ہارون رشید بی بی سی اردو ڈاٹ کام، پشاور

ڈیرہ بگٹی میں اکبر بگٹی باہر سے ملنے آنے والوں کے ساتھ

لیکن ان سب الزامات کے سائے میں نواب اکبر بگٹی کی شخصیت کے چند مثبت پہلو بھی تھے۔ ان سے چند ملاقاتوں میں ہی معلوم ہوا کہ اس ’آئرن مین‘ میں کچھ ایسا بھی تھا جو شاید کسی اور میں نہیں۔ ان کا میچ بلوچستان تو کیا پاکستانی سیاست میں ملنا مشکل ہے۔

آہنی شخصیت کے پیچھے  آج ایسا محسوس ہوتا ہے کہ نواب اکبر خان بگٹی کے اچھے پہلو ان کی آہنی شخصیت کے پیچھے چھپے رہے۔ یہ سیاست کا تقاضہ تھا یا کچھ اور لیکن ان کا شمار ان چند سیاستدانوں میں ہوتا ہے جو پہلی ملاقات میں ہی آپ کو متاثر کیے بغیر نہیں رہ سکتے تھے۔ ان کی شخیصت اور دبدبہ اپنی جگہ لیکن ان کے ساتھ چند طویل مجلسوں کے بعد معلوم ہوا کہ وہ تاریخ، ادب اور ثقافت پر کافی مضبوط گرفت رکھتے تھے۔ مطالعے کے شوقین تھے۔ نواب بگٹی کو رات نہ سونے کی بیماری لاحق تھی، جس کی وجہ سے ایسے مطالعے اور مجلسوں میں وقت کی قید کبھی محسوس نہیں کی گئی۔

بنیادی طور پر وہ مجلس کے شوقین تھے۔ کوئٹہ میں اپنی رہائش گاہ میں وہ اکثر ایک ایک دو دو کرکے مقامی صحافیوں کو کھانے پر مدعو کرتے اور رات گئے تک طویل بحث اور مباحثے منعقد کرتے۔ یاد آیا کئی صحافی خود بھی بغیر کسی روک ٹوک کے چلے جایا کرتے تھے۔ صحافی بھی ان سے اس مجلس سے کچھ نہ کچھ سیکھ کر لوٹتے تھے۔

جب کوئٹہ سے سن ننانوے میں وہ اپنے آبائی قصبے ڈیرہ بگٹی پہنچے تو یہ مجلسیں قدرتی طور پر کم پڑ گئیں لیکن ہوتی ضرور رہیں۔ کبھی کبھی کوئٹہ کے صحافی ایک گروپ کی شکل میں ان کے پاس جاتے اور ایک دو رات کے قیام کے دوران سیاست سے لے کر تقریباً ہر موضوع پر خوب بحث ہوتی۔

اگر بحث کوئی زیادہ دلچسپ نہ رہتی تو مرحوم کبھی کبھی صحافیوں کا خصوصاً انگریزی زبان کے صحافیوں کا امتحان بھی لے لیا کرتے تھے۔ کسی لفظ کا معنی پوچھ لینا وغیرہ وغیرہ۔ ان کو شاید سیکھانے کا بہت شوق تھا کہ ایک مرتبہ تو انہوں نے کوئٹہ پریس کلب کو ایک ڈکشنری بھی بطور تحفہ دی۔

ان کی خصوصیت کسی بھی انسان کو پہلی ملاقات میں پوری طرح سے جانچنے کی ان کی مہارت تھی۔ وہ پھر اس شخص سے گفتگو اسی کی سطح پر آ کر کیا کرتے تھے۔

سیاست پر منفی اثرات  ان کی ہلاکت کے بلوچستان کی بحرانوں سے اٹی سیاست پر منفی اثرات ضرور مرتب ہوں گے۔ بلوچستان خصوصاً دارالحکومت کوئٹہ پر اس کے اثرات پہلے بھی تھے لیکن اب زیادہ شدت کے ساتھ سامنے آنے کا خدشہ ہے۔ کوئٹہ میں برس ہا برس سے مقیم پنجابی اور سیٹلرز پہلے ہی عدم تحفظ کا شکار ہیں۔ سنا ہے اب راہ چلتے لوگوں سے پوچھا جانے لگا ہے کہ ان کا تعلق کہاں سے ہے۔

اس کی وجہ ان کا حکومت پر سکیورٹی کے معملے میں اعتبار نہ کرنا تھا۔ حکومت انہیں اپنے محافظوں کے ساتھ کوئٹہ آنے نہیں دیتی تھی اور وہ حکومت کی سکیورٹی کے تحت وہاں جانا نہیں چاہتے تھے۔

ڈیرہ اللہ یار سے نواب صاحب کے آدمیوں نے کسی خفیہ مگر کمر توڑ راستے سے ان تک پہنچا دیا۔ ان کے پاس دو روز تک قیام کیا، روایتی کھانے کھائے، گپ شپ لگائی اور انٹرویو کیا۔ اس بات چیت میں معلوم ہوا کہ ان کی صحت کافی خراب رہنے لگی ہے۔ ایک ٹانگ میں گردش خون میں رکاوٹ کی وجہ سے وہ چھڑی کے بغیر چل پھر نہیں سکتے تھے۔

بعد میں جب روانگی کی اجازت طلب کی تو نواب اکبر خان بگٹی نے جواب میں کہا: ’ارے آپ وار کارسپانڈینٹ کہا چل دیے۔ ابھی تو جنگ شروع ہی نہیں ہوئی۔‘ اب محسوس ہوتا ہے کہ اس وقت انہیں ایک جنگ کا پورا یقین تھا۔ ایسی جنگ جو ان کی تو آخری ہوگی لیکن بلوچستان کی شاید آخری نہ ہو۔

دس بارہ اخبار وہ روزانہ پڑھتے تھے، ٹی وی تھوڑا سے دیکھا نہ دیکھا لیکن گپ شپ ضرور تھی۔ ان کے مہمان خانے پر مجلس ضروری تھی۔ کسی کے ڈیرہ بگٹی آنے پر وہ کِھل جاتے تھے ورنہ اکیلے قدرے تنگ ہوتے تھے۔ ویسے انہیں مصروف رکھنے کے لیے ان کے قبیلے کے تنازعات اور دیگر مسائل بھی کافی تھے۔

ان کی ہلاکت کے بلوچستان کی بحرانوں سے اٹی سیاست پر منفی اثرات ضرور مرتب ہوں گے۔

بلوچستان خصوصاً دارالحکومت کوئٹہ پر اس کے اثرات پہلے بھی تھے لیکن اب زیادہ شدت کے ساتھ سامنے آنے کا خدشہ ہے۔ کوئٹہ میں برس ہا برس سے مقیم پنجابی اور سیٹلرز پہلے ہی عدم تحفظ کا شکار ہیں۔ سنا ہے اب راہ چلتے لوگوں سے پوچھا جانے لگا ہے کہ ان کا تعلق کہاں سے ہے۔