Kòkòrò oyin lé ọ̀pọ̀ èèyàn kúrò nílé l'órílẹ̀-èdè Cameroon

Inu ibẹru ni awọn eeyan to n gbe ni awọn agbegbe kan nilu Maroua, lorilẹ-ede Cameroon wa bayii, nitori bi kokoro oyin ṣe yabo wọn.

Eeyan marun-un, ninu eyi ti ọmọde mẹrin wa, lo ti di eero ileewosan nitori iṣẹlẹ naa.

Eyi si ti mu ki awọn alasẹ o gba awọn araalu ni imọran láti fi ile wọn silẹ, titi ti wahala naa yoo fi wa sopin.

Yatọ si eyi, àwọn oṣiṣẹ pana-pana ti wa ni ilu naa lati koju awọn kokoro ọhun.

Ohun to jẹ iyalẹnu fun awọn araalu naa ni pe ko si ẹni to mọ ibi ti awọn kokoro oyin ọhun ti wa.

Saaju asiko yii, aṣọ ekisa ni awọn eeyan naa ma n dana sun lati le awọn kokoro ọhun.

Wọn ma n se eyi nitori pe eefin ati ooru ina ma n le àwon kokoro oyin kuro nibi ti wọn ba wa.

Sugbọn ṣa, igbesẹ naa ko sisẹ ni asiko yii nitori pe awọn oyin naa ko duro si oju kan.

Idi si niyii ti wọn fi ránṣẹ si awọn oṣiṣẹ pana-pana lati koju wọn.