અવકાશમાંથી આવી દેખાય છે સ્ટેચ્યૂ ઑફ યુનિટી, તમે જોઈ?

ગુજરાતની સ્ટેચ્યૂ ઑફ યુનિટી અવકાશમાંથી કેવી દેખાય છે, તેનું દૃશ્ય બહાર આવ્યું છે.

સરદાર પટેલના સ્મારકની તસવીર સાન ફ્રાન્સિસ્કો સ્થિત પ્લેનેટ દ્વારા આ તસવીર બહાર પાડવામાં આવી છે.

પ્લેટેને તેના સત્તાવાર હેન્ડલ પરથી આ તસવીર ટ્વીટ કરી હતી.

તા. 31મી ઑક્ટોબરે વડા પ્રધાન નરેન્દ્ર મોદીએ આ પ્રતિમાનું લોકાર્પણ કર્યું હતું.

પ્લેનેટને વિશ્વના સૌથી વિશાળ કોમર્સિયલ સેટેલાઇટ નેટવર્કમાંથી એક માનવામાં આવે છે, જે હોનારતો, પ્રસિદ્ધ ઇમારતોની તસવીરો જાહેર કરતું રહે છે.

વર્ષ 2010માં સ્થાપિત પ્લેનેટ દૈનિક ગ્લોબલ ડેટા રિલીઝ કરે છે અને તે ગૂગલ સાથે વ્યૂહાત્મક ભાગીદારી ધરાવે છે.

કંપની સાન ફ્રાન્સિસ્કો ઉપરાંત વૉશિંગ્ટન, વૉશિંગ્ટન ડીસી, બર્લિન, કૅનેડા અને નેધરલૅન્ડ્સમાં ઓફિસ ધરાવે છે.

કંપનીનો દાવો છે કે 100થી વધુ દેશના વપરાશકર્તાઓ તેના ક્લાયન્ટ છે.

સ્ટેચ્યૂ ઑફ યુનિટી

ત્રણ હજાર કરોડ રૂપિયાના ખર્ચે સરદાર સરોવર ડેમ પાસે સાધુબેટ પર 182 મીટર ઊંચી આ પ્રતિમાએ આકાર લીધો છે.

તા. 31મી ઑક્ટોબરે ભારતના 'લોગપુરુષ' સરદાર વલ્લભભાઈ પટેલની 143મી જન્મ જયંતીએ વડા પ્રધાન મોદીએ તેનું લોકાર્પણ કર્યું હતું.

182 મીટર ઊંચી આ પ્રતિમા કાંસાની બનેલી છે, જે અમેરિકાની સ્ટેચ્યૂ ઑફ લિબર્ટી (93મીટર) કરતા લગભગ બમણી જેટલી ઊંચાઈ ધરાવે છે.

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો