Bethel Baptist School Kaduna Kidnap: Agbébọn tún jí àwọn ọmọ ilé ẹ̀kọ́ Baptist kan gbé

Iroyin ti jade pe awọn agbebọn kan ti yabo ile ẹkọ Bethel Baptist School to jẹ ile ẹkọ aladani kan ti ijọ Onitẹbọmi ni Kaduna ti wọn si ji awọn akẹkọọ aimọye gbe.

Alaga ẹgbẹ awọn ẹlẹsin Kristẹni lorilẹede Naijiria ẹka ti ipinlẹ Kaduna, Alufa Joseph Hayap sọ fun BBC pe iye awọn ọmọ to wa ni ile ẹkọ naa to ọgọsan ṣugbọn pe iye awọn ti wọn lee ri ka bayii jẹ ogun pere.

Ileewe ọhun ni iroyin ni o wa lagbegbe Maraban Rido ni ijọba ibilẹ Chikun nipinlẹ Kaduna.

Iroyin sọ pe awọn agbebọn dede ya wọ inu ile ẹkọ naa to wa lopoponaa Kaduna si Kachia lowurọ ọjọ Aje ti wọn si bẹrẹ si ni yinbọn sinu afẹfẹ ki wọn to ji awọn akẹkọọ naa gbe.

Àwọn ọmọ ìkókó níléèwòsàn kàgbákò agbébọn! Wọ́n jí wọn gbé pẹ̀lú nọ́ọ̀sì

Digbí ni ojú irin Kaduna- Abuja wà - Ọlọ́pàá Kaduna

Wo bí àwọn olùwọ́de ṣe dí òpópónà Abuja sí kaduna gbágbá lórí ìṣẹ̀lẹ̀ ìjínigbé

Àwọn jàndùkú agbébọn pa èèyàn mẹ́jọ, wọ́n tún jí ọ̀pọ̀ gbé lọ ní Kaduna

Mo ti yọ'wọ́ lọ́rọ̀ òṣèlú Nàìjíríà, tẹ́ẹ bá ń gbọ́ pé Obasanjo dá ẹgbẹ́ òṣèlú sílẹ̀, "ẹyẹẹ̀ mi kọ́"!

A gbọ pe awọn kan lara wọn ribi sa mọ wọn lọwọ ti wọn si ko awọn toku lọ si ibi ti nikẹni ko mọ.

Alufa Joseph ni ko tii ye boya awọn aadọjọ to ku ni wọn jigbe tabi awọn kan salọ mọ awọn ajinigbe lọwọ.

Titi di asiko ti a n ko iroyin yii jọ, awọn Ọlọpaa ko tii sọ ohunkohun.

Ẹ fi Sunday Ìgbòho sílẹ, ǹkan tí ìjọba Nàìjíríà bàjẹ́ ló ń gbìyànjú àti túnṣé; Ìjọba àpapọ̀ ní láti tọrọ àforíjì lọ́wọ́ rẹ̀ - Wole Soyinka

Ìjọba ìpínlẹ̀ Èkó yóò ṣe ìwádìí òhun tó ṣ'okùnfà ikú Jumoke tí ọtá ìbọn bá ní Ojota

Iṣẹlẹ yii n waye lẹyin wakati melo kan ti awọn ajinigbe ṣẹṣẹ ji awọn ọmọ ikoko, nọọsi atawọn oṣiṣẹ alaabo gbe ni ileegbe họsibitu ti wọn ti n wo ikọ fée ati arọ san niluu Zaria nipinlẹ Kaduna kan naa.

Jijinigbe pawo ti wa di ohun to wọpọ kaakiri orilẹede Naijiria paapaa pẹlu bi wọn ṣe n doju le awọn ile ẹkọ.

A o maa mu ẹkunrẹrẹ iroyin yii wa fun un yin bo ba ṣe n lọ.