Sunday Igboho: Agbekoya ní wàhálà yóò ṣẹlẹ̀ tí Buhari bá mú Igboho, Gani Adams àti Akitoye

Sunday Igboho

Oríṣun àwòrán, Screenshot

Ẹgbẹ ajijagbara nilẹ Yoruba, Agbekoya, ti bu ẹnu atẹ lu ikọlu tawọn ajọ ọtẹlẹmuyẹ DSS ṣe si ile ajafẹtọ ati ajijagbara, Sunday Igboho lagbegbe Soka niluu Ibadan.

Ẹgbẹ Agbekoya wa rọ ijọba apapọ lati semẹdọ lori igbesẹ rẹ lati fi ọwọ ofin mu Igboho at'awọn mii nitori wọn n pe fun iyapapa ẹya Yoruba lara orilẹede Naijiria.

Ẹgbẹ naa ṣe ikilọ yii ninu atẹjade kan to fi sita eleyii ti Jagunmolu Agbekoya ilẹ Yoruba, Kunle Adelakun ti ọpọ mọ si Eruobodo, buwọlu.

Àwọn iròyin tì ẹ leè ní ìfẹ̀ síí:

Ẹgbẹ Agbekoya ni ohun ti wọn n ja fun wa ni ibamu pẹlu ofin, ati pe ajọ iṣọkan agbaaye, UN gan an fọwọ sii.

"Ijọba gbọdọ tun ero rẹ pa lori igbesẹ lati mu Igboho, Ọjọgbọn Banji Akintoye, Aarẹ Gani Adams ati awọn ti wọn n ja fun Yoruba Nation.

Àkọlé fídíò, 'Oko ni mo wà lọ́nà "Express" Ilesha tí àwọn agbébọn yìnbọn bá ẹnu mi tí mò fi dà báyìí'

Bi bẹẹ kọọ, rogbodiyan ni ọmọ ti iru igbesẹ bayii maa n bi.

Agbekoya kii gbe ibọn, a o si ni ìbọn AK-47 pẹlu tori a ko ni igbagbọ ninu rẹ.

Ọgbọn ati imọ ti Eledumare fún wa ni agbara wa.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Amọran wà fún Aarẹ Muhammadu Buhari ni pe ki o fi ọgbọn yanju ọrọ to wa nilẹ yii.

Nkan ko tii buru to bayii ri ninu itan Naijiria lati ọdun 1914 ti awọn oyinbo ti da wa pọ.

Awọn araalu lẹtọọ lati sọ ẹdun ọkan wọn tàbí ohun ti wọn n fẹ labẹ ijọba awaarawa.

Àkọlé fídíò, Ṣé ẹ ti gbọ́ nípa òkú gbígbẹ́ tí wọ́n ṣì bá oyún nínú rẹ̀?

Sí ẹyin olori ẹya Yoruba lagbo oṣelu bíi Asiwaju Bola Tinubu, Oloye Bisi Akande, Ajagun fẹhinti Alani Akinrinade, Oloye Olusegun Obasanjo ati Igbakeji Aarẹ Yemi Osinbajo, ẹ tun ero yin pa.

Awa ẹgbẹ Agbekoya ko ni ṣalai duro gbọingbọin lẹyin araalu.

Yoruba gbọdọ fi imọ ṣọkan, ati pe ko si ohun to buru ninu ki eeyan maa pe fún idasilẹ Yoruba Nation," Agbekoya ṣalaye.