లఖీంపుర్ ఖీరీ: ‘జీపుతో రైతులను తొక్కించిన వారినెందుకు అరెస్ట్ చేయరు’- ప్రధాని మోదీకి ప్రియాంకా గాంధీ వాద్రా ప్రశ్న
ఫొటో సోర్స్, Anant Zanane/BBC
ఉత్తర్ప్రదేశ్ తికునియా ఘటనదిగా చెబుతున్న ఒక వీడియో సోషల్ మీడియాలో వైరల్ అవుతోంది.
కాంగ్రెస్ నేత ప్రియాంకా గాంధీ వాద్రా కూడా ఈ వీడియోను ట్వీట్ చేశారు.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది
"నరేంద్ర మోదీ గారు.. మీ ప్రభుత్వం ఎలాంటి ఎఫ్ఐఆర్, ఆదేశాలు లేకుండానే 28 గంటలుగా నన్ను నిర్బంధంలో ఉంచింది. కానీ రైతులను జీపుతో తొక్కించిన వారిని ఇప్పటివరకు ఎందుకు అరెస్ట్ చేయలేదు?" అని ప్రియాంకా గాంధీ వాద్రా ప్రశ్నించారు.
ఒక థార్ జీపు రోడ్డు మీదున్న వాళ్లను గుద్దుకుంటూ, వాళ్లపై నుంచి వేగంగా వెళ్లడం ఈ వీడియోలో కనిపిస్తోంది. జీప్లో చాలా మంది కూర్చున్నట్లు కూడా వీడియోలో తెలుస్తోంది. జీప్ వెనుక ఒక ఫార్చునర్ కారు కూడా ఉంది.
ఈ వీడియో తికునియాలో తీసిందని చెబుతున్నారు. అయితే, బీబీసీ ఈ వీడియోను స్వయంగా ధ్రువీకరించలేదు.
ఫొటో సోర్స్, Getty Images
మరోవైపు ఈ వీడియో తమ వాదనలను ధ్రువీకరిస్తోందని రైతులు చెబుతున్నారు.
అయితే పోలీసులు ఈ వీడియోను తమ దర్యాప్తులో పరిగణనలోకి తీసుకుంటారో లేదో చూడాల్సి ఉంటుంది.
సోమవారం రాత్రి వాట్సాప్, ఫేస్బుక్ డౌన్ అవడం వల్ల ఈ వీడియో వైరల్ కాలేదు. కానీ ఉదయం ఈ వీడియో సోషల్ మీడియా అంతటా విస్తృతంగా షేర్ అవుతోంది.
లఖీంపుర్ ఖీరీలో ఇంటర్నెట్ సేవలు ఇప్పటికీ నిలిపివేసే ఉన్నాయి.
ఫొటో సోర్స్, ANANT ZANANE/BBC
లఖింపూర్, బహ్రెయిచ్లో మృతిచెందిన రైతుల అంత్యక్రియలు
మంగళవారం లఖీంపుర్ పలియాలో 19 ఏళ్ల లవ్ప్రీత్ మృతదేహానికి అంత్యక్రియలు నిర్వహించనున్నారు.
బీబీసీ సోమవారం లవ్ప్రీత్ తండ్రి సత్పాల్ సింగ్తో మాట్లాడింది.
తన కొడుకు చదువుకోడానికి ఆస్ట్రేలియా వెళ్లేందుకు సిద్ధమవుతున్నాడని ఆయన చెప్పారు. లవ్ప్రీత్ లఖీంపుర్లోని ఐఈఎల్టీఎస్లో కోచింగ్ తీసుకుంటున్నాడు.
మరోవైపు 18 ఏళ్ల గుర్జిందర్ మృతదేహాన్ని ఆయన కుటుంబ సభ్యులు సోమవారం అర్ధరాత్రి నాన్పారా తీసుకెళ్లారు. గుర్జిందర్ సోదరి ఏడుస్తూ తమకు న్యాయం కావాలని కోరారు.
గుర్జిందర్ ఒక గురుద్వారాలో గ్రంథీగా ఉన్నారని, మతపరమైన పనులు చూసుకునేవారని ఆమె బీబీసీతో చెప్పారు.
ఇవి కూడా చదవండి:
- ‘ఏ పార్టీ అధికారంలో ఉంటే ఆ పార్టీతో పోలీసుల కుమ్మక్కు.. ఇదో కొత్త ట్రెండ్, దీన్ని ఆపాలి’ అని సీజేఐ జస్టిస్ రమణ ఎందుకు అన్నారు?
- ఆర్యన్ ఖాన్: సముద్రంలో డ్రగ్స్ పార్టీ చేసుకుంటున్న షారుఖ్ ఖాన్ కుమారుడిని ఎలా పట్టుకున్నారంటే..
- హవాలా అంటే ఏంటి? ఈ నెట్వర్క్ ఎప్పుడు, ఎలా ప్రారంభమైంది? ఈ బిజినెస్ ఎంత పెద్దది?
- రెండవ ప్రపంచ యుద్ధం: ఈ చిన్న పడవలో నాజీల నుంచి ఆ సోదరులు ఎలా తప్పించుకున్నారు?
- పాకిస్తాన్ ఎయిర్ ఫోర్స్ విమానాన్ని ఒక బెంగాలీ పైలట్ హైజాక్ చేసినప్పుడు...
- లవ్ కోచింగ్ తీసుకుంటే భర్తలు సులభంగా దొరుకుతారా... ఒంటరి మహిళలు ఎందుకు దీని వెంట పడుతున్నారు?
- అమెరికాలో అబార్షన్ హక్కుల కోసం భారీ నిరసన ప్రదర్శనలు
- తొలి సిపాయిల తిరుగుబాటు విశాఖ కేంద్రంగా జరిగిందా?
- సమంత, అక్కినేని నాగ చైతన్య విడాకులు: విడిపోతున్నామని ప్రకటించిన హీరో, హీరోయిన్
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)
