 |  Huw Wiltshire
Huw yw Cyfarwyddwr Cwrs y BSc (Anrhydedd) Chwaraeon ac Ymarfer Corff yn UWIC, Caerdydd. Mae e hefyd yn hyfforddwr Cryfder a Chyflyru Ffitrwydd yng Nghlwb Rygbi Caerdydd a bu'n hyfforddwr ffitrwydd i Dîm Rygbi A Cymru. Ei ddiddordeb pennaf ym maes ffitrwydd yw cryfder a chyflyru ar gyfer rygbi.
|  |
- Canfyddwch weithgaredd rydych yn ei mwynhau.
Gêm o fadminton gyda ffrind, sboncen neu sesiwn gylched. Profwch nifer o wahanol bethau tan i chi ddod o hyd i rywbeth sy'n addas i chi a'ch ffordd o fyw.
- Hyfforddwch gyda phartner neu grŵp.
Bydd pwysau'r grŵp yn eich cadw i fynd pan fyddwch yn teimlo fod mynd allan yn ormod o drafferth. Amrywiwch eich gweithgareddau au lleoliad. Does dim rhaid iddo gostio llawer - lonciwch y tu allan, cerddwch i ben mynydd. Dywedwch wrth eich hunan, 'Ar y pwynt hwn yn yr wythnos, byddaf yn bendant yn ...' Trwy amrywio eich gweithgareddau, byddwch yn cynnal eich diddordeb.
- Peidiwch â gwneud gormod yn rhy fuan.
Os bwrwch ati a hyfforddi'n rhy galed yn rhy gyflym, byddwch yn ddolurus ac yn anhebygol oi wneud eto. Gwnewch ychydig i ddechrau a chynyddu'r sesiynau'n raddol; fel hyn, fyddwch chi ddim yn collich awydd.
- Cryfhewch eich craidd.
Mae'r craidd yn hollbwysig! Gweithiwch ar gryfhau eich stumog a'ch cefn. Byddwch yn osgoi anafiadau os canolbwyntiwch ar hyn yn eich sesiynau ffitrwydd.
- Defnyddiwch bwysau neu bwysau eich corff er mwyn gwella eich cryfder.
Gofynnwch am gyngor cyn dechrau, a chynyddwch y pwysau yn raddol.
- Dechreuwch wneud sesiynau cylched.
Dewiswch 4 neu 5 ymarfer, a gweithiwch o'u cwmpas. Cynyddwch yr amseroedd / cylchedau. Bydd yn help i chi losgi braster a chryfhau, ac fe gewch deimlad o fodlonrwydd.
- Gadewch i ymarfer ollwng y braster.
Yn aml, gofynnir y cwestiwn 'Ddylwn i dorri'r calorïau neu gynyddu'r ymarfer?' Wnewch chi ddim ei golli trwy feddwl amdano! Os defnyddiwch chi egni, fe losgwch chi galori. Bwrwch ati ac fe welwch wahaniaeth. Ychwanegwch ysbeidiau byrion o weithgarwch i'ch diwrnod, yn hytrach nag ymarfer am gyfnod hir ar ddiwedd diwrnod o waith a rhoi pwysau ar eich hunan i'w fwynhau!
- Dydy deiets ddim yn gweithio.
Edrychwch ar eich deiet arferol a cheisiwch newid elfennau bychain o'ch deiet i wneud gwelliannau. Mae'r hen ddywediad yn wir - Bwytwch frecwast fel brenin a swper fel tlotyn. Bwytwch brydau mwy ar ddechrau'r dydd er mwyn rhoi cyfle i'ch corff losgi'r calorïau. Dylech fwyta'r pryd lleiaf amser swper.
- Yfwch ragor o ddŵr.
Os yfwch lai o gaffîn a diodydd melys, fe deimlwch yn well. Rydym yn blino ac yn teimlo'n llesg os oes arnom angen dŵr. Mae dŵr yn glanhau eich system ac yn gwneud i chi deimlo'n fwy effro. Cariwch ddŵr gyda chi bob amser a chymrwch gegiad ohonon rheolaidd wrth wneud ymarfer corff.
- Cerddwch fwy a nofiwch fwy.
Mae cerdded yn defnyddio nifer helaeth o gyhyrau ac maen ffordd rad o losgi braster. Mae nofio yn gweithio'r corff i gyd ac nid yw'n cywasgu'r cymalau. Mae nofio'n ardderchog - gweithgaredd aerobig a gwrthsefyll ... ac mae'n achub bywydau!
| 
Rhannwch eich profiadau neu gofynnwch am gyngor ar y 