C: Mae fy mhlentyn wedi ei roi 'ar adroddiad'. Beth yw pwrpas hyn?

A: Os nad ydych yn siwr pam bod eich plentyn wedi cael cosb neu sancsiynau, cysylltwch â'r ysgol. Fel arfer, mae plentyn yn cael ei roi 'ar adroddiad' ar ôl i nifer o sylwadau anffafriol gael eu gwneud am ei ymddygiad mewn gwersi, am safon ei waith neu ei ymddygiad cyffredinol yn ystod amser chwarae.

Mae cerdyn 'ar adroddiad' yn galluogi athrawon i fonitro agwedd y disgybl a faint y mae'n ei ganolbwyntio drwy gydol ei ddiwrnod yn yr ysgol. Mae hwn yn ymarfer gwerthfawr a all wneud i'r disgybl sylweddoli fod ei ymddygiad yn annerbyniol, ond a all hefyd roi dadansoddiad manwl o ymddygiad ac agwedd y plentyn i'r ysgol ac i chithau, fel bod modd rhoi sylw i wendidau.