కరోనా వైరస్: ఇంట్లోనే చేసుకునే కోవిడ్-19 టెస్ట్‌ కిట్‌కు ఐసీఎంఆర్ అనుమతి, ఎలా చేసుకోవాలి

భారతదేశంలో కోవిడ్-19 టెస్టును ఇంట్లోనే చేసుకునేందుకు ఐసీఎంఆర్ అనుమతి ఇచ్చింది. దీనిని ర్యాపిడ్ యాంటీజెన్ టెస్టు అంటారు. లక్షణాలు ఉండి, ఇందులో నెగిటివ్ వస్తే ఆర్టీపీసీఆర్ టెస్టు చేయించుకోవాల్సి ఉంటుంది.

ఫొటో సోర్స్, Reuters

ఫొటో క్యాప్షన్, ఇంట్లోనే కోవిడ్-19 టెస్టుకు కిట్-అనుమతి ఇచ్చిన ఐసీఎంఆర్

ఇంట్లోనే కరోనా టెస్ట్ చేసుకునే ఆర్ఏటీ కిట్‌లకు అనుమతులు ఇచ్చిన ఐసీఎంఆర్, కోవిడ్-19 ర్యాపిడ్ యాంటీ జెన్ టెస్ట్(ఆర్ఏటీ) ప్రాధాన్యం గురించి మరోసారి మార్గదర్శకాలు జారీ చేసింది.

కరోనా లక్షణాలు ఉన్నవారు, కరోనా పాజిటివ్ రోగులకు సన్నిహితంగా మెలిగిన వారు సులభంగా ఉపయోగించే ఆర్ఏటీ కిట్ ద్వారా తమకు కోవిడ్-19 ఉందా లేదా అనేది ఇంట్లోనే పరీక్ష చేసి తెలుసుకోవచ్చని చెప్పింది..

ఐసీఎంఆర్ తాజా సూచనల ప్రకారం ఇంట్లో టెస్ట్ చేసుకునే ఆర్ఏటీ కిట్ పరీక్షలో పాజిటివ్ వచ్చిన వారిని కూడా కోవిడ్ పాజిటివ్‌ రోగిగా భావించాలి. వారికి మరోసారి టెస్ట్ చేయాల్సిన అవసరం లేదు.

కరోనా లక్షణాలు ఉన్నవారు మాత్రమే ఈ ఆర్ఏటీ కిట్ ఉపయోగించాలని, ఎలాంటి సంకోచం లేకుండా వారు ఈ పరీక్ష చేసుకోవచ్చని ఐసీఎంఆర్ చెప్పింది..

"కానీ, కరోనా లక్షణాలు ఉన్నవారికి ఒకవేళ ఆర్ఏటీ టెస్ట్‌లో నెగటివ్ వస్తే, వారు వెంటనే ఆర్టీపీసీఆర్ టెస్ట్ చేసుకోవాల్సి ఉంటుంది. ఎందుకంటే, వైరస్ లోడ్ తక్కువగా ఉన్నప్పుడు ఆర్ఏటీ పరీక్షల్లో చాలా మందికి కోవిడ్-19 ఉన్నట్లు నిర్ధరణ కాక పోవడం మేం చాలాసార్లు చూశాం" అని తెలిపింది.

"కరోనా లక్షణాలు ఉన్నప్పటికీ, ఈ పరీక్షల్లో నెగటివ్ వచ్చినవారు ఆరోగ్య మంత్రిత్వ శాఖ సూచించిన జాగ్రత్తలను పాటించాలి. వారిని కరోనా రోగులుగానే భావించాలి" అని కూడా ఐసీఎంఆర్ చెప్పింది.

పోస్ట్‌ X స్కిప్ చేయండి
X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది

ఇంట్లో ఎలా టెస్ట్ చేసుకోవాలి

ఆర్ఏటీ కిట్‌తోపాటూ, కోవిడ్-19 పరీక్ష ఎలా చేసుకోవాలో వివరిస్తూ ఒక యూజర్ మాన్యువల్ ఉంటుందని, దానిని పూర్తిగా చదివి, అందులో చెప్పిన ప్రకారమే ఇంట్లో పరీక్ష చేసుకోవాలని ఐసీఎంఆర్ చెప్పింది.

ఐసీఎంఆర్ వివరాల ప్రకారం గూగుల్ ప్లేస్టోర్ లేదా యాపిల్ స్టోర్ నుంచి 'హోమ్ టెస్టింగ్' యాప్స్ ఉన్నాయి. ఆర్ఏటీ కిట్‌తో ఇంట్లో పరీక్ష చేసుకునేవారు వాటిని మొదట డౌన్‌లోడ్ చేసుకోవాల్సి ఉంటుంది.

Skip ఎక్కువమంది చదివినవి and continue reading
ఎక్కువమంది చదివినవి

End of ఎక్కువమంది చదివినవి

తర్వాత ఇంట్లో చేసుకున్న కోవిడ్-19 పరీక్ష ఫొటోను తమ మొబైల్ ఫోన్ ద్వారా ఆ యాప్‌లో అప్‌లోడ్ చేసి, రిజిస్ట్రేషన్ చేసుకోవాలి.

రిజిస్టర్ చేసుకున్న వారి వివరాలన్నీ ఒక సెక్యూర్డ్ సర్వర్‌లో ఉంటాయని, దానిని ఐసీఎంఆర్ కోవిడ్-19 పోర్టల్‌తో అనుసంధానించామని సంస్థ చెప్పింది.

తమకు లభించే మొత్తం డేటాను సేకరిస్తామని, ఈ కొత్త ప్రక్రియలో కూడా రోగుల వివరాలు గోప్యంగా ఉంటాయని తెలిపింది.

ఐసీఎంఆర్ వివరాల ప్రకారం ప్రస్తుతం ఇంట్లోనే కోవిడ్-19 పరీక్ష చేసుకోడానికి ఒక ఆర్ఏటీ కిట్‌కు భారత్‌లో అనుమతులు ఇచ్చారు.

పుణెలోని మైల్యాబ్ డిస్కవరీ సొల్యూషన్స్ లిమిటెడ్ తయారు చేసిన కోవిసెల్ఫ్ (పాథొకాచ్) కోవిడ్-19 ఓటీసీ యాంటీజెన్ ఎల్ఎఫ్, ద్వారా కరోనా పరీక్షలు ఇంట్లోనే చేసుకోవచ్చని ఐసీఎంఆర్ చెప్పింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)