ਪਾਕਿਸਤਾਨੀ ਕੈਪਟਨ ਨਾਲ ਭਾਰਤੀ ਟੀਮ ਦਾ ਵੀਡੀਓ ,ਜੋ ਵਾਇਰਲ ਹੋ ਰਿਹਾ ਹੈ ਅਤੇ ਸੋਸ਼ਲ ਮੀਡੀਆ ਉੱਤੇ ਚਰਚਾ ਛਿੜ ਗਈ ਹੈ
ਤਸਵੀਰ ਸਰੋਤ, Getty Images
ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਖੇਡੇ ਗਏ ਮਹਿਲਾ ਵਿਸ਼ਵ ਕੱਪ ਮੈਚ ਤੋਂ ਬਾਅਦ ਦੀ ਇੱਕ ਵੀਡੀਓ ਵਿੱਚ ਭਾਰਤੀ ਖਿਡਾਰਨਾਂ ਅਤੇ ਪਾਕਿਸਤਾਨੀ ਟੀਮ ਦੀ ਕਪਤਾਨ ਬਿਸਮਾਹ ਮਾਰੂਫ਼ ਦੇ ਛੇ ਮਹੀਨਿਆਂ ਦੀ ਬੱਚੀ ਨੂੰ ਖਿਡਾਉਂਦੀਆਂ ਨਜ਼ਰ ਆਉਂਦੀਆਂ ਹਨ।
ਇਹ ਵੀਡੀਓ ਪੱਤਰਕਾਰ ਮੁਜੀਬ ਮਾਸ਼ਲ ਨੇ ਆਪਣੇ ਟਵਿੱਟਰ ਤੋਂ ਸਾਂਝੀ ਕੀਤੀ ਹੈ।
ਵੀਡੀਓ ਵਿੱਚ ਬਿਸਮਾਹ ਮਾਰੂਫ਼ ਨੇ ਆਪਣੀ ਗੋਦ ਵਿੱਚ ਆਪਣੀ ਛੇ ਮਹੀਨਿਆਂ ਦੀ ਬੱਚੀ ਚੁੱਕੀ ਹੋਈ ਹੈ। ਭਾਰਤੀ ਖਿਡਾਰਨਾਂ ਨੇ ਮਾਂ-ਬੇਟੀ ਨੂੰ ਘੇਰਿਆ ਹੋਇਆ ਹੈ ਅਤੇ ਬਿਸਮਾਹ ਦੀ ਬੱਚੀ ਨੂੰ ਖਿਡਾਅ ਰਹੀਆਂ ਹਨ।
ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਨੇ ਪਾਕਿਸਤਾਨ ਨੂੰ 107 ਦੌੜਾਂ ਨਾਲ ਹਰਾ ਕੇ ਵਿਸ਼ਵ ਕੱਪ ਟੂਰਨਾਮੈਂਟ 'ਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ।
ਭਾਰਤ ਵੱਲੋਂ ਦਿੱਤੇ ਗਏ 245 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਪਾਕਿਸਤਾਨ ਦੀ ਟੀਮ ਨੇ 42 ਓਵਰਾਂ ਤੱਕ ਆਪਣੇ 9 ਵਿਕਟ ਗੁਆ ਕੇ ਮਹਿਜ਼ 137 ਰਨ ਬਣਾਏ ਹਨ।
ਮੁਜੀਬ ਮਾਸ਼ਲ ਨੇ ਵੀਡੀਓ ਨਾਲ ਆਪਣੇ ਟਵੀਟ ਵਿੱਚ ਲਿਖਿਆ,''ਇਸ ਨਾਲ ਤੁਹਾਡਾ ਦਿਲ ਗਰਮਾਅ ਜਾਵੇਗਾ। ਭਾਰਤੀ ਕ੍ਰਿਕਟ ਟੀਮ ਪਾਕਿਸਤਾਨੀ ਟੀਮ ਦੀ ਕਪਤਾਲ ਬਿਸਮਾਹ ਮਾਰੂਫ਼ ਦੇ ਬੇਟੀ ਨਾਲ ਆਪਣੇ ਵਿਸ਼ਵ ਕੱਪ ਮੈਚ ਤੋਂ ਬਾਅਦ ਸਮਾਂ ਬਿਤਾਉਂਦੀਆਂ ਹੋਈਆਂ।''
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਮੁਜੀਬ ਦੇ ਟਵੀਟ ਦੇ ਹੇਠਾਂ ਵੀ ਲੋਕਾਂ ਨੇ ਇਸ ਵੀਡੀਓ ਵਿੱਚ ਨਜ਼ਰ ਆਉਂਦੀ ਪਿਆਰ ਦੀ ਭਾਵਨਾ ਦੀ ਤਾਰੀਫ਼ ਕੀਤੀ।
ਇਹ ਵੀ ਪੜ੍ਹੋ:
ਸੰਦੀਪ ਸ਼ਰਮਾ ਨੇ ਲਿਖਿਆ, ਪਿਆਰ ਬਾਂਟਤੇ ਚਲੋ... ਇਸ ਪਿਆਰੇ ਬੱਚੇ ਨੂੰ ਪਿਆਰ ਦੇਣ ਨਾਲ ਦੋਵਾਂ ਦੇਸ਼ਾਂ ਵਿੱਚ ਹੋਰ ਪਿਆਰ ਲਿਆਏਗਾ। ਰੱਬ ਕਰੇ ਸਾਰੀਆਂ ਖ਼ੂਬਸੂਰਤ ਚੀਜ਼ਾਂ ਬੱਚੀ ਨੂੰ ਮਿਲਣ। ਗਾਡ ਬਲੈਸ।''
ਤਸਵੀਰ ਸਰੋਤ, Sandeep/Twitter
ਇਸੇ ਤਰ੍ਹਾਂ ਡਾ਼ ਮੁਰਸ਼ੇਦ ਐਮ ਚੌਧਰੀ ਨੇ ਲਿਖਿਆ,''ਹੁਣ ਭਗਤ ਭਾਰਤੀ ਕ੍ਰਿਕਟ ਟੀਮ ਨੂੰ ਐਂਟੀ ਨੈਸ਼ਨਲ ਘੋਸ਼ਿਤ ਕਰ ਦੇਣਗੇ।''
ਸੈਕਸਾਪਿਲ ਨੇ ਲਿਖਿਆ,''ਸੱਜੇ ਪੱਖੀ ''ਰਾਸ਼ਟਰਵਾਦੀ'' ਇਸ ਨੂੰ ਪੰਸਦ ਨਹੀ ਕਰਨਗੇ।''
ਤਸਵੀਰ ਸਰੋਤ, Sexapill/twitter
ਲੋਇਲ ਸੱਚਫੈਨ ਨੇ ਲਿਖਿਆ,
''ਮੈਦਾਨ ਵਿੱਚ ਵਿਰੋਧੀ।
ਮੈਦਾਨ ਤੋਂ ਬਾਹਰ ਭੈਣਾਂ।''
ਤਸਵੀਰ ਸਰੋਤ, Loyal sacfan/Twitter
ਪਾਕਿਸਤਾਨੀ ਟੀਮ ਦੀ ਕਪਤਾਨ ਬਿਸਮਾਹ ਮਾਹਰੂਫ਼ ਸਪਿਨ ਗੇਂਦਬਾਜ਼ ਹਨ।
ਮਾਹਰੂਫ਼ ਅਜੇ ਹੁਣੇ ਹੀ ਜਣੇਪਾ ਛੁੱਟੀ ਤੋਂ ਵਾਪਸ ਆਏ ਹਨ। ਇਸ ਵਿਸ਼ਵ ਕੱਪ ਵਿੱਚ ਉਨ੍ਹਾਂ ਦੀ ਛੇ ਮਹੀਨਿਆਂ ਦੀ ਬੇਟੀ ਫਾਤਿਮਾ ਵੀ ਆਪਣੀ ਮਾਂ ਦਾ ਹੌਂਸਲਾ ਵਧਾਉਣ ਲਈ ਮੌਜੂਦ ਰਹੇਗੀ।
ਤਸਵੀਰ ਸਰੋਤ, Getty Images
ਮਾਹਰੂਫ਼ ਇਸ ਮੈਚ ਨੂੰ ਪਾਕਿਸਤਾਨ ਅਤੇ ਭਾਰਤ ਦੀਆਂ ਲੱਖਾਂ ਕੁੜੀਆਂ ਨੂੰ ਪ੍ਰੇਰਿਤ ਕਰਨ ਦਾ ਇੱਕ ਵੱਡਾ ਮੌਕਾ ਸਮਝਦੇ ਹਨ।
ਇਸੇ ਤਰ੍ਹਾਂ ਸ਼ਿਰਾਜ਼ ਹਸਨ ਨੇ ਭਾਰਤੀ ਖਿਡਾਰਨ ਏਕਤਾ ਬਿਸ਼ਟ ਦੀ ਇੱਕ ਵੀਡੀਓ ਕਲਿੱਪ ਟਵਿੱਟਰ ਤੇ ਸਾਂਝੀ ਕੀਤੀ ਜਿਸ ਵਿੱਚ ਉਹ ਫ਼ਾਤਿਮਾ ਨਾਲ ਮਨਪ੍ਰਚਾਵਾ ਕਰਦੇ ਨਜ਼ਰ ਆ ਰਹੇ ਹਨ।
ਆਤਿਫ਼ ਨਵਾਜ਼ ਨੇ ਟਵੀਟ ਕੀਤਾ,''ਬਿਸਮਾਹ ਮਾਰੂਫ਼ ਦੀ ਵਿਰਾਸਤ ਮੈਦਾਨ ਉੱਪਰ ਕੀਤੀਆਂ ਪ੍ਰਪਤੀਆਂ ਤੋਂ ਕਿਤੇ ਅੱਗੇ ਜਾਵੇਗੀ। ਇੱਕ ਸਮਾਜ ਜਿੱਥੇ ਅਕਸਰ ਔਰਤਾਂ ਨੂੰ ਆਪਣੇ ਕੈਰੀਅਰ ਅਤੇ ਪਰਿਵਾਰ ਵਿੱਚੋਂ ਇੱਕ ਨੂੰ ਚੁਣਨ ਲਈ ਕਿਹਾ ਜਾਂਦਾ ਹੈ। ਉਹ ਦਿਖਾਅ ਰਹੇ ਹਨ ਕਿ ਤੁਸੀਂ ਦੋਵੇਂ ਰੱਖ ਸਕਦੇ ਹੋ। ਪ੍ਰਰੇਨਾਦਾਇਕ ਵਿਅਕਤੀ।''
ਇਹ ਵੀ ਪੜ੍ਹੋ:
ਇਹ ਵੀ ਦੇਖੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
