 |  Alison Pylkkänen
Alison yw golygydd cylchgrawn Zest, sef y cylchgrawn iechyd, prydferthwch a ffitrwydd sy'n gwerthu orau yn y DU.
|  |
- Defnyddiwch fideo.
Prynwch fideo ffitrwydd sy'n torri'r gweithgareddau i adrannau bychain sy'n canolbwyntio ar rannau'r corff (stumog, breichiau, coesau) neu ar gyrraedd nod (ymlacio, cryfhau, tynhau). Wedyn, bydd modd i chi wneud ychydig, hyd yn oed os nad oes amser gennych i wneud yr holl beth.
- Noson allan gyda'r merched.
Trefnwch noson allan gyda'r merched - a dewiswch rywle gyda cherddoriaeth wych. Gallwch losgi 600 calori wrth ddawnsio am ddwy awr!
- Methu wynebu'r daith i'r gym?
Nid chi yw'r unig un. Maer ffordd fwyaf ffasiynol o chwysu chwartiau ar garreg y drws, yn ôl arbenigwyr o UDA, sy'n honni bod pobl yn dechrau darganfod yr hwyl sydd i'w gael o ymarfer yn eu cymunedau. Felly, cynigiwch fod yn gwmni i'ch cymydog pan fydd yn mynd â'r ci am dro, ymunwch â'ch dosbarth ioga lleol neu ddefnyddio'ch parc agosaf.
- Bownsio!
Bydd bownsio am 10 munud ar drampolîn yn gwneud i chi deimlo fel plentyn eto, ac mae mor llesol i'r corff â loncian am 30 munud, yn ôl astudiaeth gan NASA!
- Nofio.
Gall nofio wneud i chi deimlon fwy llwglyd na rhedeg oherwydd bod rhaid i'ch corff weithion galetach er mwyn cadw'i dymheredd yn sefydlog yn y dŵr. Felly, os hoffech osgoi chwant bwyd mawr ar ôl ymarfer, gwell fyddai hepgor y pwll.
- Rhannwch y rhedeg.
Os yw rhedeg heb seibiant am 20 munud yn teimlo'n rhy anodd, rhannwch y sesiwn trwy redeg am bedwar munud a cherdded am un munud. Gwnewch hyn dair neu bedair gwaith, a chynyddwch eich amser rhedeg wrth i chi ddod yn fwy heini.
- Dŵr.
Mae yfed dwy litr o ddŵr llonydd y dydd yn eich helpu i losgi 150 calori, trwy ysbarduno eich system nerfol a chyflymu eich metaboledd.
- Calsiwm.
Bwytwch ddigon o fwydydd llawn calsiwm. Mae astudiaethau'n dangos y gall lefelau uchel o galsiwm reolir hormonau sy'n gwneud i ni gadw braster wedi'i storio. Mae llysiau gwyrdd deiliog a chynnyrch llaeth braster-isel yn ffynonellau da o galsiwm.
- Stumog fel Britney!
Hoffech chi gael stumog fel Britney? Buddsoddwch mewn hula hoop. Mae pwysau ar y mathau diweddaraf ohonynt, felly maent yn gweithio'ch canol a chyhyrau'r stumog yn galetach na'r cylchoedd plastig traddodiadol.
- Tretiwch eich hunain.
Os ydych dillad ymarfer yn hen neu'n ddiolwg, fyddwch chi ddim yn teimlon dda wrth eu gwisgo. Prynwch git newydd ffasiynol yn anrheg i'ch hunan - bydd yn eich ysgogi i ymarfer mwy.
| 
Rhannwch eich profiadau neu gofynnwch am gyngor ar y 