LASTMA, Alleged impersonation: Àjọ LASTMA ní ó ṣòro púpọ̀ láti mọ ayédèrú òṣìṣẹ́ àjọ náà l'Eko
Oríṣun àwòrán, Facebook/LASTMA
O nira gan an lati mọ awọn oṣiṣẹ ajọ LASTMA to jẹ ayederu yatọ si awọn t jẹ ojulowo.
Agbẹnusọ fun ajọ LASTMA nipinlẹ Eko, Olumide Filade lo fidi ọrọ yii mulẹ fun BBC Yoruba.
Ọgbẹni Filade sọ pe awọn ayederu oṣiṣẹ LASTMA maa n ṣi kiri lati agbegbe kan si omiran lo jẹ ko nira lati mu wọn Ọwọ́ pálábá ayédèrú òṣìṣẹ́ LASTMA ségi ní Mushin ní ìpínlẹ̀ Eko.
Ogbeni Falade ni: ayederu oṣiṣẹ LASTMA, Shakiru Agbaje ti ọwọ palaba rẹ segi di minu nitori awọn eeyan adugbo Mushin to ta ajọ naa lolobo.
O ni iṣẹ iwadii lo ṣe iranwọ ti ajọ LASTMA fi ri Ọgbẹni Agbaje mu.
Agbẹnusọ LASTMA sọ pe iwadii si n lọ lọwọ lori Agbaje ti wọn mọ.
Ọgbẹni Filade ṣalaye pe ọrọ naa ti dọdọ awọn ọlọpaa bayii nirori o niṣe pẹlu iwa ọdaran.
Ogbeni Falade ni: ''LASTMA gba aṣọ lọwọ Agbaje lẹyin ti wọn da a duro lẹnu iṣẹ, ṣugbọn ọpọ iru wọn maa n ran aṣọ mii lati huwa ọdaran ni,'' agbẹnusọ LASTMA lo sọ bẹẹ.
O ni bawọn ti wọn ba ti da duro lẹnu iṣẹ ọlọpaa ati ologun ṣe maa n ran aṣọ lati maa lu awọn eeyan ni jibiti lawọn ti LASTMA naa ba duro maa n ṣe.
- Àwọn òsìṣẹ́ ètò ìlera ti bẹ̀rẹ̀ sí ń gba abẹ́rẹ́ àjẹsára Covid-19 ní Naijiria, wo ìgbà tí yóò kàn ọ́
- Oral Sex: Bóo bá ń gba ẹnu ní ìbálòpọ̀, wo àìsàn tóo lè kó lójú ara rẹ
- Lọ́ọ̀tọ́ ní Sunday Igboho wá sí igbó Ire-Ekiti láti bọ Ogun lákáyé!- Akọ̀wé ìpínlẹ̀ Ekiti
- A ti rí Ọọ̀nì ''crocodile'' 27 nínú àwọn tó sálọ, àmọ́ a ṣì ń wá àwọn tó kù, ẹ̀yin ará ìlú, Ẹ ṣọ́ra!
Ọwọ́ pálábá ayédèrú òṣìṣẹ́ LASTMA ségi ní Mushin ní ìpínlẹ̀ Eko
Ọwọ palaba ayederu oṣiṣẹ ẹṣọ oju popo LASTMA kan, Shakiru Agbaje, niluu Eko segi lẹyin ti ajọ naa fi ọwọ ofin mu un.
Ni agbegbe Mushin ni wọn ti gba Ọgbẹni Agbaje to ti figba kan ṣiṣẹ pẹlu ajọ LASTMA ṣugbọn ti wọn ti da duro lẹnu iṣẹ lati ọdun mẹsan an sẹyin mu.
Oríṣun àwòrán, Facebook/LASTMA
Nigba to n ṣalaye bi ajọ LASTMA ṣe gba ọkunrin naa mu, ọga agba LASTMA nipinlẹ Eko, Ọgbẹni Olajide Oduyoye sọ pe ajọ LASTMA da ọkunrin ọhun duro lẹnu iṣẹ lori o lo ayederu iwe ẹri ati pe o tun lu jibiti.
Oduyoye ni o ti pẹ ti Ọgbẹni Agbaje ti n dunkoko mawọn awakọ lagbegbe Mushin ti o si n huwa ọdaran nibi ti o ti n pe ara rẹ ni oṣiṣẹ LASTMA.
Ọga agba LASTMA ni oriṣiiriṣii iwa ọdaran ti Agbaje hu sawọn awakọ lagbegbe Mushin ti ba orukọ ajọ naa jẹ.
O ni gbogbo awọn ti LASTMA ti da duro lẹnu iṣẹ ṣugbọn ti wọn si tun n wọ aṣọ LASTMA kiri lati huwa bajẹ lọwọ yoo tẹ.
- Nǹkan dé, Igboho ní káwọn ọ̀dọ́ ilẹ̀ Yorùbá lọ múra ògùn jọ nítorí ohun tó ń bọ̀ lọ́nà
- Àwọn ohun tó yẹ kí o mọ̀ nípa Sadiq Daba 'Inspector Waziri' nínú sinimá October 1 tó jáde láyé rèé
- Baba tó dàbí MC Oluomo láyé yìí kò sí, ẹni tó bá níi, ó ní ohun gbogbo- Ọmọ MC Oluọmọ
- Báwo ní Ọba Rilwan Akiolu tí ìlú Eko ṣe ní $2 million àti N17 million sí inú àfin rẹ̀?
- Àwọn ará abúlé kan ṣàwàrì àlùmọ́ọ́nì gòólù ní wọ́n bá kígbe síta ní Ọlọ̀pàá bá yi wọn ká!
Ọga agba LASTMA rọ awọn araalu lati maa wo orukọ awọn oṣiṣẹ LASTMA to ba dawọn duro tabi ni itakurọsọ pẹlu wọn.
Ọgbẹni Oduyoye rọ awọn awakọ lati pa gbogbo ofin irinna ipinlẹ mọ ti wọn ba n wakọ loju popo.
Ọga agba LASTMA naa sọ pe ajọ naa yoo fi to araalu leti iru ijiya to tọ si Agbaje lẹyin ti iṣẹ iwadii ba pari lori ọrọ naa.
- Ẹ fọkàn balẹ̀! A ó ṣèwádíi òṣìṣẹ́ LASTMA tó ń ka owó àbẹ́tẹ́lẹ̀ nínú fídíò - LASTMA
- Nǹkan dé, Igboho ní káwọn ọ̀dọ́ ilẹ̀ Yorùbá lọ múra ògùn jọ nítorí ohun tó ń bọ̀ lọ́nà
- Òṣìṣẹ́ LASTMA kan àgbákò ikú lọ́wọ́ àwọn jàǹdùkú méjì nílùú Èkó
- A ti rí Ọọ̀nì ''crocodile'' 27 nínú àwọn tó sálọ, àmọ́ a ṣì ń wá àwọn tó kù, ẹ̀yin ará ìlú, Ẹ ṣọ́ra!
