You’re viewing a text-only version of this website that uses less data. View the main version of the website including all images and videos.
ફેસબુક, ઇન્સ્ટાગ્રામ ભારતનાં અનેક શહેરોમાં ડાઉન, લાખો યૂઝર્સની ફરિયાદ
ભારતનાં અનેક શહેરોમાં ફેસબુક, ઇન્સ્ટાગ્રામની ઍપ અને વેબસાઇટ ડાઉન થઈ ગઈ છે.
સોશિયલ મીડિયા પર લાખો યૂઝર્સ તરફથી આ ફરિયાદ આવી રહી છે.
સમાચાર એજન્સી રૉયટર્સે આ મામલે આ બંને કંપનીઓની પેરન્ટ કંપની મેટા પાસેથી માહિતી માગી છે.
યૂઝર્સ અનુસાર, તેમનાં ફેસબુક અને ઇન્સ્ટાગ્રામ એકાઉન્ટ અચાનક લૉગ આઉટ થઈ ગયાં. બાદમાં ફરી વાર લૉગીન કરવાનો પ્રયાસ કરવામાં આવ્યો ત્યારે પણ થયું નથી.
ટ્રૅકિગ વેબસાઇટ ડાઉન ડિટેક્ટરે ફેસબુકમાં ખામીના 3 લાખ, જ્યારે ઇન્સ્ટાગ્રામમાં ખામીના 20 હજાર રિપોર્ટ્સ મળ્યા હોવાનું સૂચવ્યું હતું.
સોશિયલ મીડિયા વેબસાઇટ એક્સ પર હજારો યૂઝર્સ પોતાના અનુભવો શૅર કરી રહ્યા છે. ઇન્સ્ટાગ્રામ, ફેસબુક અને મેટા એક્સ પર ટેન્ડ્ર થવા લાગ્યા છે.
મેટાએ આપ્યો જવાબ
આ મામલે મેટાના પ્રવક્તા તરફથી પ્રતિક્રિયા આવી છે.
મેટાના પ્રવક્તા એન્ડી સ્ટોને એક્સ પર લખ્યું, "એ વાતની અમને ખબર છે કે લોકો અમારી સેવાઓનો લાભ લેવામાં મુશ્કેલી અનુભવી રહ્યા છે. અમે તેને યોગ્ય કરવા કામ કરી રહ્યા છીએ."
End of સૌથી વધારે વંચાયેલા સમાચાર
ફેસબુક, ઇન્સ્ટાગ્રામ ડાઉન થવા પર મેટાની હરીફ કંપની એક્સના માલિક ઍલન મસ્કે ટીખળ કરી છે.
ઍલન મસ્કે લખ્યું, "જો તમે આ પોસ્ટ વાંચી રહ્યો છો તો એનું કારણ એ છે કે અમારાં સર્વર કામ કરી રહ્યાં છે."
