આંદોલનકારી ખેડૂતોનો નરેન્દ્ર મોદીને ખુલ્લો પત્ર, મૂકી વધુ છ માગણી

કેન્દ્ર સરકાર દ્વારા ત્રણ કૃષિકાયદા પરત ખેંચવાની જાહેરાત કરાઈ, એ બાદ સંયુક્ત કિસાન મોરચાએ વડા પ્રધાન નરેન્દ્ર મોદીને ખુલ્લો પત્ર લખ્યો છે.

આ પત્રમાં છ માગણીઓ મૂકવામાં આવી છે અને જ્યાં સુધી આ માગણીઓ અંગે વાટાઘાટ શરૂ નહીં થાય, ત્યાં સુધી આંદોલન ચાલુ રાખવાની જાહેરાત કરવામાં આવી છે.

કેન્દ્ર સરકાર દ્વારા લાગુ કરવામાં આવેલા ત્રણ કૃષિકાયદાનો દેશભરના સેંકડો ખેડૂતસંગઠનો વિરોધ કરી રહ્યા હતા.

આ સંગઠનનોના મંચ સંયુક્ત કિસાન મોરચાએ રવિવારે વડા પ્રધાન નરેન્દ્ર મોદીને છ માગણીઓ સાથે પત્ર લખ્યો છે.

આ પત્રમાં વડા પ્રધાન નરેન્દ્ર મોદીને સંબોધીને લખ્યું છે કે, "19 નવેમ્બરની સવારે દેશના કરોડો ખેડૂતોએ તમારો રાષ્ટ્રજોગ સંદેશો સાંભળ્યો."

"અમે નોંધ્યું છે કે 11 વખતની વાટાઘાટો બાદ દ્વિપક્ષીય ઉકેલના સ્થાને તમે એકપક્ષીય ઘોષણાનો માર્ગ પસંદ કર્યો, પરંતુ અમને આનંદ છે કે તમે કૃષિકાયદા પાછા ખેંચવાની જાહેરાત કરી."

સંયુક્ત કિસાન મોરચાએ વડા પ્રધાનની જાહેરાતને આવકારતાં લખ્યું છે કે, "અમે આશા રાખીએ છીએ કે તમારી સરકાર આ વચન વહેલી તકે પૂર્ણ કરશે, પરંતુ તમે સારી રીતે જાણો છો કે, અમારી માગ માત્ર 3 કાયદાઓ રદ કરવા પૂરતી ન હતી. અમે આ સિવાય પણ શરૂથી વધુ ત્રણ માગણીઓ ઉઠાવી હતી.'

પત્રમાં જણાવ્યું છે કે, "વડા પ્રધાનના સંબોધનમાં અન્ય માગણીઓનો સમાવેશ ન કરાયો હોવાથી ખેડૂતોને નિરાશા સાંપડી છે."

કૃષિકાયદા વિષયક માગણીઓ

ખેડૂતોએ સાથે-સાથે આ ત્રણ માગણીઓ પણ મૂકી હતી.

વધુ ત્રણ માગણીઓ

છેલ્લા એક વર્ષથી ચાલી રહેલા આંદોલનને પગલે પણ કેટલાક મુદ્દાઓ ઊભા થયા હોવાનું સંયુક્ત કિસાન મોરચાના ધ્યાને આવ્યું છે.

આ મુદ્દાઓના નિરાકરણ માટે પણ પત્રમાં કેટલીક માગણીઓ ઉમેરવામાં આવી છે.

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો