Women in Politics: Ọnụọgụgụ ụmụnwaanyị bara n'Ụlọmeiwu na Ntuliaka 2023 ọ na-agbada?

Miriam Onuọha, Ireti Kingibe na Lilian Orogbo

Ebe foto si, Miriam Onuọha, Ireti Kingibe, Lilian Orogbo/Facebook

Nkọwa foto, Miriam Onuoha nwetara mmeri maka Okigwe-North n'aha APC, Ireti Kingibe na Orogbu Lilain meriri maka FCT nakwa Awka South/Awka-North nỤlọomeiwu Ukwun'aha Labour Party

Ọnụọgụgụ ụmụnwaanyị ga-anọ ụlọomeiwu Naijiria adaala site n'ihe ọ bụ n'afọ 2019.

Ụmụnwaanyị nwetara mmeri ịnọ n'oche 13 n'ime 360 (iri na atọ n'ime nari atọ na iri isii) dị n'Ụlọomeiwu Nta nke bụ 3.61% ndị omeiwu ga-abanye n' ụlọomeiwu ahụ mailite n'abalị 29 nke ọnwa Mee afọ a.

Nke a bụ obere gbalite pasenti .56(.56 %) dịka ọ bụ ụmụnwaanyị 11 nke bụ pasent 3.05 n'afọ 2019.

Otu onye na-agba mbọ maka ikike dịịrị onye bụ Ada Agina ude nwere ọnụ na ọnụọgụgụ ụmụnwaanyị banyere n'ụlọomeiwu gbalitere obere, rtụturu aka na o rubeghị ihe a na-achọ nke bụ ka ọnụọgụgụ ụmụnwaanyị nọ n'Ụlọomeiwu na nke ọgbo ha n dị nwoke hara nhatanha.

Agina-Ude kwụrụ sị, "Ọ bụ ihe mwute tumadi n'Ụlọomeiwu Ukwu bụ ebe ọ ga- amugbu onwe ya ma anyi karia otu a.

"Ụmụnwaany na-agazi akwụkwo ugbua, ahụghị m ihe kpatara ụmụnwoke ga-akarị ụmụnwaanyị n’ụlọomeiwu. Ha kwesịrị ịha nhatanha, 50:50.”

Skip content and continue reading

End of content

Naanị ụmụnwaanyị atọ nwetara mmeri ị banye senate na ntuliaka a e mere na nsonso a.

Ha bụ Harry Banigo (PDP) Rivers; Idiat Adebule APC nke Lagos nakwa Ireti Kingibe( LP) na-anọchite FCT.

Skip Akachasị Gụọ and continue reading
Akachasị Gụọ

End of Akachasị Gụọ

Idiat Adebule na Ipalibo Harry Banigo

Ebe foto si, Idiat Adebule/ Ipalibo Harry Banigo/Facebook

Ụmụnwaanyị asaa nọbu n'Ụlọiomeiwu Ukwu nke Itoolu, ọtụtụ n'ime ha enwetaghị ohere ịlọghachi.

Ụmụnwaanyị ndị banyere oche omeiwu Naijiria

Maureen Gwacham na Clara Chinwe Nnabuife

Ebe foto si, Maureen Gwacham /Clara Chinwe Nnabuife/Facebook

Nkọwa foto, Maureen Gwacham(Apga) ga-anọchite Oyi/Ayamelum,ebe Nnabuife Chinwe Clara( YPP) ga-anọchite Orumba North/ Orumba South

Ụmụnwaanyị meriri na ntuliaka ụlọọmeiwu e mere na nsonso a ịbanye n'Ụlọomeiwu Nta gụnyere:

1. Onuoha Miriam Odinaka ( APC), Isiala Mbano, Okigwe, Onuimo

2. Orogbu Obiageli(Labour Party), Awka North/Awka South

3. Nnabuife Chinwe Clara(YPP), Orumba North/ Orumba South

4. Gwacham Mauren Chinwe (APGA), Oyi/Ayamelum

5. Ebikake Marie Enenimiete (PDP), Brass/Nembe

6. Akume Regina (APC) Gboko/Tarka

Boma Goodhead na Regina Akume (APC)

Ebe foto si, Boma Goodhead/ Regina Akume/Facebook

Nkọwa foto, Boma Goodhead na Regina Akume

7. Onuh Onyeche Blessing - APC, Otukpo/Ohimini

8. Zainab Gimba - APC, Bama/Ngala/Kala-Balge

9. Ibori-Suenu Erhiatake - PDP, Ethiope East/Ethiope West

10. Beni Butmak Lar (PDP), Langtang North, Langtang South

11. Goodhead Boma (PDP), Akuku Toru, Asari Toru

12. Bukar Abba Ibrahim Khadijah Waziri - APC, Damaturu, Gujuba, Gulani, Tarmuwa

13. Fatima Talba - APC, Nangere Potiskum