Украина уруши: Донбассдаги уруш жабҳасида Ukraina
Украина шарқидаги Донбасс 2014 йили Россия дастаклаган бўлгинчилар билан урушдан кейин иккига бўлиниб қолган, Украина ҳарбийлари ўз назорати остидаги ҳудудларни окоплар қазиб ҳимоя қилишга ўтганди.
Охирги кунларда Россия қўшинлари Донецк ва Луганскнинг бошқа ҳудудларини ҳам босиб олиш мақсадида ҳужумлар бошлаган.
Саккиз йил давомида яккам-дуккам жанглар кузатилган жойлар бугун тўлақонли уруш майдонига айланган.
"Ҳозир озроқ мураккаб бўлиб қолди. Ҳозир бизни ҳар куни, ҳар соат, ҳар доим бомба ҳужумларига, ракета ҳужумларига тутишаяпти", дейди лейтенант Денис Гордеев.
Лейтенант Гордеевнинг Донбассдаги Россия дастаклайдиган сепаратистлар билан урушиб келаётганига саккиз йил бўлди, лекин бугунги кунда унинг қўли остидаги Украина ҳимоячилари Россия армиясининг қаршилигига дуч келиб турибдилар.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Апрель ойи бошида пойтахт Киев атрофидан қўшинларини олиб чиқиб кетган Россия қўшинлари асосий диққатини шарққа қаратди, бутун Донбасс минтақасини босиб олишни мақсад қилган.
Ҳозир бу ерга Россия армиясининг кўп сондаги бўлинмалари ташланган.
Ғарб таҳлилчилари ҳисоб-китобича, ҳозир Россия Донбассга 76 га яқин батальон тактик гуруҳларини ташлаган, ҳар бир гуруҳнинг 800 га яқин аъзоси бор.
Ғарб экспертлари фикрича, Россия ҳарбийлари ўзларининг урушининг биринчи босқичида йўл қўйган хатоларидан сабоқ чиқаришган.
Энди улар аввалгидек узоққа чўзилган бўйлаб фронт эмас, қисқалари билан ҳужумларга ўтишаяпти ва ягона қўмондонликдан бошқарилмоқда.
Бунинг оқибатида Украина қўшинлари Донбассдаги 480 километрга чўзилган жабҳа чизиғини қийинчилик билан ушлаб туришипти.
Охирги кунларда айрим жойларда мавқеъларини бой беришди ҳам, бундай ҳолат яқин кунларда яна давом этиши мумкин.
Ҳозирча Россия кучлари разведка жанглари билан Украина мудофаасининг кучсиз нуқтасини топишга ҳаракат қилмоқда деб кўрилаяпти.
Таҳлилчилар фикрича, ҳозир Украина ҳарбийлари ўзларидан уч баравар кўп сондаги душман ҳужумларини қайтаришаяпти.
Бироқ уларнинг очиқ майдонлардаги мавқеъларидан чекинишларига, шаҳарлар мудофаасига ўтишлари керак бўлади.
Шаҳарларда эса Россия армиясининг ғалабани қўлга киритиши қийинроқ бўлади.
Лейтенант Гордеев бўлинмаси жойлашган жойда улар қўлбола черков ясаб олишган, дея ҳикоя қилади жанг жабҳасига борган Би-би-сининг мудофаа масалалари бўйича мухбири Жонатан Бил.
Улар бу ерда ғалаба тилаб дуо қиладилар. Лекин у черковга ўхшамайди, замбараклар отилганининг овози эшитилиб туради, дейди Би-би-си мухбири.
Аскарларнинг айтишларича, Россия қўшинларининг мавқеъи 600 метрча узоқда жойлашган.
Бу жойлар оддий қишлоқ атрофидаги жойларга ўхшайди.
Ҳужум пайти дарахт орқасига яшириниш мумкин.
Украина ҳарбийларининг қўлидаги қуролларнинг аксари эски, совет қуролларидир.
Улар ўзларининг ихтиёридаги ягона NLAW аксилтанк ракетасини фахрланиб намойиш этишади.
Бу ракета билан яқинда бир Россия танкини вайрон этишган.
"Биз ҳар куни, ҳар соат, ҳар доим бомба ҳужумларига, ракета ҳужумларига тутилаяпмиз. Агар биз мағлуб бўлсак, биз нафақат Украинани йўқотамиз, биз бутун дунёни, бошқа мамлакатларни ҳам йўқотамиз", дейди урушгача юрист бўлиб ишлаган лейтенант Гордеев.
"Бизга қурол керак, бизнинг эркинлигимиз, бизнинг ғалабамиз учун. Қачон бизнинг қўлимизда мана бундай қуролдан кўпроқ бўлса, уруш тугайди", дейди Гордеев NLAWни кўрсатиб.
Лейтенант Гордеевнинг айтишича, аскарларининг жанговар руҳи баланд, чунки ўз ватанларини ҳимоя қилаётганларини яхши англайдилар.
Лекин Президент Путин 9 май Ғалаба парадигача ниманидир Украинадаги ғалабаси деб тақдим этиши керак.
Агар Ғарбдан келаётган қурол тўхтамаса, Украина армияси Россия ҳужумларига бардош беролади, ўшанда вақт ҳам Украина тарафида бўлиши мумкин, деб ёзади Би-би-си мухбири Жонатан Бил.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
