A: Pan fyddwch yn penderfynu faint o arian poced i'w roi i blentyn, gwnewch yn siwr eich bod yn egluro ar gyfer beth yn union y mae'r arian. Fydd yr arian ar gyfer melysion ac ati yn unig neu a ddylai, er enghraifft, gynnwys tocynnau bws, trip ysgol, anrhegion pen-blwydd? Mae'n debyg y byddai'n syniad da rhoi digon o arian i'ch plentyn nid yn unig ar gyfer melysion a gofynion hanfodol eraill o ddydd i ddydd, ond hefyd er mwyn ei alluogi i ddod i'r arferiad o gynilo ar gyfer DVDs, gemau fideo ac eitemau drud eraill.
Dylech egluro wrth eich plentyn (ac yn bwysicach fyth wrthych chi eich hun) a yw'r arian poced yn "warantedig" ac yn ddiamod ynteu a yw'n amodol ar ymddygiad da. Camgymeriad, fel arfer, yw cysylltu arian poced â pherfformiad yn yr ysgol - pe gallai cymhelliant ariannol ein gwneud yn fwy clyfar byddai pob un ohonom yn athrawon prifysgol.
