Toyin Abraham: Àwọn èèyàn tó ń rí jẹ ní ìdí mọ̀dàrú ló ń bu pẹtiró sí ìjà tó wà nílẹ̀

Gbajugbaja osere tiata nni, Toyin Abraham ti tun sọrọ soke lẹyin aawọ to waye laarin rẹ ati osere Tiata miran, Lizzy Anjorin.

Bẹẹ ba gbagbe, gbajumọ sọrọsọrọ lori ayelujara, Tokunbo Aboderin, ti ọpọ eeyan mọ si ESABOD lo ba wọn pari ija naa lọjọ Isẹgun.

Amọ ni irọlẹ Ọjọbọ ni Toyin tun n wi lele pe, oun ko lọwọ tabi mọ ohunkohun nipa bi ẹnikẹni to ba ni oun n gbeja oun, se n bu ẹnikẹni.

Toyin ni ki wọn mase di ẹbi kankan ru oun ti ẹni to n gbeja oun ba n sepe tabi se ẹẹkẹ eebu.

"Mo ri awọn fidio kan lori ayelujara ninu eyi ti awọn eeyan kan ti wọn ni awọn n gbeja mi ti n sẹ epe fawọn eeyan miran.

Bakan naa, ni wọn si tun n fa awọn ọmọde ti ko ni ẹsẹ lọrun sinu wahala ti wọn n da silẹ.

Ẹ jọwọ n ko fara mọ iru iwa yi ni ọnakọna.

Koda, n ko fi igba kankan ran yin ni iru isẹ bayii ri, ẹ jọwọ, ẹ yọ awọn ọmọde kuro ninu ere itage tẹ n se."

Toyin Abraham tẹsiwaju pe, awọn ọmọde naa yoo dagba, amọ gbogbo hun ti wọn ti sọ nipa wọn ni yoo si wa lori ayelujara, ti ko si le lọ sokun igbagbe laelae.

O fikun pe oun mọ riri ifẹ ati itara awọn eeyan nipa oun amọ ko si awijare kankan lati maa ba ọja ẹlomiran jẹ.

Toyin ni oun fura pe awọn eeyan kan n ri jẹ nidi mọdaru to n waye loore koore naa, nitori fidio ti oun sẹsẹ wo tan fidi eyi mulẹ.

"Mo ri fidio kan tawọn eeyan kan ti n sẹ epe fun awọn alabasisẹpọ mi kan lagbo tiata atawọn ọmọ wọn.

Eyi ko se dandan, iwa ibi si ni pẹlu, ọna ati jẹ si ni wọn se n bu epo eebo si ere oitage to n lọ lọwọ naa, eyi to ti toju su ni."

Àwọn iròyin tì ẹ leè ní ìfẹ̀ síí:

Toyin wa n ke si awọn eeyan ti wọn ba ti sọrọ odi si lori ayelujara, pe ki wọn fa ọrọ naa de ibi to lapẹrẹ, ki ẹni to sọrọ odi si wọn naa si sanwo gba ma binu.

"Ohun ti mo gbero lati maa se ree lati akoko yii lọ, igba ikẹyin si ree ti maa gbe iru ikede yii sita.

Ohun to wa lọkan mi bayi ni bi sinima mi tuntun yoo se jade, mo dupẹ, ẹ se pupọ.