South-Africa Crocodiles: A ti rí Ọọ̀nì ''crocodile'' 27 nínú àwọn tó sálọ, ẹ̀yin ará ìlú, ẹ ṣọ́ra

Ijọba orilẹede South-Africa ti kede wi pe awọn ṣi n wa awọn ọọni to sakuro ni ibi ti wọn ti n ṣin wọn ni agbegbe Western Cape Province, lorilẹede naa.

Awọn alaṣẹ ni awọn ti ri mẹtadinlọgbọn ninu awọn ooni naa, amọ awọn ko mọ iye awọn to ku ti wọn ṣi n wa.

Awọn ooni naa ni wọn sa kuro ni agbegbe gba ogiri kan to ya lulẹ ni ibi ti wọn ti n sin wọn ni Bonnievale, ti wọn si wọ inu omi Breede River.

Ijọba si ti kilọ fun awọn araalu lati ṣọra fun awọn ọọni ti wọn ba ri ni agbegbe wọn.

''Awọn ọọni yii lewu, ẹranko igbo ni wọn, bi o tilẹ jẹpe ojukan ni wọn ti sin wọn.

''Awọn eniyan gbọdọ ṣọra fun agbegbe naa, titi ti wọn yoo fi ri awọn to ku gbe''.

Ọjọọru, Ọjọ Kẹta, Oṣu Kẹta ni awọn ọọni naa ti wọn gun to iwọn mita kan abọ 1.5m (4ft 11in) sa kuro nibi ti wn ko wọn si.

Ileeṣẹ ọlọpaa ti gbe ikọ kan kalẹ lati sawari awọn ọọni naa, ki wọn si gbe wọn si inu awọn ni eti omi CapeNature naa.