Ghost thief caught in Zimbabwe: Ọwọ́ tẹ ọkùnrin tó n múra bí òkú ọrùn láti ja àwọn èèyàn ní olè

Yoruba sọ pe ọjọ gbogbo ni ti ole, amọ ọjọ kan ni ti olohun.

Bẹẹ gan ni ọrọ ri fun ọkunrin afurasi ole, alọ kolohun kigbe kan lasiko ti ọwọ tẹ lẹyin ọjọ pipẹ to ti ma n ja awọn eeyan lole.

Amọ nkan to jẹ iyalẹnu fun gbogbo eniyan ni pe ọna ara, ọna to yanilẹnu ni ọkunrin naa n gba ja ole tiẹ, to bẹẹ ti ọwọ ko fi tẹ ẹ titi di akoko yii.

Awọn ileeṣẹ iroyin ni Zimbabwe sọ pe niṣe ni ọkunrin naa ma n mura bi oku, lati ja awọn eniyan ilu Gutu, ni agbegbe Masvingo, lorilẹ-ede Zimbabwe, to wa ni Ila oorun Africa, lole ninu ile wọn.

Wọn ni ọkunrin hun yoo wọ aṣọ kan ti wọn sẹ bii egungun oku gbigbẹ, eyi ti wọn n pe ni 'skeleton' ni ede Gẹẹsi. Aṣọ naa ma n bo gbogbo ara rẹ lati ori titi de atẹlẹsẹ.

Ṣé lọ́ọ̀tọ̀ ní àkúdááyà wà? ẹ̀ wo ìrírí àwọn tó rí ènìyàn wọn tó kú láàyè

Àìrìjìnà ni àìrábuké ọ̀kẹ́rẹ́, orí ọ̀kadà ni wọ́n ń gbé òku sí lọ mọ́súárì

Àjọ̀dún òkú rèé níbi tí alààyè ti ń tọrọ owó, ọmọ àti ẹ̀mí gígùn lọ́wọ́ ẹ̀mí àìrí

Wo àwọn ìlú tó jẹ́ ẹ̀ṣẹ̀ àti èèwọ̀ ni kí ènìyàn kú níbẹ̀

Àwọn olórí lágbáyé tó ti wọ inú sàréè Ànọ́bi Muhammad rí

Ṣebi ẹni ija o ba, lo n pe ara rẹ ni ọkunrin.

Ni kete ti 'oku' ọkunrin naa ba ti wọle tọ ẹni to fẹ ja lole, ni onitọhun yoo fi ẹsẹ fẹẹ lai duro wẹyin.

Igbagbọ awọn ti ọkunrin yii ti ja lole ni pe oku gidi lo wọle tọ wọn.

Eyi ṣee ṣe ko ri bẹẹ, nitori igbagbọ to wa nilẹ Afirika ni pe ẹni to ti ku le pada wa si aye lati farahan awọn eniyan rẹ, tabi gba ẹsan lara ẹnikẹni.

Akudaaya ni Yoruba n pe e.

Fayemi dá ọ̀gá ilé ẹ̀kọ́ gíga Health Tech Ijero dúrò lẹ́nu iṣẹ lẹ́yìn tí akẹ́kọ̀ọ́ 100 déèdé di èrò iléèwòsàn

Gìrì àparò lásán ni gbogbo èpè wọn! àwọn tó ń ti Toyin Abraham lẹ́yìn rèé lórí ìjà tó paá pọ́ mọ́ Lizzy Anjorin ati ESABOD

Tó bá dá Gani Adams lójú, kó dárúkọ àwọn ọ̀dàlẹ̀ inú Yoruba Nation - OPC New Era

Ni kiakia si ni 'oku' naa yoo ko gbogbo nkan to ba wu u ninu ile ẹni naa to ti salọ.

Amọ, okete boru mọ ọ lọwọ, lẹyin ti awọn eeyan kan gbiyanju lati 'ṣe bi ọkunrin', ti wọn si pinnu lati tu 'oku' naa ni aṣọ wo.

Iyalẹnu si lo jẹ nigba ti wọn ba alaaye eniyan labẹ ẹku.

Gbajugbaja akọroyin kan ni Zimbabwe, Hopewell Chin'ono, to fi iroyin naa sita sọ pe ọwọ ti tẹ afurasi ole naa bayii. O si ti wa ni agọ ọlọpaa.