C: Pa gymorth ariannol sydd ar gael wrth hyfforddi i fod yn athro?

A: Os ydych yn fyfyriwr ôl-raddedig yn dilyn Tystysgrif Addysg i Raddedigion i fod yn athro gymwysedig, gallwch gael tua £6,000 i'ch helpu tra'n dilyn y cwrs cychwynnol ymarfer dysgu, ar yr amod fod eich ffioedd dysgu yn cael eu talu gan eich Awdurdod Addysg Leol.

Os ydych yn hyfforddi i ddysgu pwnc blaenoriaeth fel Cymraeg, efallai eich fod yn gymwys am daliad arbennig o £4,000 (wedi ei drethu).

Gall Athrawon Newydd Gymhwyso (ANG) yng Nghymru a Lloegr hefyd fanteisio ar y cynllun i ad-dalu benthygiadau athrawon. Os ydych yn dysgu pwnc blaenoriaeth, gall y Llywodraeth ad-dalu gweddill eich benthyciad myfyriwr dros gyfnod o 10 mlynedd, ar yr amod eich bod yn parhau i ddysgu am y cyfnod.

Gall athrawon cynradd fod yn gymwys am y cynllun i ad-dalu benthygiadau athrawon os ydynt yn gyflogedig fel arbenigwr yn eu swydd cyntaf, neu'n dysgu pynciau blaenoriaeth i grwpiau neu ddosbarthiadau eraill am hanner eu amser. Gall y rhai hynny sy'n hyfforddi i ddysgu mewn sefydliadau addysg bellach hefyd fod yn gymwys am y cynllun i ad-dalu benthygiadau athrawon. Am fwy o wybodaeth, ewch i safwe'r Adran Addysg a Sgiliau (DfES).

Os ydych yn 24 mlwydd oed neu'n hyn, gallwch ennill cyflog tra'n hyfforddi i ddysgu drwy ddilyn llwybr seiliedig ar gyflogaeth i ddod yn athro. Gyda'r Cynllun Athro Graddedig a'r Cynllun Athro Cofrestredig, byddwch yn derbyn cyflog o o leiaf £13,266 tra'n hyfforddi. Oherwydd hyn, mae'r Cynllun Athro Graddedig yn boblogaidd iawn felly mae llefydd yn brin.

Dyw'r BBC ddim yn gyfrifol am gynnwys safleoedd rhyngrwyd allanol