyan lẹnu mọ yala wọn wa lẹyin Tope ni tabi Alaṣeyori.

Amọ ipa ti iṣẹlẹ yii ti ko laye Alaseyori ko ṣee ko kuro mọ tori di asiko ti a n sọrọ yii, oniruuru ẹbun lo ti gba tori ipo nla to di mu lọkan awọn eeyan lagbaye bayii tori ohun orin ti Ọlrun fi ta a lọrẹ ti aye baa pariwo. Ẹbun ọkọ, oniruuru ẹbun, kikọ orin fun awọn eeyan nla nla koda, irinajo lọ si oke okun pẹlu ọkọ ati ọmọ rẹ lati lọ kọrin wa ninu awọn ore ti iṣẹlẹ ọhun ti ko rọ ọ lara ti ko si ṣee ko kuro mọ.

Nibi ni a o fi adagba rọ si lori awọn iṣẹlẹ manigbagbe lọdun 2021.

Ẹ ma gbagbe pe oku nibọn n ro.

A o maa tẹsiwaju pẹlu awọn iṣẹlẹ mii loju opo wa.

Ẹmi wa yoo rẹyin ọdun!